KEE NO. 101 -150

KEE NO. 101

Kubunta Tuhan Dibata

1. Ku bunta RTuhan Dibata

 Senjata la terlawan

 I pulahiNa si tetap

 Teman si nggo tertaban

 Pertimbang ngengkus nge

 Merawa Ia pe

 Tipu ras guak ka

 Atena si ngena

 Em raja doni enda

2. Adi kuasanta la kap lit

 Melukah talu kita

 Lit si mbisanta si nggit

 Ngampang-ngampangi kita

 Si kai gelarNa nge?

 Tuhanta Yesus e

 Raja gelarNa kap

 La lit si deban kap

 Si mada permusuhen

3. Aminna k’rina si mejin

 Ngulah atena kita

 La kal pe mbiar kita kin

 Si permenang kap kita

 Raja i doni e

Megagas gia pe

 Kadenta kai pe lang

Iukum ia kang

 Kata mahanca talu

4. Kata Dibata tahan nge

 Se njengkal pe la surut

 KesahNa si Badia me

 Nemani kita runut

 Kesahta buatlah

 Ndehara, anak, mas

 La untung bana e

 Sabap si the nge pe

 Surga kap k’rajang kami

KEE NO. 102

Kekenlah o, kam si tutus

1.si malang pe man Tuhan Dibata

 Si suari bergi sikap rusur

 Ngarakken Tuhan ‘bas mesera

 Si pangikutken Tuhan Yesus pe

 Bagi ngena me ate Tuhan

2. Ota darami si nggo nilah

 Taruhkenlah ku dalin pinter ka

 Gelah perdosa k’rina robah

Jenari ngikut Anak Dibata

Si lajang-lajang pe daramilah

 Ku rumah Bapa k’rina min gelah

3. Melala denga siat jelma

 Ingan Bapanta longge ras embas

 Ku serpang-serpang dai k’rina

 Legi si langa pe meteh kubas

 Lah rumah Bapa dem pagi min

 GelarNa rasa lalap man pujin

4. O, Tuhan b’re man kami k’rina

 KesahNdu si Badia simper min

 I jenda kami sikap k’rina

 Endalanisa nge man dahin

Tah katawari pe erkata Kam

 I jenda kami, suruhlah Tuhan

5. B’re Tuhan, maka doni raslah

 Megiken KataNduna lampas min

 Makana bangsa-bangsa nembah

 Man Yesus Kriskus, raja surga kin

 Ibas adep-adepenNdu Tuhan

 Perpulung pagi k’rina kami kang

KEE NO. 103

Keke o, Temanku

1. Keke o, temanku, Siikutken kap

 Panji si Badia tanda si tetap

 Tuhan si erdilo, banci kin la reh?

 Dalin picet gia, ras Tuhanta she

 Keke o, temanku, siikutken kap

 Panji si Badia, tanda si tetap

2. Nina Tuhan kapen muatNa ku das

 “Seh kedungen doni Aku lalap ras

 Dage ola mbiar sabab kuasa nge

 Si ni doni, surga, nggo mr bangku pe”

 Keke o, temanku, siikutken kap

 Panji si Badia tanda si tetap

3. To temanku keke, Tuhan nggo lebe

 Ia si nggegehi kita k’rina nge

 Ota k’rina berkat sikap me gelah

 Musuh senjatana talu nggo ndekah!

 Keke o, temanku siikutken kap

 Panji si badia tanda si tetap

KEE NO. 104

Bapa kami si mekuah

1. Bapa kami si mekuah

 Matawari nggo ben

 Kami min mejuah-juah

 Kari k’rina ras medem

 Kami ligeni Kam min

 Ola bangger tah suin

2.Dosa si ni bahan kami

 Empak Kam, empak teman

 Adi banci min alemi

 Kerna Yesu o, Tuhan

 B‘re tuahNdu o, Bapa

 Pemedakken kami ka

KEE NO.105

Lawes me kam mejuah-juah

1. Lawes me kam mejuah-juah

 Dibata min m’re bandu tuah

 Malekat min ngasuhi kam

Tuhan kap ciligenenndu

 ‘Di Ialah penalemenndu

 Ku japa pe senang me kam

 Ku Ia min tetap

 I  t’tang ras i gelap

 Rusur-usur ,

Ingetkenlah Man kami kang

 Di man Dibata ‘rtoto kam

KEE NO.106

O, Bapa si mekuah e

1. O, Bapa si mekuah e

 Ban nakan kami enggo sikap

 Tuahi ras cukupi pe

 Lah enda me terakap

2.Tapina Kam sukutna me

 Sabab ibas Kam nari enda

 Lah ibas man ras minem pe

 Terpuji Ka mi jenda

KEE NO.107

Isehken kami bujur bandu

1. Isehken kami bujur baNdu

 Tuhan ban kamu nggo elah

 Pangan inemen idur tanNdu

 Ergaken kami min gelah

 Ajari kami min o, Bapa

 Ngergaken pe pedahindu min

 Lah ukur kami pe nggo sapa

 Ras malem ate kami kin

KEE NO.108

Mbelang me kap man peranin

1. Mbelang me kap man peranin

 Tapina kurang si ranisa pe

 O, Tuhan iahken Kam gelah min

 KawanNdu ku bas peraninNdu e

2. Tatap min k’rina bangsa e

 Nggo tuhu labuh k’rina ia pe

 Pingko-pingkona seh ku surga e

 Mindo penampat man Yahwe i je

 Pingko-pingkona seh ku surga e

 Mindo penampat man Yahwe i je

3. Nggo seh padan Dibata e

 Bapanta si ringan i surga e

 DiloNa me kerina jelma e

 Bengket ku kesenangen surga e

 DiloNa me kerina jelma e

 Bengket ku kesenangen surga e

4. Pedas min seh berita e

 Pembarken kata kegeluhen e

 Ku k’rina bangsa ibas doni e

Tutus min kita ndahi dahin e

 Ku k’rina bangsa i doni e

Tutus min kita ndahi dahin e

5. O, Yesus si perkuah e

 Kam me nebusi k’rina jelma e

 Pedas min t’rangi ku si gelap e

 Ku Kam tegulah manusia e

Pedas min t’rangi ku si gelap e

 Ku Kam tegulah manusia e

KEE NO.109

Mari mulih kam

1. Mari mulih kam

 Anak si nggo lalar

 Latih susah me kam

 Kena bangger kelesan

 Mari mulih kam,

 Mulih, mulih me kam

 Mulih, mulih me kam

2. Mari mulih kam

 Tedeh ateku kam

 Nggo meluat me kam

 M’lala dosa iban

 Mari mulih kam,

 Mulih, mulih me kam

 Mulih, mulih me kam

3. Mari mulih kam

 Mulih anak lajang

Nggo medanggel me kam

 O, anak perlajang

Anak perlajang

 Mulih, mulih me kam

 Mulih, mulih me kam

4. Mari mulih kam

 Maka senang me kam

 Mari senang me kam

 ItebusNa me kam

 Mari mulih kam,

 Mulih, mulih me kam

 Mulih, mulih me kam

KEE NO.110

Mari ku Yesus

1. Mari ku Yesus dahi pedas

 Begi pedahNa bahan bujur

 Mari ku Yesus dahi terus

 Ia me Penebus

 Senang m’riah ukurta kepe

 Adi masap k’rina dosa e               

 Mari me kita ku surga e

 Ku kesenangen e

2. Mari ku Yesus, mungkuklah min

 Perbahanenndu si la uli

 IsasapkenNa dosandu e

 Alu darehNa e

 Senang m’riah ukurta kepe

 Adi masap k’rina dosa e

 Mari me  k’rina dosa e

 Ku kesenangen e

3. Mari ku Yesus, dahi pedas

Maka dosanndu min nggo kelas

 Yesus perkeleng, melias pe

 Malem ukurndu e

 Senang m’riah ukurta kepe

 Adi masap k’rina dosa e

 Mari me kita ku surga e

 Ku kesenangen e

4 Mari ku Yesus si perkuah

 IsampatiNa lah kam pulah

 IpulahiNa tendinta e

Maka terkelin nge

 Senang m’riah ukurta kepe

 Adi masap k’rina dosa e

Mari me kita ku surga e

 Ku kesenangen e

KEE NO.111

Ola atendu ceda min

1 Ola atendu ceda min

Teklah ibas Dibata

 AnakNa Yesus Tuhan e

 Erkata kap man banta :

 “I rumah Bapa mbas mekap

 Enterem siat ringan je”

Ku je, ku je

 Kam lawes gelah min

2. Siakpkenlah ukurndu min

 Ndengkehken pendiloNa

Yesus Kristus Tuhanta kap

 Erkata g’lah kam sikap

 Nggo sai utang dosandu

 e Igalar Tuhan Yesus e

 Nggo sai, nggo sai

 Utang dosandu e

3. Ola atendu ndele min

 Iban dosanndu mbue

 KataNa ola simbak kin

 Begiken pendiloNa

 Yesus Tuhanta ndilo kam

 Pedasken gelah berkat min

 Ota, ota

 Ku surga lawesta

4. Dage kuga ukurndu e

 Ras kita gelah berkat

 Ku keriahen surga e

 Ku kesenangen lalap

 Sipujilah Tuhanta e

 Iban lias ateNa kap

 Ku jem, ku jem

 Keleng ateNa nge

KEE NO.112

Keke nggo terang wari

1. Keke nggo t’rang wari

 Nggo mentas berngi e

 Mentas me tetep wari

 Perdalanen e

 Rincuh ukur ndarami

 Ku kegeluhen e

 Adi reh ka gelap

Pengadinndu kap

2.Keke me kita jelma

Tadingken dosa e

 Ernalemlah man Kata

 Ni Tuhanta e

 Ialemi Tuhanta

 K’rina me dosa e

Daten kam ibahanNa

3. Kesenangen e Keke min kita k’rina

 Mejingkat kit ape

 Nggit jumpa si mesera

 Kesusahen pe

 Pakelah min gegehta

 Empetlah min dage

 Ayak kegeluhenta

 Si ni surga e

KEE NO.113

Tuhan kam si kupuji

1. Tuhan Kam ku puji,

 ‘Rpagi-pagi e

 Medak aku nduari,

 Daging bugis pe

 Sanga tunduh aku,

 I kawali Kam

 Aku ras temanku senang iban Kam

2. Gegeh ni dagingku

 Ipesuang Kam

 Kudahi dahinnku

 Wari enda ka

 Pasu-pasu aku

Ras dagingku pe

 Natap min matangku Lalap baNdu pe

3. Petegeh min aku

Wari sendah pe

 Pedauh Kam min dosa

 Ras percuban pe

 Gelah kuikutken

 Min kataNdu e

 Kam me kupujiken

 Ibas doni e

KEE NO.114

Sendah jumpa kita wari raya e

1. Sendah jumpa kita wari raya e

 Peringeten tubuh Tuhan Yesus e

 Nusur ndahi kita manusia e

 Keriahen kap e

Ermulia me Tuhanta

 Ersipuji me GelarNa

 Perdamen i b’re Dibata

 Tuhan Yesus kap e

2.Mari kita ku kuta Betlehem e

 Muji nembah man Tuhanta Yesus e

 E tinenges tuhan si perkuah e

 Dibata Bapa e

 Ermulia me Tuhanta

 Ersipuji me GelarNa

 Perdamen i b’re Dibata

 Tuhan Yesus kap e

3.Sembah kami man baNdu si tubuh e

 Kam si maba dame ku pertibi e

 Bengket min ku tendi ukur kami e

 DameNdu o,  Yesus

 Ermulia me Tuhanta

 Ersipuji me GelarNa

 Perdamen i b’re Dibata

 Tuhan Yesus kap e

KEE NO.115

Keriahen si mbelinna

1. Keriahen si mbelinna

 Si kuberitaken e

 Enggo tubuh si Permakan

 Eme Tuhan Yesus e

Pujilah min Dibatanta

 Ras dame, dame, man banta

 Dibatanta si erkuah ate

 Man kita jelma e

2. Ibas berngi enda terang

 Bintang si mehelhel e

 T’rangna seh ku perukuren

 Silanai erlayas pe

 Pujilah min Dibatanta

 Ras dame, dame, man banta

 Dibatanta si erkuah ate

 Man kita jelma e

3. tuhan yesus persadanta,

Em suruh bapa e.

Ibas golgota kepe

Pujilah min dibantanta

Ras dame,dame,dame man banta

Dibatanta si erkuah ate

Man kita jelma e

KEE NO.116

Rende muji Tuhan

1. Rende muji Tuhan, Yesus tubuh kin

 Ia si mullahi kita jelma kin

2. Melala me dosa, percuban ka pe

 Si nuhsasi kita terjeng mate pe

3. Tuhan Dibatangku, yesus Kam me kin

 Lanai aku rate kalak si tek kin

4. Nggo terapul aku, IBAN Kam kin

Tuah ras dameNdu min man bangku kin

5. Yesus tuhu teman, si melias kin

 Lias ateNdu peseh man bangku

6.Adi iteh kalak, Kam si bujur kin

 Ngadap me jelma nembah  man baNdu kin

7. Ibas keriahen, kesusahen pe

Kam me kap tetap man penumpatku pe

8. Ibas surga nari, natap Yesus e

 Jelma manusia tinebusNa e

9. Tetap ijagaNa, kalak si tek e

 ItaruhkenNa ku kesenangen e

10. Senang m’riah nari, ibas ingan e

 Amin, haleluya, puji Tuhan e

KEE NO.117

Nggo mentas tahun male

1. e Nggo mentas tahun male e

 Kam me kupuji Tuhan e

 Jaga kawali Kam tetap

 Tendingku ras dagingku kap

2. O, Yesus Kam Penebusku

 Keleng ateNdu man bangku

Tahun si mbaru end ape

 Taruhken perpulungen e

3.Ras kami min kataNdu e

 Man tending ukur kami e

 Pedauh min k’rina dosa e

 Ras percuban si jahat e

4. Lias ateNdu o, Tuhan

 B;re min kami ras teman

 Urasi kami k;rina min

 Alu Kesah Badia kin

KEE NO.118

O, kesah si badia e

1. O, kesah si Badia e

 Bengketi pusuh kami pe

 Layasi ukur kami

 T’rangi si ni surga nari e

 Nerangi ukur kami pe

 Peteneng tendi kami

Maka kami sikap k’rina

Maka pedah ras kataNdu

 B’re man kami min dameNdu

2. Kam si m’re ukur kami e

 Kam si ngajari kami pe

 Temani kami rusur

 Gegehi kiniteken e

 Lah tetap jingkang kami pe

 Tatap min kami rusur

 Toto kami b’re man kami

 Dame ras Kesah Badia

 Lah gelarNdu ermulia

3. Gegehi kami k’rina min

 Ngikut pedahNdu tetap kin

 Bas kegeluhen kami

 Bas k’rina paksa-paksa pe

 Ntah paksa kesusahen pe

 Tetap temani kami

 Tuhan, Tuhan, tegu kami

 Sampat kami seh terkelin

 B’re gelarndu kupebelin

4.Pengapul surga nari e

 Ngapuli ukur kami pe

 DameNdu min man kami

Ajar kami k’rina pe

 Ngelaken kekelengen e

 Man k’rina teman kami

 Ndauh min dosa maka ‘rdame

 Ras meriah kita jelma

 Ibas kegeluhen enda

5. Perbadiaken kami min

Tegu, kawali kami kin

 Layasi ukur kami

 Pedauh min ukur kami pe

 Bas kuasa ilat, jahat e

 Teguhlah min tan kami

 Tegu kami man kami

 Bengket ingan kesenangen

 Kegeluhen, kesangapen

KEE NO.119

Keke tendingku

1. Keke tendingku nggo keke Tuhanndu

 Neraka ras kematen enggo talu

 Rasleplah kita ban sangap me kap

 Ras Tuhan Yesus kam nggeluh me kap

 Ras Tuhan Yesu kam nggeluh kap

2.Talu si iblis ibahan Tuhanta

 Kematen nggo masap ras dosanta k’rina

 Piher tendindu ibahan si e

 IpegeluhNa me kita kap!

 IpegeluhNa me kita kap!

3. Di sibuniken kerina dosanta

 La banci kita ras Yesus ersada

 Tetap ukurndu ernalemlah min

 Lah lalap kita ras Ia menang!

 Lah lalap kita ras Ia menang!

KEE NO.120

Tatap min ku Golgota

1. Tatap min ku Golgota

 Yesus me kap kahulta

 Ras kegeluhenta

 Gantung Enggengken kematen

 E lalap man ingetenta

2. Mambur me kap darehNa

 Nggo sair me dagingNa

 Enda igengkenNa

 Mutus me kap kesahNa

 Erkiteken serana

 Enda me kap man gunanta

3. Kuga perbahan kami

 Ras lagu langkah kami

 Metunggung ngadap kam?

 Kami kalak perdosa

 Kam pe bagi perdosa

 Dosa nggo talu iban Kam

KEE NO.121

Tuhan Yesus Penebusku

1. Tuhan Yesus Penebusku

 Ia me penalemenku

 Ia si nggalar utangku

 Sai ibanNa dosangku

 K’leng ateNa tangkas bangku

 Kegeluhen seh man bangku

 Perban e kupuji Kam

Seh si rasa lalap e

2. Besar ka me kap kulaNa

 Perban ilihasi pe

 E me pepalemken dosa

 Tek nge aku baNa pe

 NanamiNa kap suina

 Bangku kap nggo seh geluhNa

 Perban e kupuji Kam

 Seh si rasa lalap e

3. Duri ka man tengkulukna

 Ras isaling-saling pe

 Duri ka pe perligasNa

 Palu ka takalNa e

 E me gengken Kam Tuhanku

 K’rina e iban dosangku

 Perban e kupuji Kam

 Seh si rasa lalap e

4. Kubas tanNdu ras nahendu’

 Ipakuken paku e

 Mambur ka ban e darahNdu

 I kayu silang kepe

 E me sumbul peridin

 Gelah aku pe terkelin

 Perban e kupuji Kam

Seh si rasa lalap e

5. Perban e me o, tuhanku

 Nembah aku baNdu pe

 Iasamken Kam kesahNdu

 Ngepkep si perdosa e

 Iban e nggo sai dosangku

 Salangsai me tuhu aku

 Perban e kupuji Kam

 Seh si rasa lalap e

KEE NO.122

O, Tuhanku sampat aku

1. O, Tuhanku sampat aku

 Ibas tahun enda pe

 Pebaruilah gegehku

 Ngikutken Kam seh dungna pe

 Pasu-pasu gelah min

 Kami si tek baNdu kin

2. Perukurku ras dahinku

 Pasu-pasu Kamlah min

 Amin paksa susah aku

 Ndeher aku ras Kam min

 Lawe, mulih aku e

Kam ras aku lalap e

3. Bahan bangku tahun enda

 Tahun perkuah ate

 Dingen kesasapen dosa

 Em si kuaprapken pe

 Bas Kam saja Tuhanku

 Aku daten sib age

4. Demi Kamlah min ukurku

 Alu k’leng ateNdu e

 Ras begiken min totonku

 Ban kuah ateNdu pe

 Percuban pedauhlah min

 Ola mersap ukurku min

5. Petetaplah min ukurku

 Ngimbangi si iblis e

 B’re min gegeh rusur bangku

 Ngikutken pedahNdu e

 Gelah ola leket min

 ‘Kurku ibas doni e

6. Kam temanku o, Tuhanku

 Ibas tahun enda pe

 Tegu aku alu tanNdu

 ‘Di gegehku keri nge

 Gelah pinter ‘kurku pe

 ‘Di seh pediloNdu e

KEE NO.123

Ketuahen me

1. Ketuahen me, riah ukur me

 Ketubuhen ni Yesus e

 Sangap me jelma,

 Reh me Tuhanta

 Mari surak, aleplah: Haleluya

2. Ketuahen me, riah ukur me

 Ketubuhen ni Yesus e

 Malem me ateta, ‘rdame ras Dibata

 Mari surak, leplah: Haleluya!

3. Ketuahen me, riah ukur me

 Ketubuhen ni Yesus e

 Yesus Penawarta, tbuh man gunanta

 Mari surak, aleplah: Haleluya!

KEE NO.124

Ipasu-pasu Tuhan Dibatandu

1. Ipasu-pasu Tuhan Dibatandu

O, kam si empo kam si tersereh

 Bahanlah Tuhan Yesus man temuendu

 Lah sura-sura si mehuli she

 B’re Ia min si njujurken jabundu

 Gegeh ras ukur pe ras peraten

 Lah kekelengen ibas kam pekepar

 La lesap peseh nirang kematen

2.Senang me ka psi ‘rjabu sada arih

 Pehaga Tuhan peratenna ras

 Mehuli kal ‘di ise pe la dalih

 Berkat ku minggu lah ertoto ras

 ‘Dikebiaken gelgel banci salih

 ‘Di pengerana reh hamatna pe

 Bas kehamaten labo ‘rlatih-latih

 Ipasu-pasu Tuhan me kepe

3. Meriah kal iakap orangtua

 Adi anakna ngikut ajar e

 E malem ukur si mesui lupa

 ‘Di la njuruken lagu anak e

 Senangna e di Tuhan si perkuah

 Rembak kin rusur ras dahinna e

 Ipasu-pasu Tuhan daten tuah

 Je malem-malem me ukurna

KEE NO.125

Nggo me berkat Tuhan e

1. Nggo me berkat Tuhan e

 Ku das uruk Golgota

 Latih kal akapNa pe

 IpersanNa si lang e

 Nembah kita baNa min

 Nggit k’lengNa banta kin

2. Kasa si kubahan e

 La erbahan senang pe

 Ceda kal ateku pe

 Naktak pe iluhku e

 K’rina  si kugengken e

Yesus penampatku nge

3. Kam  ku dahi o, Tuhan

 Ras dudurken tanNdu min

 Tahan Kam seh mate pe

 Ban kelengNdu me kepe

 Sempat aku lalap min

 Tebus Lam tendingku kin

4. Dosa me imbangku kap

 Yesus Kam temanku ka

 M’luat nari aku pe

 Ban dosangku mbue nge

 Masap k’rina dosa e

 Tuhan si nasapsa e

KEE NO.126

Terbuka pintu gerbang mas

1. Terbuka pintu gerbang mas

 I surga si terang

Malekat ngalo-ngalosa

 yesus si permenang

Yesus si permenang

2. Si nusur ku pertibi e

 Ku doni si gelap

 Ia ipeganjangken nge

 Yesus Tuhanta kap

 Yesus Tuhanta kap

3. Yesus nangkih ku surga e

 Bengket kubas terang

 Kam si pesikap ingan e

 I rumah si senang

 I rumah si senang

4. I surga nari nusur me

 Sinalsal kelengNdu

 Bagi lampu si terang me

 Nerangi dalinku Nerangi dalinku

KEE NO.127

Yesus Tuhanta nangkih ku surga

1.Yesus Tuhata,

 nangkih ku surga

 Kam o, Yesus Raja kami

 Kam man ikuten kami

 Tegu kami pe

lah kusurga e

2. Tegu kami min

 Lah terkelin kin

 Kam min si mulahi kami

 Ibas musush kami nari

 Si ni doni e

 Tegu kami pe

3. B’re min kesahNdu

 Lias ateNdu

 Bengket kubas ukur kami

Ia si ngkelengi kami

 Bengket surga e

 Kesenangen e

KEE NO.128

Nggo me talu kematen

1. Nggo me talu kematen

Iban Tuhan yesus e

Nggo me kekepe Ia

 Tudu ras padaNa pe

 Haleluya, haleluya!

 Nggo keke me Yesus e

 Haleluya, haleluya!

 Nggo keke me Yesus e

2. Si Maria ras temanna

 Lawes ku kuburen e

 La jumpasa Tuhan Yesus

 Nggo keke me Penebus

Haleluya, haleluya!

 Nggo keke me Yesus e

 Haleluya, haleluya!

 Nggo keke me Yesus e

3. Ralep-aleplah min kita

 Perban keke Tuhan e

 Nggo me menang kita k’rina

 Nggo me talu kematen

 Haleluya, haleluya!

 Nggo keke me Yesus e

 Haleluya, haleluya!

 Nggo keke me Yesus e

4. Marilah pujilah Tuhanta

 Si erkeleng ate e

 Nembah kita k’rina baNa

 Ia si melias pe

 Haleluya, haleluya!

 Nggo keke me Yesus e

 Haleluya, haleluya!

 Nggo keke me Yesus e

KEE NO.129

Kupuji Kam o, Dibatangku

1. Kupuji Kam o, Dibatangku

 Ras kukataken bujur pe

 Ban labo kurang kai pe bangku

 Kam sekawalku berngi

 Medak ibas mejuah-juah

 Ukurku sapa mata t’rang

Je ku genggenggengken picet susah

 Ban daging bugris ras senang

2. Tapina daging gia sikap

 Meriah gia nggeluh

Kerina enda la terakap

 ‘Di la ukurku pe nteguh

 E maka mindo aku baNdu

 Pegegeh aku sendah pe

 Lah tergejap min arah tanNdu

 Seh bangku penampatNdu e

3.Lebih pe Tuhan, iuseken

 Ib’reken Kam kesahNdu min

 Lah ola nari kuueken

 ‘Bas percuban la talu kin

 Temani aku sendah enda

 Taruhken seh ku dungna pe

 Gelah terpuju Ka mi jenda

 Kam si ngkelengi aku e

KEE NO.130

I tengah-tengah embun nari

1. I tengah-tengah embun nari

 Nggo puktak mata wari t’rang

 Kam k’rina bangsa doni mari

 Dengkehken b’rita si senang

 Celinuh masap ban t’rang enda

 Celinuh kematen gelap

Ras berngi dosa masap jenda

 Iban kinalsal t’rang mekap

2. I je me rusur itambahi

 Kam Tuhan ngruh kami e

 Je kami lalap e nambahi

 Latengka dosa kami pe

 Perban bage kai nari galar

 makana masap utang kin?

 Bene me kami si nggo lalar

 Bene kin? Lanai terkelin?

3. Tapina b’rita si Meriah

 Mahanca ukur longge kap

 Gundari paksa kinituah

 Man k’rina bangsa si gelap

 Erjimpuh i lebe Tuhanta

 Kam k’rina muji baNa pe

 Kiniulinna seh man banta

 IcukupiNa kai-kai pe

4. Enggo erdame Tuhan kapen

 Lah bebas ukur lembap pe

 La talu nari kegelapen

 Lah lanai ‘rkawan kami nge

 Si gelgel ngajuk, talu, surut

 Si ngkilang me terikat pe

 Je sangap kami, labo ikut

 Makana kami la bene

5. Man kesenangen manusia

 Nggo tubuh Penawarna e

 Perban si erkuasa Ia

 Meherga beritana pe

 GelarNa: Raja si mulia

 Pelongge dalin banta e

 Dosanta kapen ipersanNa

 DarehNa masapkenca nge

6. O, Raja Dam Kam kap saja

 Njadiken dame doni pe

 Ras dame ukur manusia

 Lah si erkesah nembah me

 Min k’rina si erdosa atan

 Bas Kam o, Raja Dame e

 Lah perdamen si nggo ibaban

 Tergejaplah man ise pe

KEE NO.131

Surga Doni Pujilah

1. Surga soni pujilah,

 Tuhan Dibatandu

 Haleluya Anakna e

 B’rekenNa man banta e

 Ngena ateNa manusia

 Doni nggo meriah kang

 ‘Ndekenlah megang iban

 Ngena AteNa manusia

KEE NO.132

E me kap wari si mbelin

1. E me kap wari si mbelin

 Ib’re Dibata banta kin

 Anakna kupertibi e

 Si inget min kelengNa e

2. Tersinget kap nggo ndekah

 Tuhanta nusur me gelah

 Pertibi enda la bene

 E tek me kita Ia pe

3. Pujin sir eh ku doni e

 Ende-endenta baNa pe

 Gelah me salih kita min

 Nggo jadi anak Tuhan kin

KEE NO.133

Mula-mula doni e

1. Mula-mula doni e

 Rende me malekat je

 Ban si nasa lit tetap

 Tuhan si nembesa kap

2. Sanga tubuh Yesus pe

 Muji ka malekat je

 Lah perdosa terkelin

 Ia jadi musil kin

3. E erkata ka pagin

 ‘Nde-enden malekat kin

 ‘di ku doni mulih pe

Tuhan si mulia e

4. Oh mejile sora e

 Sabap em biakna pe

 K’rina sora anak t’rang

 Ngena ate Tuhan kang

5. Raskenlah ngendesken min

 Kasa ‘rsora lit pagin

 Min babahku atan je

 Rende ras i surga pe

KEE NO.134

O kam o danak-danak

1. O, kam danak-danak Betlehem ras

 Nandangi pelangkah ngenehen kubas

 Ijem pemere Dibatanta me kap

 Gelah kam meriah ukurndu tetap

 Mari, mari, je lit me kap

 Gelah kam meriah, ukurndu tetap

2. Sangana ersurak malekat ‘nterem

 Lit je Anak kitik entabeh medem

 BapaNa, nandeNa, meriah kepe

 Ras kalak permakan si nembah i je

 Mari, mari ras min ku je

 Ras kalak permakan si nembah je

3. Kam bagi permakan erjimpuh min je

Ertoto man baNa katandu bage

 “O, Tuhan begi pertoton kami min

 Persadalah kami ras Kam lah pagin

Tuhan, Tuhan dengkehken min

Persadalah kami ras Kam lah pagin”

KEE NO.135

Berngi e, nggo kepe

1. Berngi e, nggo kepe

 Yesus reh ku doni e

 Nusurlah ngankut dosanta me kin

 Jadi kap ndu musil lah sangap pagin

 Asa si tek Tuhan e

 Asa si tek Tuhan e

2. Ajak e, bujur pe

 Si ngena me aku e

 KiniulinNdu tadingken Kam kap

 Bengket ku doni lah t’rangi si gelap

 Aku daramenNdu e

 Aku daramenNdu e

3. Berngi e, nggo kepe

 Tuhan reh ku doni e

 Padan Dibata teridah tetap

 KinikekelengenNa banta me kap

 Tuhan si puji gelah

 Tuhan si puji gelah

KEE NO.136

Kam k’rina si tek

1. Kam k’rina si tek mari surak janah puji

 Pedas min kerina ku betlehem

 Nehenlah Anak tubuh man Tuah ta

 Mari kita nembah, mari kita nembah

 Mari kita nembah man Raja

2. O, Raja mulia si njujurken k’rina

 La mela Kam tunduh ibas ampun

 Kam me Dibata mula-mula nari

 Mari kita nembah, mari kita nembah

 Mari kita nembah man Raja

3. Kam k’rina malekat pujilah man Tuhan

 Ersurak, ersurak man baNalah

 Puji Dibata i surga, i doni

 Mari kita nembah, mari kita nembah

 Mari kita nembah man Raja

KEE NO.137

Bintang nu timur

1.Bintang nu timur mulihi er ki lat

 T’rangndu mehuli sinalsalna kin

 Bagi nai guru ngikutsa mehamat

 Bage pe kami taruhken Kam min

2. Dalin tuduhken lah kami ersembah

Ngadap man Tuhan si nusur ku je

 Ngaku man baNa ban Ia Tuhanta

Sehken Iuhta man Rajanta e

KEE NO.138

Yesus kam medem ibas nggala e

1. Yesus kam medem ibas nggala e

 Raja mulia si bujur e

 Kam si mekuah so tek kalak e

 Bengket pusuhku ringan i je

 Bengket pusuhku ringan i je

2. Yesus inganNdu pelangkah kepe

 Raja mulia si bujur e

 Si ngena ate so tek aku pe

 Bengket pusuhku ringan i je

 Bengket pusuhku ringan i je

3. Yesus, Kam ringan i karang kepe

 Raja mulia ku puji e

 Kam si mekuah oh, nusur ka pe

 Bengket pusuhku ringan i je

 Bengket pusuhku ringan i je

KEE NO.139

I Betlehem nggo Tubuh

1. I betlehem nggo tubuh 

Tuhanta Yesus e

 Lah jumpa ras merincuh

 Ukurku pe ku je

 Ukurku pe kuje

2. InganNa kitik gia

 Teratak gia kin

 Rajangku kapen Ia

 La lit si terulin

 La lit si terulin

3. Ateku me ersembah

 Man si tubuh s i je

 Nam Ia si mekuah

 Man si perdosa nge

 Man si perdosa nge

4. Nggit aku ngikut rusur

 Rajangku enda pe

 Sababna ipesusur

 KesahNa bangku pe

 KesahNa bangku pe

5. Ota dahi sidahi

 Ras kita radu e

 Lah Ia pegegehi

 Kinitekenta e

Kinitekenta e

KEE NO.140

Hosiana enam reh

1. Hosiana! Enam reh

 Anak Daud ku bas kutaNa

Ope denga Ia seh

Tanemlah lambeban inganNa

 Ngambur rudang, pekena

 Dalin iadepenNa

2.Hosiana! Tuhan reh

 Kam ialo-alo kami

 Ate kami enggo she

 Nggo kam muat ukur kami

 Bengket ukur kami e

 Ialoken kami je

3. Hosiana! Sampatlah

 maka la perkulah-kulah

 Persembahken kamilah

 Ukur baNdu si mekuah

 Kalak si megiken Kam

 Saja ialoken Kam

KEE NO.141

E  lalap nge kuinget

1. E lalap kuinget

 Gurungku Tuhan e

 Kuidah nggo teriket

 Iuru kalak e

 TakalNa nggo terdareh

 Ban duri si tetap

 Teman-temanNa ja keh?

 Ma sada pe tetap

2. UkurNa kap mehuli

 PedahNa bujur nge

 Perdosa iapuli

 E peratenNa me

 Ah, la kap lit inganNa

 Nggo latih pe ‘rdahin I

 kayu silang saja

 Je jumpa pengadin

3.‘Bas paksa kegelapan

 Erkinar-kinar t’rang

I kayu silang kapen

 Tuhanku nggo menang

 Nggo talu me nuate

 Nggo mutus me kesah

 Lang! Ja Tuhanku mate

Je padan nggo esah

KEE NO.142

Ipersan Kam Tuhan kinisuin

1. Ipersan Kam Tuhan kinisuin

 Nggit Kam ngaloken kapen si mejin

 Lah kami si perdosa terkelin

 Kam jadi kahul

 Man kami e ibaba Kam pengapul

 Kam jine bengket kubas dosa jenda

 Kam jine nggalar utang kami enda

 Melias Kam

2. Penawar si ni bunuh kalak e

 Ban kami si perdosa atan pe

 Ibas si makukenca Ma bene

 Perdosa k’rina?

 E lang! sabap ibahan Kam dalinna

 Kam pengalemi dosa manusia

 Kam mate lah lanai perdosa ia

 Melias Kam

3. Ban kebebasen kam sangap kap

 Je palas kiniteken e tetap

 Je ‘rmengkah ate kami nggo tetap

 Lit pengarapen

 Sabap guluh sir as lalap kapen

 Penalemenna lit ibas matena Ma sangap e?

KEE NO.143

Kam anak Bapa me kepe

1. Kam Anak Bapa me kepe

 Tertaban ras teriket

 Kam bagi penjulasa me

 BabaNdu picet

 Kam kap si la ersalah e

 Kena penaling kalak e

 Je pe nggasgas Ia

 Megenggeng Kam seh mate pe

Tapina arah mate e

 Nebusimanusia

2. MateNdu kap pengapul e

 Enggo ngalemi dosa

 Lah pajek kegeluhen pe

 Kam mate i Golgota

 Nggo pulah si perdosa ka

 Nggo malem ukur pe tetap

 MateNdu pengarapen

 Gundari dingen pe pagin

 Man k’rina si nggit terkelin

 E jadi kesangapen

KEE NO.144

Tendingku e nggo itulbasi

1.Tendingku e nggo itulbasi

 Lanai bene kap aku nge

 Ban dareh Yesu me njellasi

 Makana sai utangku pe

 Kerajang doni dosa kap

 ‘Di erta surga e tetap

2. Sabab idadakenNa tanNa

 Ngepkepsa isi doni e

 Melias Ia ipersanNa

 Kerina dosa doni pe

 Si ndahi Ia terkelin

Si nimbak e bene pagin

3. Lah sangap k’rina manusia

 Si lalar ibas dalin e

 Nggo reh penawarta, mate Ia

 Lah si nggo tek temanNa nge

 Idilo Yesus k’rina kap

 Keleng ateNa min gejap

KEE NO.145

Endekenlah ende-enden

1. Endekenlah ende-enden

 Sangana wari kekeken

 Si pujilah min Tuhan radu

 Nggo kapen ate enggedang

 Ibahan Tuhan si menang

 E kematen enggo talu

2. ItebusiNa kita e

GeluhNa penebusta nge

 Musuhta k’rina iperangiNa

 Enggo me kita keke ras

 Ukurta pe enggo melas

 Erdalin rusur ibas t’rangNa

3. Lanai ukurta endele

 Siteh kut’ra pe la bene

 Imanuel nemani kita

 Ma kubur italukenNa?

 Susahta labo kutera

 Nggelih me kita ras Rajanta

KEE NO.146

Yesus Kristus enggeluh

1.Yesus Kristus enggeluh

 Kita pe dirembak rasSa

 Pengarapenta nteguh

 Adi kita tek ibasSa

Lanai pagit kematen

Talu ban kinikeken

2 Yesus enggeluhkepe

 Kematen e persuruhen

 Si nuduhken banta e

 Dalin ku kinigeluhen

 Pegedang ateta min

 Tuhan pematangta kin

KEE NO.147

Ertuah kam si tek

1. Ertuah kam si tek lagia kam ngidahsa

 I doni enda erperang

 Bagepe lit kepe upahna ndekah sa

 ‘Di kam lah permenang

2. La gia kam erjimpuh ibas nahe Tuhan

 Perban kam tek, ngaku kam

 Ma Ia Permenang ras Raja kegeluhen?

 IpegeluhNa kam

3. Kam k’rina si tetap tahanken seh matendu

 Ku kubur pe la terndele

 Iban i jenda kin, je malem me atendu

 Kam ngidah denggo je

4. Kudaslah tare, kam si picet tah melunggun

 Mesui, kai cedana e

 Kalak si tetap erpengarapen ngenehen

 Ku rumah Bapa e

5. I rumah Bapa kap je enterem temanndu

 Si muji Tuhan Penebus

 I je nggo endekah ibanNa ka inganndu

 Ku je kam pagi trus

KEE NO.148

O, Doni olanai ndele

1. O, doni olanai ndele

 Ndeheri surga rumah Bapa

 Pujin man Penebusta e

 Man Yesus, Anak Bapa

2.Lah bulan matawari pe

La doni surge rsa isina

 Ersembah ku surga Si nangkih e

 Si ngerajai k’rina

3. Kepeken Ia permenang

 Si nggalar utang manusia

 Nggo nangkih pe ku ingan t’rang

TatapNa ku doni enda

4. E desken kita Ia nge

 Seakatan dosa ras salah

 E maka Ia Raja me

 Man baNa k’rina kuasa

5. Ku Ia tare ku das

Si mersan dosa manusia

 Imamta si mbelin i das

 Njamini kita k’rina

6. Kam nembah man Tuhanndu e

 Begiken asa kai pedahNa

 Si nangkih tentu mulih pe

 La nai bo ndekahsa

KEE NO.149

Meriah sora ‘ndenta e

1. Meriah sora ‘ndenta e

 Ku surga kap Tuhanta

 Aminna kita susah pe

 Bagidie k’ranajangta

 La kap ateta terndele

Siteh ija Tuhanta e

 Je pagin inganta

2. Nggo tangkas kegeluhen e

 ‘Di surga nggo kap talang

 Ibahan Tuhan me kepe

 Lias Na la teralang

 IkepekenNa ingan je

 Man si megiken sora e

 Janahna ukur malang

KEE NO.150

Siraskenlah si puji kerina

1. Siraskenlah si puji k’rina

 Tuhanta i kiniulinNa

 Ngkunduli kursi kerajan

 Ku je ukurta min si ban

 I jem kepeken erta e

 Sinama kesangapen e

2. ‘Di Ia kal nge Penggulunta

 Si bujur saja man gurunta

 E kita ginemgemNa kap

 Si arus ngikut pe tetap

 Nggo ipesaiNa dalin e

 Ku surga kita lah dage

3. Megenggeng ndube ibas susah

 Kuga pe elawanna dosa

 Mahanca e enggo menang

 Nggo kundul me ibas terang

 Si ikut-ikutlah dage

 Man banta pe upahna e

4. Tuhan si sampati aku lalap

 Aku itawin doni kuakap

 La ngasup aku erleka

 Ntah lalap denggo mesera

 KesahNdu man penundalen

 E maka kuikutken Kam