KEE NO. 201 - 250

KEE NO.201

Malem ate tuhu-tuhu

1. Malem ate tuhu-tuhu

si ernalem man baNdu

Kam Dibata si ‘njadiken

langit ras doni enda

SalsaliNdu pusuh kami

Maka t’rangNdu tergejap

Kalak si tek la kap bene

‘Ban kelengNdu e tetap

2. Matawari, bulan, bintang

Kam nepasa jadi t’rang

Doni enda dem isina

Labo kai pe si kurang

K’rina si erkesah gia

Nggeluh i doni enda

Bagi si ngerana nina:

“Kam Tuhan si Madasa”

3. Tetap kuakuken Ia

Ibas kinitekenku

Kam me ngenca si mbelinNa

Kusembah bas geluhku

Yesus Kam nggo mate jine

Man penebus dosangku

Tetaplah min aku dage

Ibas geluh si mbaru

4. Aloken Kamlah o, Bapa

Kuendesken geluhku

KesahNdu min ngajarisa

Lah kuteh nembah baNdu

Pasu-pasu min kerina

Daging, ukur, tendingku

Gelah arah tan ras kata

Ipujina gelarNdu

KEE NO.202

Ernalem gelah man Yesus

1. Ernalem gelah man Yesus

 Ku la ukur tendingku

Endesken geluhndu baNa

Keleng ateNa bandu

Ernalem gelah!

Tutus min gelah

O Yesusku bahan aku

ernalem gelah

2. Kita k’rina bas geluhta

P’raten daging simbak min

Pindo lebe gegeh baNa

Maka kita erdahin

Ernalem gelah!

Tutus min gelah

O Yesusku bahan aku

ernalem gelah

3. Ola lupa ‘rtoto baNa

Ras kataken bujur pe

Mbue kapen pemereNa

Ola lupa kita e

Ernalem gelah!

Tutus min gelah

O Yesusku bahan aku

ernalem gelah

4. Maka aku lit bas dame

Kam empuna geluhku

Riah ukur susah ate

Kuendesken man baNdu

Ernalem gelah!

Tutus min gelah

O Yesusku bahan aku

ernalem gelah

5. Ibas picet, kesusahen

Mungkuk kuadepenNa

Ola gegeh ipenalem

 Tapi pasu-pasuNa

Ernalem gelah!

Tutus min gelah

O Yesusku bahan aku

ernalem gelah

6. Adi reh pe marak’lesa

Lit kap man gelemenku

Ban tetap keleng ateNa

Si ngalemi pusuhku

Ernalem gelah!

Tutus min gelah

O Yesusku bahan aku

ernalem gelah

KEE NO.203

Pasu-pasu ni Tuhanta

1. Pasu-pasu ni Tuhanta

Si nemani geluhta

Tiap wari seh man banta

La ersibar ngaruhNa

Aku pe, aku pe

Pasu-pasu aku pe

2. Salah dosa la terkira

Ngaku kami o, Tuhan

Ngadap kami k’rina enda

Alemilah o, Tuhan

Aku pe, aku pe

Alemilah aku pe

3. Ija ndia si darami

Si ngkawali geluhku e

Yesus ngenca si nampati

Maka kita la bene

Aku pe, aku pe

Sampatilah aku pe

4. Kesah Tuhan si Badia

Surga nari kap rehna

 BengketiNa k’rina jelma

Aku pe, aku pe

Bengeketi min aku pe

5. Perban dosa si nagangi

Geluh kami mesera

Mari min dage tangtangi

Kam Tuhan mulahisa

Aku pe, aku pe

Pulahi min aku pe

6. Yesus reh ku doni enda

Maba terang man banta

Nusur kap ku manusia

Maka malem ateta

Aku pe, aku pe

Nusur min man bangku pe

KEE NO.204

Kata ni Dibata

1. Kata ni Dibata

Seh kal e perluna

‘Bas heluh enda

Ogelah putaka

Je Ia ngerana

Man banta kerina

Gegehi ibas geluhku

KataNdu tuhu-tuhu

Ras pasu-pasuNdu

2. Kata ni Dibata

E jadi senjata

Bas geluh enda

Lawanlah musuhta

La arah gegehta

IpemenangNa

Tetap kal ukur kami

La lit kebiaren nari

Tuhan si nampati

3. Mari kita k’rina

Si begi kataNa

 Tutus ateta

Di nggit ngalokenca

B’rekenNa dameNa

Kubas pusuhta

Ola lupa min dage

Kata Dibata sipeke

Si petetap ate

4. Nguda ras metua

Perlu ngalokenca

Kata ngalokenca

Kata Dibata

Tah i japa gia

Ola lupa kita

Em ban temanta

Sampatlah min o, Tuhan

Gelah kuteh kai kubahan

Man kerina teman

5. Di gulut ukurta

Ogelah pustaka

Pengapul banta

Latih mberat gia

Ngadulah man baNa

IpenahangNa

Tuhan saja kuarap

Ingan pengadun si tetap

Teman rasa lalap

6. Guru ras pandita

Diaken, pertua

Tah ise gia

‘Di ngerana ia

‘Bas kata Dibata

Begiken ia

Alu ate si tutus

Ola bage si mekarus

AlokenNdu Yesus

KEE NO.205

Rehlah min o, Tuhan

1. Rehlah min o, Tuhan,  sikap kami k’rina

Ersembah man baNdu jenda

Nusur lah min Tuhan, bahan sikap k’rina

Ukur kami pebadia

O, Bapa, b’re gelah, daten pasu-pasu

Kami k’rina enda

2. Tuhan Dibatanta lit bas rumah enda

Nembah kita k’rina baNa

Alu kehamaten mungkuklah man baNa

Kula, tendi pe kerina

Aloken KataNa ras pasu-pasuNa

UsekenNa banta

3.Tuhan Dibatanta Badia kap Ia

Surga pe muji gelarNa

Malekat pe rende:

“Tuhan e Badia Dibata si telu sada”

Dengkehken KataNa, ikut rende k’rina

Pehaga gelarNa

4. O, Tuhan Dibata, Raja k’rina

Raja Ibas k’rina doni enda

Medolat me Ia bas kebadianNa

Dage pujilah gelarNa

B’rekenlah kami pe ikut ngakukenca

Tutus min i jenda

5. Dua, telu gia pulung bas gelarNa

Tuhan reh kap ku tengahna

Si ngoge kataNa ras si makekenca

Tuhan nemani geluhna

Ogelah, gelemlah, kata Dibata

Bas geluh enda

6. Aloken pemere, janah kami rene

Alu ukur tutus jine

La pekulah-kulah ban ukur meriah

Tuhan terpuji min gelah

M’riahlah kerina pujilah

Dibata Bapa si mulia

KEE NO.206

Sendah enda wari paska

1. Sendah enda wari Paska. Haleluya!

Enggo keke kap Tuhanta, Haleluya!

Si menangi Golgota, Haleluya!

Ngangkut dosa manusia. Haleluya!

2. Sendah wari si badia e: Haleluya!

Kematen italukenNa: Haleluya!

Enggo keke Tuhanta: Haleluya!

Ras dahiNa kita k’rina: Haleluya!

3. I Golgota kayu silang: Haleluya!

Tuhan Yesus enggo menang: Haleluya!

Nggo teridah kuasaNa: Haleluya!

Taluken kap neraka: Haleluya!

4. Mari pujilah gelarNa: Haleluya!

Maba dame kap man banta: Haleluya!

Ibas kubur si gelap: Haleluya!

Reh kap sangap si tetap: Haleluya!

KEE NO.207

I uruk Golgota

1.  I uruk Golgota

kuidah silangNdu

Dosangku simajekenca

silangNdu e Tuhan

Reh aku Tuhan

ngadap man baNdu

Yesus dudurken tanNdu

Alokenlah aku

2. Kubegi soraNdu

erlebuh man bangku

Lah aku pe ku Golgota

ngendesken geluhku

Reh aku Tuhan

ngadap man baNdu

Yesus dudurken tanNdu

Alokenlah aku

3. Di latih kin gia

 geluh ban dosa e

Ernalem man baNdu ngenca,

je malem ate e

Reh aku Tuhan

ngadap man baNdu

Yesus dudurken tanNdu

Alokenlah aku

4. Petetap me gelah

kinitekenku min

Kuikutken Kam tegu gelah

geluhku sampat min

Reh aku Tuhan

ngadap man baNdu

Yesus dudurken tanNdu

Alokenlah aku

5. Salahku kugejap

bas kegeluhenku

Penalemenku e tetap

perkuah ateNdu

Reh aku Tuhan

ngadap man baNdu

Yesus dudurken tanNdu

Alokenlah aku

6.Kam Yesus melias

perkuah si mbelin

DalinNdu kuikutken nge

lah aku terkelin

Reh aku Tuhan

ngadap man baNdu

Yesus dudurken tanNdu

Alokenlah aku

O, Yesus mulia

badia darehNdu

Nggo mambur kapi Golgota

nebusi dosangku

Reh aku Tuhan

ngadap man baNdu

Yesus dudurken tanNdu

Alokenlah aku

KEE NO.208

O Tuhanku

1. O, Tuhanku, Kam saja me kuban

penampatku Amin kuja perdalan geluhku

penampatku Man baNdu kap kupindo penampat

KelengNdu e arapenku tetap

2. O, Tuhanku, Kam me si perkeleng, ikutenku

‘Bas dalinNdu geluhku la sirang, ikutenku

Medalit pet ah susah dalanku

La guling kap ban tanNdu me negu

3. O, Yuhanku. Kam katawari pe, penggurunku

La aku pang di la ngendes lebe, penggurunku

Ku japa pe temani geluhku

Tentu senang Kam kap temanku

KEE NO.209

Perpulungen ersadalah

1. Perpulungen ersadalah

Ngikutken pedahNa

Bas kiniteken tetaplah

Man Tuhan Dibata

Bas si mehuli ayaklah

Si sampat-sampaten

Bage kap pedah Dibata

Sikeleng-kelengen

2. Gereja Kristen sikaplah

Ersada paguhlah

Ersada ukur min

i bas Dibata Bapanta

Peturah kiniteken pe

Ras dame k’rinalah

Ras sikeleng-kelengenlah

Ngikutken Tuhanta

3. Ersada bas peridin

Ban sada Tuhanta

Gereja kitik tah mbelin

Si mada Dibata

Gereja la banci pecah

Ersada kerina

Ersada bas kiniteken

Sisampat-sampaten

4. Erbage-bage pemere

Man banta kerina

Tujunna sada me kepe

Terpuji Dibata

Ersada ukur me jine

O, Kristen japa pe

Anem melala ringring pe

Sada kula kepe

5. Kerina daten pemere

Dat pasu-pasu pe

Mejingkat k’rina min dage

Ndahiken dahin e

Meteruk ukur k’rinalah

Em pedah Tuhan e

Em jadi man ikutkenlah

Ibas kelengNa e

KEE NO.210

Puji gelah

1. Puji gelah

Tuhan perkuah

Sinampat kita

Si nebusi dosa manusia

Dage si pujilah Tuhan si perkuah

2. Inget dage

Bas geluhta e IusekenNa

Man banta me kerina kelengNa

Ingetlah min dage

Ibas geluhta e

3. Ise me kin

Mbelin kuasaNa

Kam Tuhan saja

Si lalap nge mbelin kuasaNdu

La lit adingenna

Kam Yahwe Dibata

4. Ja kin gia

Tentu idahNa

endesken gelah

Geluhta maka isampatiNa

I japa pe kita

Lah isampatiNa

5. Tetaplah min

Bage kap ulin

Man Tuhan saja

Sembahken min kerina geluhta

E tetap gelah min

Bage me kap ulin

KEE NO. 211

I lebe-lebe Yesus

1. I lebe-lebe Yesus

Ku ‘ndesken k’rina geluhku

Ras isi pusuh ukurku

I lebe-lebe Yesus

2. I lebe-lebe Yesus

Reh aku latih ras mberat

Ku Ia mindo penampat

I lebe-lebe Yesus

3. I lebe-lebe Yesus

Kusehken toto man baNa

Geluhku isampatiNa

I lebe-lebe Yesus

4. I lebe-lebe Yesus

Teridah k’rina salahku

IalemiNa dosangku

I lebe-lebe Yesus

5. I lebe-lebe Yesus

Nggo senang me kap ntebu

Si pagit pe jadi ntebu

I lebe-lebe Yesus

KEE NO.212

Perkuah ate si mbelin

1. Perkuah ate si mbelin

Nemani geluhku

I je me aku erdalin

Teruh perkuahNdu

2.Perkuah ate si mbelin

Sinasap dosa e

PedahNa e sigelem min

Lah kita la bene

3. Perkuah ate si mbelin

Tetap la erleka

Ban dosa aku gelap kin

Ras Yesus terang ka

4. Perkuah ate si mbelin

Simahan dame e

Bengketi pusuh kami min

Lah kami senang je

5. Perkuah ate si mbelin

Alokenlah dage

La lit jumpa si terulin
Bas Yesus ngenca e

KEE SIDANG SINODE

 “ ‘NGGO KA ME SEH “

1)‘Nggo ka me seh paksa sidang sinode,

Tetap si puji Dibata nge jine.

Dage kawalilah min kami tole,

Gelah terkelin paksa erbebe,

                      

Reff :

Kidekah sidang sinodenta enda,

Ola min sada pe lit si banggerna,

Adi katanalah ban gelementa,

Si eteh nga pa isi benar ‘tah dosa.

2)‘Nggo ka me seh paksa sidang sinode

Itengah-tengah g’reja gebekape

Min si pajekkan kerina si jore

Tapi pekena ‘di lit kin si mbole

Reff :

3) Sidang sinode paksana bentasi

Je olanai min lit si ngagasgasi

‘Di lit la tengteng ras-ras si layasi

Ku si mehuli madin ni ayaki

Reff :

4) Labo kap dalih gia lit ‘nggo sambar

Kinitekennta min tetap la mobar

‘Ban pemereNa man banta nge simper

Gelahna kit ape mere melumbar

Reff :

5) Bas sidang endalah gia pejore

Kune lit denga dahinnta si murde

Sababna banci nge k’rina petembe

‘Di b’re Dibatalah gegeh man banta

Reff :

6) Siniarapken ni perpulungenNdu

Sidang sinode dalanken erluhu

Bas perbahanen perlangkah perlagu

Gelah kerina pagin ‘nggo sentudu

Reff :

7) Dung kenca sidang sinodenta gelah

perpulungenNdu reh tambah ergiah

Nehken kataNdu man kalak si nilah

Maka reh mbarnalah B’rita si M’riah

Reff :

KEE NO.213

“ SI PUJI “

1) Si puji si puji si pujilah lebe

Si puji gelarNa si puji me dage

Dibata Bapanta si mada Kuasa e

Sinasa kerina ‘nggo i tepaNa pe

‘Lah banci kita ‘rdame

2) Si puji si puji si pujilah lebe

Si puji gelarNa si puji me dage

AnakNa Si Tonggal em Yesus Kristus e

Si teklah man baNa ikeliniNa pe

‘Lah ola kita bene

3) Si puji si puji si pujilah lebe

Si puji gelarNa si puji me dage

Kesah Si Badia Penampat me jine

Ib’rena gegehta ngelawan dosa e

‘Lah ola kita kote

KEE NO. 214

“ SI PUJI TUHAN, HALELUYA “

1) Si puji Tuhan, haleluya

Si puji dage Tuhan, haleluya

Tuhanta Yesus Kristus, haleluya

Tuhan Yesus Kristus

2) Anak Dibata, haleluya

Anak Dibata Bapa, haleluya

Ia juruslamat, haleluya

Ia Juruselamat

3) ‘Nggo keke Yesus, haleluya

‘Nggo keke me kap Yesus, haleluya

Ibas si mate, haleluya

Ibas si mate nari

4) Nggo talukenNa, haleluya

‘Nggo kap italukenNa, haleluya

K’maten si rasa lalap, haleluya

K’maten si rasa lalap

5) DahiNa surga, haleluya

DahiNa me kap surge, haleluya

Ku surge rumah Bapa, haleluya

Ku surge rumah Bapa

6) ‘Je kundul Ia, haleluya

‘Je kundul me kap Ia, haleluya

I kemuhen Dibata, haleluya

I kemuhen Dibata

7) ‘Je reh me pagi, haleluya

‘Je reh me Ia pagi, haleluya

Reh ku pertibi enda, haleluya

Reh ku pertibi enda

8) ‘Ng’ranaken kita, haleluya

Ng’ranaken manusia, haleluya

Si ’nggeluh ‘tah ‘nggo mate, haleluya

Si ‘nggeluh ‘tah ‘nggo mate

KEE NO. 215

“LIAS ATE NI TUHANNTA “

1) Lias ate ni Tuhannta, e lalap man pujin

Ras pe kebenarenNa, pebelinlah madin

Ku e teh peratenN, ras dosa labo singgur

Nggo tetap jujurenNa, si labo banci luntur

Edesken batu mamak, enteguh labo mugur

Bagem kepeken Kam, ‘nggo tetap ibas bujur

2) Si make pedah Tuhan, e

‘Bas terang me dalinna, la ndele pe ukurna

Megedang peratenna, meriah ni akapna

Entah mawen mesera, i’tehna Kam Bapana

La celus pe nahena, Ia abat perdalinna

‘Ban Tuhan pebelinca, nai nari seh matena

3) Kam kap penundalenku, Kam pematangku kin

‘Ban b’linna kuasaNdu, meparas man pujin

Tambah kekelengenNdu, si seh man kami enda

Em jadi tahan-turu, aminna ukur near

Kelewet gia imbangku, Dibata kap njagasa

Kailah kebiarenku, ‘di aku sampatiNa

KEE NO. 216

“ KAM BANGSA DONI MARILAH “

1) Kam bangsa doni marilah

Ersurak k’rina dahilah

Ku Tuhan tutus min gelah

Endeken ‘nde enden si m’riah

2) Ku rumah persembahen min

Ijem’ Dibata man pujin

KelengNa Ia ‘rkerin-kerin

PadanNa labo mobar kin

3) Bapanta erkeleng kepe

Ngenehen kita si ni je

I’tehNa k’rina suinta e

AteNa labo kita bene

4) Si Kristen japa gia pe

‘Nggo pulung k’rina sendah e

Reh muji Tuhan Yesus e

Si ngk’lini manusia jine

KEE NO. 217

“ MERIAHLAH UKURTA MUJIKENCA “

1) Meriahlah ukurta mujikenca,

Dibata Raja mbelin si mulia,

Pe b’linken min gelarNa Si Badia,

Ban Ia ngerajaisa sinasa,

Reff :

Maka bujur nge Dibata man pujin,

Nai nai nari genduari she pagin,

Banta ndaiNa kita k’rina sisuin,

Sembah Ia me madin

2) Dagena mari pujilah Dibata

Si inget min kerina pemereNa

‘Lah tetap ras megegeh pe tendinta

Mehuli me jadina k’rajang jelma

Reff :

3) Keg’luhen manusia i doni enda

E pas kel bagi dukut perturahna

Meter reh angina penggel me batangna

Je minter melus masap pe kap ia

Reff :

4) Tapina kekelengen ni Dibata

La sambar lalap Ia nge kap Bapa

SehkenNa banta kinibujurenNa

Ban labo ‘teNa mate kita enda

Reff :

KEE NO. 218

“‘NGGO KENCA SEH IBAS PAKSANA “

1) ‘Nggo kenca seh ibas paksana

Radu ras me kita rende k’rina

Si puji gelar ni Dibata

M’riah cawir dage ban soranta

Reff :

Si bas Berita Si Meriah

Perukuren tetap min ergiah

Bas si la tengka min ternilah

G’luh si mbaru ‘lah madin peturah

2) Nggo kenca seh ibas paksana

Si penangkih me dage totonta

Bersih ras bulat ban ukurta

Maka serta kita bas k’rajanNa

Reff :

3) Nggo kenca seh ibas paksana

Si orati me kata Dibata

Idur Pustaka si badia

Gelah tambah rusur pengertinnta

Reff :

4) Nggo kenca seh ibas paksana

Si endesken me persembahenta

‘Lah enda banci min erguna

Pebelangken kerajaan Dibata

Reff :

5) Nggo kenca seh ibas paksana

Si B’ritaken kata ni Dibata

Man teman si lenga I’tehna

G’lahna ia atan ka ibasSa

Reff :

6) Nggo kenca seh ibas paksana

Si turiken kerna kecibalta

Senang entahsa suhsah gia

Maka Ia si ngelayasisa

Reff

KEE NO. 219

 “O BAPA LA TERIMPIT KAM “

1) O Bapa la terimpit Kam

Idas i doni e pe lang

Kam saja si ateku ngena

La lit sideban erbanca

Makana malem si mesera

‘Tah picet entah ku tera

Kam lalap pematangku kin

K’rajangku la ‘rkerin-kerin

2) Endekenlah ku Kam dage

‘Di mbiar aku ‘tah ndele

Meparas Kam me ku kelengi

Sabab sangan tengah berngi

‘Nggo iteguNdu aku enda

Bas gelap la kap kelesa

Ku dalin si mekelek s’nang

Ku idah ‘je ayoNdu t’ran

KEE NO. 220

“ SUAN KOL “

1) Suan kol la lit ergana,

Suan tomat kena bayung

‘Di cengkih pe labo erbunga

Binaga pe la lit lakona

Anem page k’rina lambing

‘Tah pe manuk kena bernung

Asuh-asuhen pe kerina

Enggo ker me kap terdaya

Reff :

I je pusuhku erbebe

Kuja nari perlawesku

Maka lit si malemna

Ia kap si ngklini aku

Ia kapen sekawalku

Ibas k’rina pergeluhku

Kuendesken man Dibata

K’rina perbeben geluhku

Ia si pejoresa

Pengapul si tuhu-tuhu

Enggo tetap me ukurku

Ibas k’rina pergeluhku

2) S’kali meseng gia rumahta

‘Tah pe calat k’rina erta

Lit keutangen erbinaga

Muat dahin pe kap mesera

Wari lego seh dekahna

Kai pe suan labo mbera

Reh me penakit ukur near

‘Nggo tambah-tindih s’ra suina

KEE NO. 221

 “ PESIKAPLAH UKURTA “

1) Persikaplah ukurta,

Adi ndahi Dibata

Ukur si serbut

Si lit ‘bas kita

Endeskenlah man baNa

Reff :

Ban Ia si mereken pengadin

Makana kita dorek min terkelin

Di Yesuslah si bahan man Temannta

E tentu malem kel ateta

2) Pesalang pusuhta

Adi nembah man baNa

Pusuh si gulut, si ndongkelisa

Totokenlah ku Ia

Reff :

3) Gejapkenlah dosanta

Adi ngadap Tuhanta

Dosa si runut, si ngampang kita

Ampekenlah kempakSa

Reff :

KEE NO. 222

“ ‘DI REH KENCA PERCUBAN “

1) ‘Di reh kenca percuban

Tuhan Yesus singk’linisa

Tambah tindih kini s’ran

Minter pindo gegeh baNa

Reff :

Tuhan Yesus singk’linisa

Bas kerina dampar g’luhta

Minter pindo gegeh baNa

Suhsah entah senang gia

2) Baban geluh paksa gulut

Tuhan Yesus singk’linisa

Gelah ukur ula serbut

Minter pindo gegeh baNa

Reff :

3) Sanga rehna keguguren

Tuhan Yesus si ngk’linisa

Maka lampas dat apulen

Minter pindo gegeh baNa

Reff :

4) Ibas paksa kegogon

Tuhan Yesus si ngk’linisa

Gelah ula kerison

Minter pindo gegeh baNa

5) Turah kenca aru ate

Tuhan Yesus si ngk’linisa

Maka pusuh la erbebe

Minter pindo gegeh baNa

Reff :

6) Gelah aru ate masap

Tuhan Yesus si ngk’linisa

Maka imbang k’rina merap

Minter pindo gegeh baNa

7) Kegeluhen perjabun

Tuhan Yesus si ngk’linisa

Maun lit la siangkan

Minter pindo gegeh baNa

8) Paksa mengket rumah mbaru

Tuhan Yesus si ngk’linisa

Gelah dame tengah jabu

Minter pindo gegeh baNa

Reff :

9) Kitik denga gia anakta

Tuhan Yesus si ngk’linisa

Adi paksa s’kolah denga

Minter pindo gegeh baNa

Reff :

10) ‘Di ‘nggo tamat sekolahna

Tuhan Yesus si ngk’linisa

Muat dahin pe kap mesera

Minter pindo gegeh baNa

Reff :

11) Kune reh pinakit cinep

Tuhan Yesus si ngk’linisa

Enggo latih ngadep-ngadep

Minter pindo gegeh baNa

Reff :

12) ‘Di sangana p’nakit nggaya

Tuhan Yesus si ngk’linisa

Mbue erta ‘nggo terdaya

Minter pindo gegeh baNa

KEE NO. 223

 “ IBAS SURGA DIBATA BAPA “

1) Ibas surga Dibata Bapa

‘Nggo tepaNa kap sinasa

Kita k’rina me isuruhNa

Engkelengi njagasa

Reff :

Dibatanta Si Telu Sada

Bapa Anak Kesah Si Badia

Em si jadi penundalenta

Dingen pas las bas kinitekenta

2) Tuhan Yesus ku doni enda

Ndilo kalak si ni bas dosa

Gelah jera min kita k’rina

Erban salah ras si la tengka

Reff :

3) Bage ka Kesah Si Badia

‘Di ‘nggo bengket kubas pusuhta

Je megegeh ibanNa kita

Ngelawanca kuasa dosa

Reff :

KEE NO. 224

“ ISE NDIA KALAK ENDA “

1) Ise ndia kalak enda

Rembak ras Tuhanta e

I rudang kuidah k’rina

Janah ersinalsal pe

Ralep alep k’rina je

Rende muji Tuhan e

Ralep alep k’rina je

Rende muji Tuhan e

2) Kalak e ‘nngo itebusina

Alu dareh Yesus e

Tuhan saja si terpuji

Ban keleng ateNa pe

Tuhan ngekep k’rina e

Rembak lalap rasSa je

Tuhan ngekep k’rina e

Rembak lalap rasSa je

3) Kusuhsahen inanami

Paksa ibas doni e

Sui ate iakapi

Seh ku kesenangen e

Kalak si ‘nggo je kepe

Sangap me akapna pe

Kalak si ‘nggo je kepe

Sangap me akapna pe

4) K’rina ia m’riah rende

Muji Tuhan Yesus e

Terbegi sorana tangkas

‘Rbanca ate ‘nggo melas

Siniayakina e

‘Nggo jumpasa k’rina je

Siniayakina e

‘Nggo jumpasa k’rina je

5) Lanai kapen seh man banta

Kesuhsahen doni e

Lanai jumpa ibas surge

Si nuhsahi kit ape

Kuasa dosa masap kap

Sitik pe lanai gejap

Kuasa dosa masap kap

Sitik pe lanai gejap

6) Tuhan Dibatanta kapen

Si ‘rban ukur malem nge

Yesus jadi pengarapen

Maba ku bas surga e

E’ nggo sangap k’rina je

La lit kebiaraen pe

E’ nggo sangap k’rina je

La lit kebiaraen pe

KEE NO. 225

“AKU TEK MAN DIBATA “

1) Aku tek man Dibata Bapanta

La ersibar kuasaNa man banta

Sinasana kap enggo tepaNa

KelengiNa me kap manusia

2) Aku tek man AnakNa si Tonggal

Eme kap Yesus Kristus Tuhannta

Enggo mate i uruk Golgota

Keke ka nangkih Ia ku surga

3) Aku tek empak Kesah Badia

Ngarak-ngarak kecibal geluhta

Aku tek lit gereja badia

E terkelin kap aku ibasna

KEE NO. 226

“ TUHAN YESUS SI PERKUAH “

1) Tuhan Yesus si perkuah

IbabaNa ka pentuah

Reff :

Malem kel ate kami

Adi Tuhan tetap si nampati

2) Tuhan Yesus maba dame

Ukur serbut jadi longgae

Reff :

3) Tuhan Yesus teman nggeluh

IbabaNa tenang pusuh

Reff :

4) Tuhan Yesus terang doni

Ban ukurNa kin mehuli

Reff :

KEE NO. 227

“ KATAKENLAH MAN PUSUHKU “

1) Katakenlah man pusuhku

Pepankenlah bas ukurku

I demiNdu geluhenku

Tetapkenlah pengarapenku

Pegaralah kinitekenku

Alu Kesah ras KataNdu

2) Si ingetlah wari Tuhan

PedahNa e si pakeken

B’ritaken Kata Dibatanta

Man k’rina bekas tinepaNa

Pegaralah kinitekenku

Alu Kesah ras KataNdu

3) Kam Tuhan me penampatku

Ku’ndesken baNdu geluhku

O Yesus Kam me penalemen

KuasaNdu me jadi gelemen

Pegaralah kinitekenku

Alu Kesah ras KataNdu

KEE NO. 228

“ TUHAN DIBATA TETAP SI NEMANI “

1) Tuhan Dibata tetap si nemani

Adina sirang gia kita kari

Rarasen Tuhan ola kel silahi

‘Lah jump aka pagi kita ngulihi

Reff :

Sirangkin gia kita tik nari

Tuhan Dibata ‘lah ‘ban sinampati

She ngayak jumpa kita ngulihi

Juah-juahen min kula ras tendi

2) Ibas mentasi k’rina wari-wari

Kesah Badia bahan si ngkawali

‘Di setan iblis ‘tehndu nge la uli

Sitik pe ola ‘nggit kam idiheri

Reff :

3) ‘Tah paksa suhsah gulut gia sekali

Minter turiken baNa si terjadi

Tentu si serbut banci salangsai

‘Di Tuhan Yesus banndu si ngapuli

Reff :

4) Kidekah pusung ndabuh ibas doni

Kerna pergeluh labo tersipati

Adi dosanta enggo ijelasi

E surge naring’ pagi ingan ngadi

Reff :

5) La kapen ndekah ‘nggeluh ‘bas pertibi

Kerna pelawes la ‘teh katawari

Perbahanennta oratiNa ng’ pagi

Maka lagunta ‘banlah si mehuli

Reff :

KEE NO. 229

“TUHANNTA YESUS E I SURGA “

1) Tuhan Yesus e i surga

     Nikapken ingan banta kin

     Begiken Kata Tuhan banta

     Janahna tek lah kita min

Reff :

KataNa kap pengapul e

Man kalak si tek baNa e

KataNa kap pengapul e

Man kalak si tek baNa e

2) ‘Di teman ibas doni kepe

Ndarami untung bana kin

‘Di Tuhan Yesus labo lapen

Tapina ngk’lini kita nge

Reff :

3) Iban kekelengenNa banta

LawesNa ku das Golgota

ItahenkenNa si mesera

G’lah kita ola bene ka

Reff :

4) Perukur jelma manusia

E mobar-obar rusur nge

‘Di Tuhan Yesus labo kapen

KataNa ras kelengNa nge

5) O Yesus Kam me teman kami

Tegulah kami k’rina min

Rajailah gegeh ukur kami

Babailah seh ku surge kin

Reff :

KEE NO. 230

“ O KAM SI ‘BAS KEMATEN SI GELAP “

1) O kam si ‘bas kematen si gelap

Kekeken nina Yesus kap ngerana

Begiken , dengkeh ken soraNa me gelah

Kekeken ! Si ernala ‘Nak Dibata

Reff :

Kebiaren mbelin bene nge kam mawen

Kekeken pedas ola kel melawen

Geluhndu ‘ntisik picet bas dahin

Kekeken min dage me jingkat kin

2) O kam kerinana si medem bas dosa

Kekeken ! Enggo ndekah me suari

‘Ban lit t’rang Dibata ‘nggo pultak i jah

Kekeken ! ‘Nggo ernala nai-nai nari

Reff :

3) It’rangi ni Kristus me kapen ukurndu

Kekeken ! O perdosa ola lolah

Dibata nge kap si ndabuhken ukurndu

Kekeken kotes ‘tahsa lanai ndekah

Reff :

4) Ertuah kin kalak si ‘rdalin bas terang

Kekeken ! Maler kap pasu-pasuNa

‘Di gelap gia jenda megati nge menang

Kekeken ! La ‘nggo berngi pe man bana

Reff :

5) Man bandu kap sendah nge Tuhan erdilo

Kekeken minter, melawenca denggo

Medakken o kam si ni bas kematen

Kekeken ! Pedah Yesus man paken

Reff :

KEE NO. 231

“ PERLU SI ‘TEH “

1) Perlu si eteh entah ise nge si salah

Adi sempat kin teremen kalak suhsah

Ise nge nda Ia erpapah

Kune rembangkin buen jelma si gebah

Reff :

Min metenget kita ola sempat lolah

Si la payo gelah minter si penilah

Si mehulilah peturah

‘Lah Dibata si mereken banta tuah

2) Perlu si eteh entah ise nge la tengteng

Adi sempat kin teremen si ndehereng

Ise ngenda si la tintang

Kune rembang pagi mbakbak kita rutang

Reff :

3) Perlu si eteh entah ise nge ertaki

Adi sempay kin si musil to kohi

Ise ngenda si la uli

Kune rembang t’remen si rate mesui

Reff :

4)Perlu si eteh entah ise nge si latlat

Adi sempat kin megati jelma rubat

Ise ngenda biakna ilat

Kune rembang si megombang

Reff :

5)Perlu si eteh entah ise nge si nipu

Adi sempat si mesera tebu-tebu

Ise ngenda si la malu

Kune rembang kita k’rina banna juru

Reff :

6) Perlu si eteh entah ise nge la payo

Adi sempat kin enterem si ergogo

Ise ngenda si mehado

Kune rembang kalak bujur pe itangku

Reff :

KEE NO. 232

“ OLA MBIAR “

1) Ola mbiar ota neh

Ersurak dingen meriah

Sabab mbelin perbahanenNa

TinepaNa si rejin

Reff :

Lukuten jadi melala pagena

Ras pekeben jadi simpar isina

Lukuten jadi melala pagena

Ras pekeben jadi simpar isina

2) Ola min ukur cengkal

Asuhen i tengah mbal-mbal

Sabab simpar dukut meratah

Batang kayu erbuah

Reff :

3) Mari kita kerina

Ersurak kempak Dibata

Ni sehkenNa liat ateNa

Susur udan man banta

Reff :

KEE NO. 233

“ SI BAS DOSA KIN ERCEBAH “

1) Si bas dosa kin ercebah

Ola nai min dage pedekah-dekah

Tuhan Yesus ‘nggo ertenah

ItimaiNa me kam wari si sendah

Reff :

Minter dahi Tuhan Yesus si melias

Je turiken k’rina dosa alu telkas

‘Lah darehNa mbersih kenca seh me likas

Maka banNa enggo kelas

2) Gia ‘nggo luka iban dosa

Ibas Tuhan ‘nggo lit me kap tawarna

Ia ban si pekenasa

Gelah ola pagi jumpa kelesa

Reff :

3) ‘Nggo buen kap si la uli

Kusilahi megati si mehuli

Adi dosa si ngkapiti

Ban si e’teh lanai tersasap nari

Reff ;

4) Yah dahiken ola mela

Man jumpan si melias nge kap Ia

Sabab adi melawenca

Lepas ka kari dungna bas paksana

Reff :

5) Ibas Tuhan ukur nggintar

Lagu-langkah lanai bo kapen lalar

‘Di KataNa jadi ajar

Kuasa iblis pe dungna enggo nartar

Reff :

6) Kune lit kalak si jera

Robah ka ibas lagu ras langkahna

Rende me malekat k’rina

Enggo tambah jine k’riahen surge

KEE NO. 234

“ TUHAN SI ‘NGKAWALISA “

1) Reff :

Tuhan si ‘ngkawalisa

Ibas k’rina kecibalta

Kegeluhen reh ulina

‘Di ernalem man baNa

Rusur kami iperngas

Labo kapen lengas

Kami kerna perligas

Labo kuidah erbekas

2) Reff :

Rusur kami itatas

Lalap kuidah ertunas

Kami pe kena guas

Labo sempat meculas

3) Reff :

Rusur kami iperjat

La kel ‘nggo sempat pinat

Lit gia si mekpeki

La ‘te kami mesui

4) Reff :

Rusur pe lit si nggasgas

Labo ‘te kami ngilas

Lit gia si ngisak-ngisak

Labo ni akap sedak

5) Reff :

Rusur pe lit si nggege

Lalap nge kami rende

Lit si ercian ate

Labo ‘te kami ndele

KEE NO. 235

“ DIBATA KAP NJAGAISA “

1) Dibata kap njagaisa gedang berngi

Sangana aku medem nderbih nai

Je medak aku bas erpagi-pagi

gelarNdu ku pebelin ras kupuji

Reff :

Wari enda wari ni Dibata ale

Sialoken janah m’riahlah ukurta

Dage baNa ‘ndesken keg’luhennta ale

Bas nembah muji g’larNa si badia

2) Kawali dage aku gedang wari

Meriah ‘tahsa gulut gia sekali

Pesalanglah ukurku genduari

‘Lah banci kulakoken si mehuli

Reff :

3) Temani ibas aku ngelayasi

Dahin si lenga tembe si kudahi

Si murde gelah banci salangsai

B’rekenNdu bangku gegeh lako ndungi

Reff :

4) TuahiNdulah sanga aku encari

Muat asam kegeluhen teptep wari

Gia iblis ng’rimrim la erngadi-ngadi

Ras kam tentu kurku enggo sipi

KEE NO. 236

“ SI SEHKEN BUJUR MAN DIBATA “

1) Si seh ken bujur man Dibata

Nakan pangan enggo me sikap

Gelah si pindo tuahiNa

Mereken gegeh banta lalap

Reff :

Adi ‘nggo seh gia paksa man

Dibata saja si muliaken

Perbahan Ia nge si ndudurken

Emaka baNalah kita ersukuten

2) Man si nikapken nakan enda

Enggo me kuskas ndahikenca

Arak-arakndu kecibalna

Ras pasu-pasu pencarinna

Reff :

3) Gia kadenta pe melala

Labo kap payo riba-riba

Madin si ingetlah temannta

‘Nggo deba lume kel busanna

Reff :

4) Kune lit kenca kin temannta

Sangana gulut bas geluhna

Sampati min asa ngasupta

Bagi pedahken ni Dibata

KEE NO. 237

“ TUHAN DIBATA SI PERKUAH “

1) Tuhan Dibata si perkuah

Kami si jenda enggo e lah

SiberekenNdu ras petuah

Ergaken kami enda gelah

Reff :

Adina enggo e lah man

Kune lit gia percuban

Maka ukurta e tetaplah min sapa

2) Aminna daging gia sikap

Meriah k ape ibas nggeluh

Kerina enda labo t’rakap

‘Di perukuren la nteguh

Reff :

3) Adina besur gia beltek

Nakan tendinta k ape inget

Maka ukurta la melitek

Biak si nggesuh ni penimpet

Reff :

4) ‘Tah kai kin gia si terjadi

Kerna si enda la ‘teh kami

Adi kesahNdulah nemani

E enggo tetap ukur kami

Reff :

KEE NO. 238

“ IBAS NDALANI PERDALANEN NGGELUH “

1) Ibas ndalani perdalanen nggeluh

Kiniseran pe reh megati ngupuh

Si cengkal ukur ras si mambur iluh

BereNdu teneng gelah banci tunduh

Reff :

Kesah ras daging rikut pe ras tendi

Kempak Dibata k’rina ‘ndesken kami

Emaka Kam lah tetap si ‘ngkawali

‘Lah daging bugis bas medak pe pagi

2) Segedang wari kami enggo labuh

Paksana medem enggo me kap seh

IkawaliNdu min sangana tunduh

‘Lah suang gegeh adi banNdu badeh

Reff :

3) Sima-simangku ndeher entah ndauh

Lit nge si kote deb aka megegeh

Lit si meriah deba lit nge nderkuh

Bas berngi enda kepkek gelah paguh

Reff :

KEE NO. 239

“ SI ENDEKENLAH ‘NDE-‘NDEN SI MERIAH “

1) Si endekenlah ‘nde-‘nden si meriah

Man Tuhannta si ‘nggo tubuh bas pelangkah

Sabab patut nge k’rina kita nembah

Ban babaNa terang ngaruh ras petuah

Reff :

Dage mari kita kerina

‘Lah si puji gelar Dibata

Ula na iukur erbera

Tuhan Yesus me kap Rajanta

2) Tuhan Yesus metunggung dat pujin

Perban Ia si ngajari kita kin

Kek’lengenNa la erkeri-kerin

Adi pakelah pedahNa seh pagin

Reff :

3) Gelgel nari suratken nabi-nabi

Reh me s’kalak si nampati ku pertibi

Em pemere idur Dibata nari

Enggo tubuh i Betlehem tengah berngi

Reff :

4) Tuhan Yesus kuinget min Kam rusur

‘Lah babaiNdu pergeluhku ku si bujur

‘Di bage kiniteken la erkusur

Enggo paguh gia lit rusur si ngugur

Reff :

KEE NO. 240

“ MULA-MULA DONI E “

1) Mula-mula doni e

Rende me malekat je

‘Ban sinasa lit tetap

Tuhan sinembesa kap

2) Sanga tubuh Yesus e

Muji ka malekat je

‘Lah perdosa terkelin

Ia jadi musil kin

3) E erkata ka pagin

‘Nde-enden malekat kin

‘Di ku doni mulih pe

Tuhan si mulia e

4) Oh mejile sora e

Sabab em biakna pe

K’rina sora anak t’rang

Ngena ate Tuhan kang’

5) ‘Lah sirasken rende min

Kasa ‘rsora lit pagin

Min babahku atan je

Rende ras i surge pe

KEE NO. 241

“ EME KAP WARI SI MBELIN “

1) Eme kap wari si mbelin

I b’re Dibata banta kin

AnakNa reh ku doni e

Si inget min kelengNa

2) Tersinget kap enggo ndekah

Tuhannta nusur me gelah

Pertibi enda la bene

E tek me kita la pe

3) Pujin si reh ku doni e

Ende-endenta baNa pe

Gelah me salih kita min

‘Nggo jadi anak Tuhan kin

KEE NO. 242

“ SENDAH WARI PASKAH “

1) Sendah wari Paskah m’riah ukurta

Yesus enggo keke tangkas kuasaNa

Sendah wari Paskah malem ateta

Yesus enggo keke nebus si dosa

Reff :

Surak haleluya o haleluya

Yesus enggo menang kita pe senang

2) Ngerayaken Paskah bas kegeluhen

Yesus sisaksiken bas perbahanen

Maba keriahen ras pengarapen

Yesus sisaksiken ras sipembarken

3) S’lamat wari Paskah bas wari enda

M’riahlah ukurta sembah Dibata

Sangap kita banNa dame pusuhta

‘Nggo italukenNa k’rina musuhta

KEE NO. 243

“ SI RASKENLAH SI PUJI K’RINA “

1) Si raskenlah si puji k’rina

Tuhanta ras kiniulinNa

‘Ngkunduli kursi kerajan

Ku je ukurta min siban

Ijem kepeken erta e

Si namakesa nga pen e

Ijem kepeken erta e

Si namakesa nga pen e

2) ‘Di la kel nge Pengulunta

Si bujur saj ban gurunta

E kita ginemgemNa kap

Si arus ngikut pe tetap

‘Nggo ipesaiNa dalin e

Ku surga kitalah dage

‘Nggo ipesaiNa dalin e

Ku surga kitalah dage

3) Mengenggeng ndube ibas suhsah

Kuga pe ilawaNa dosa

Mahanca dungna enggo menang

‘Nggo kundul me ibas terang

Si ikut-ikutlah dage

Man banta pe upahna e

Si ikut-ikutlah dage

Man banta pe upahna e

4) Tuhan sampati aku lalap

Itawin doni aku kuakap

La ngasup aku ngelekasa

‘Tah lalap denggo mesera

KesahNdu man penundalen

Emaka Kam kuikutken

KesahNdu man penundalen

Emaka Kam kuikutken

KEE NO. 244

“ NUSUR MIN O KESAH TUHAN “

1) Nusur min o Kesah Tuhan

Bengket ku pusuhku e

Maka Kata sini suan

Turah ras erbuah pe

Kami bas Dibata nari

Kep-keplah ukurku min

Pasu-pasu pendahin

Maka aku genduari

Ndaram tuah si tetap

Alu ate si telap

2) Kam banana kegeluhen

Si mahanca ukur t’rang

Kam si jadi persuruhen

‘Lah K’rajanNdu ‘nggo menang

Maka perpulung kari

Tutus ngikut Yesus kap

Janah Ia ‘mpeserap

Ibas dosa doni nari

Jadi dungna me bage

Bagi Kam badia pe

3) T’rang Badia ras Penuduh

Dalin kegeluhen e

Ajar kami maka mubuh

Kami arah Kam kepe

‘Lah ersada ras Dibata

Maka aku tutus e

Rembak min ras Kristus pe

Seh me dungna lanai lata

Haleluya ‘lah pujin

Asa lalap baNdu min

KEE NO. 245

“ O KESAH SI BADIA “

1) O Kesah si Badia

Pegaramin apiNdu

Bas pusuh kami k’rina

Si ‘nggo dat pendiloNdu

2) Talangi pinggel kami

Terangi pusuh kami

Petetap ukur kami

Ngaloken pendiloNdu

3) SuruhNdu kami k’rina

Peseh ku tampak doni

KataNdu s meherga

Gelah Kam ermulia

KEE NO. 246

“ PASU-PASU O TUHAN “

1) Pasu-pasu o Tuhan

Kalak si atena ‘njabuken bana

Meciho suara-suarana

Sada kap pengarapenna

Reff :

‘Di ‘nggo pulung kita ijenda

Naksiken lakon perjabunna

Dage mari kita kerina

Si pindo perkuah ateni Dibata

2) TuahiNdu o Tuhan

Adi enggo tampak ia reh duana

Erpadan ibas geluhna

Suhsah senang tetap sada

Reff :

3) KawaliNdu o Tuhan

Paksa wari-wari si betasina

Ras rumah si inganina

Ndauh mara ras kelesa

Reff :

4) BegikenNdu o Tuhan

Enda radu ras toto kami k’rina

‘Lah tetap min itandaina

Kam nge tuhu kap Bapana

Reff :

5) PetetapNdu o Tuhan

Kune lit ukurna kin pagi near

PedahNdu tetap pakena

La erleka pe jabunna

Reff :

KEE NO. 247

“ IPASU-PASU TUHAN “

1) Ipasu-pasu ni Tuhan Dibatandu

   Kam si dilaki bagepe si diberu

 ‘Di Tuhan Yesuslah tetap temueNdu

   Gedang geluhku la kam er medu-medu

Itadingkenndu me kap orangtuanta

Segelah tumbuk ersada duana

Adina enggo persadaken Dibata

Lanai arusna sirangken manusia

2) Si kelengina kin tetap ndeharana

Keleng atena bandanna k ape tole

Dagena ola merampus kam kempaksa

Madin persada gelah ukurndu jine

Dage ikutken kata perbulangenndu

Perbahan ia nge kap penghulu jabu

Gelgel mehangke dingen tegel ukurndu

Tentu jabundu pe tetap nge erluhu

3) Dame ni Kristus min ringan bas pusuhndu

Si ngerajaisa perlangkah ras perlagu

Si ‘ngkawalisa dingen si masu-masu

Alu bage nge maka malem atendu

Tutus dagena laws ku perminggun

Bage pe tampak kam rehku perpulungen

Emaka Tuhanlah jadi penggurundu

La banci lang ! Lalap ersinalsal jabu

KEE NO. 248

“ SI NJABUKEN BANA “

1) Si njabuken bana ndatken pasu-pasu

Bas Dibata nari e min arapkenndu

Kata Tuhan Yesus nggeluh ibas jabu

TerangiNa pusuh malem me atendu

Reff :

Si ajar-ajaren

Radu ras si keleng-kelengen

Si sampat-sampaten

Sada ukur maba kegeluhen

Tengah-tengah jabu

Tuhan Yesus jadi persukuten

Gelah min pe pagi

perjabunndu banci man usihen

2) Bagi Tuhan Yesus kempak perpulungen

Ras bandanna jine enggo ib’rekenNa

Bage arus kepe s’kalak perbulangen

Bas erkeleng ate kempak ndeharana

Reff :

3) Ndehara si pantaslit ukurna saber

Lit gia perbeben la ukurna monce

Perkeleng atena terus kapen maler

Ras perbulangenna nggeluh ibas dame

Reff :

4) Adina Dibata enggo masu-masu

Si engkawalisa ibas perjabun

Perdalinen nggeluh malem kel atendu

Rembak ras Dibata la kam kemalun

Reff :

KEE NO. 249

“ AJAR AKU O TUHANKU “

1) Ajar aku o Tuhanku

Make kata ras pedahNdu

Kueteh payo ras sentudu

Ku ikutken bas geluhku

Reff :

Si ngikut pedah Dibata

Daten me kerembakenNa

Pedah Kata tangkas k’rina

Em jadi gelementa

2) Tatah aku genduari

Arah dalin simehuli

Lalap min kam kutimai

Gelah aku iapuli

Reff :

3) Kekelengen ni Dibata

La ersibar seh man banta

Anem gia papak kita

Dalin jera tuduhkenNa

Reff ;

4) Kalak si tegu Dibata

Em si lembab bin ukurna

Man si nembah rusur baNa

Ukum ajarkenNa banta

Reff :

5) Mata ukur nare baNa

Gelah peratenNa siangka

Adi g’luhta ikepkenNa

Tentu malem kel ate

Reff :

KEE NO. 250

“ KALAK SI NGEPKEP PERPULUNGEN “

1) Kalak si ngepkep perpulungen

Ndehara arus sada ngenca

Biakna lakap erpadangen

Dirina pe terkuasaisa

2) Kalak si ngepkep perpulungen

Arusna m’lias man tandangen

Biak perampang la pakena

Si payo rusur ajarkenna

3) Kalak si ngepkep perpulungen

Arusna sikel kedamen

Biak si murde pesikapna

Naberi pe idahikenna

4) Kalak si ngepkep perpulungen

Arusna la mata duiten

Biak pemabuk labo ia

Rumatna tetap ijagana

5) Kalak si ngepkep perpulungen

Arusna tutus erdahin

Biak jabuna la njuruken

‘Ban sikap ia bas ngajarken

6) Kalak si ngepkep perpulungen

Arusna man ikuten

Biak si nggesuh ‘nggo tadingken

Pakena rusur kehamaten