KEE NO. 151 - 200

KEE NO.151

Nusur min o, kesah Tuhan

1. Nusur min o, Kesah Tuhan

 Bengket ku ukurku e

 Maka Kata si ni suan

 Tuhrah janah ‘rbuah pe

 Kam ibas Dibata nari

 Pekena ukurku min

 Pasu-pasu pendahin

 Maka aku genduari

 Ndaram tuah si tetap

 Alu ate si telap

2. Kam banana kegeluhen

 Kam si mahan ukur t’rang

 Kam si jadi persuruhen

Maka kerajan menang

Maka perpulungen kari

 Tutus ngikut Yesus kap

 Janah Ia peserap

 Ibas dosa doni nari

 Jadi dungna me bage

 Bagi Kam badia pe

3.Trang Badia ras Penuduh

Dalin kegeluhen e

 Ajar kami maka mubuh

 Kami arah Kam kepe

 Maka ‘rsada ras Dibata

 Maka aku tutus e

 Rembak min ras Kristus pe

 Seh me dungna lanai lata

 Haleluyalah pujin

 Bandu asa lalap min

KEE NO.152

Haleluya wari enda

1. Haleluya, wari enda

 Wari minggu nggo ka she

 Pulung kita k’rina jenda

 Maka tambah pemeteh

 Muji dDibatanta e

Ras ngataken bujur pe

2. Asa Kristen japa gia

 Pulung k’rina sendah me

 Maka inget manusia

 Perkeleng Dibata nge

 Sabab Tuhan Yesus e

 Nggo nantangi kita pe

3. Nggo sasapNa kesalahen

 Bujur Dibatanta e

Banta lalap keriahen

 Olanai min endele

 Arah Tuhan Yesus e

 Pang si dahi Bapa pe

4. Olanai alang-alangen

 Adi ate si tetap

 Labo kai pe man adangen

 Dat perkuah ate kap

 Sada si la banci lang

 Gelah nggit min kam teman

5. Enggo rutang kap kataNa

 Maka ikepkepNa kam

 Labo kapen ban rawaNa

 IdiloNa kam teman

 BaNa ukur, peraten

Enda kap man pelimin

6. Dage mari kita k’rina

 Si pehaga Yesus e

 Ia si ndarami kita

 Lang pe kita nggo bene

 Keriahen lalap lit

Kap man kalak si enggit

KEE NO.153

Nggo ngaku kami o, Tuhan

1. Nggo ngaku kami o, Tuhan

 I tengah-tengah perpulungen

 Kam me kap Raja si tetap

Penampat kegeluhen

2 Erpadan kami ngikut Kam

 Megiken pe k’rina pedahNdu

 Ipindo kami o, Tuhan

 Bereken min kesahNdu

3.O, Bapa kami si ni das

 Sampati k’rina ngawan mbaru

 Tetap ukurna min ibas

 Ngikutken ajarenNdu

KEE NO.154

Ermengkah kami empak Kam

1. Ermengkah kami empak Kam o, Bapa

 Perba n liasNdu dosa nggo me sapa

 ‘Rkiniteken kematen AnakNdu e

 KesahNdu si nggo maba kami enda

 Ku perpulungen Kristen si ni jenda

 Je tanda pengesah peridin e

2. ‘Rkiniteken Yesus dengkeh toto kami

 Kawalilah kerina anak kami

 Si nggo ngaloken tanda peridin

 Gelah mehuli lalap perdalinna

 ‘Rtetapna min di pagi reh belinna

 Lah sada ukur ras Tuhanta min

3. Lah puji kalak min liasNdu enda

 Si nggo ka seh man kami si ni jenda

 Setundu ukur kami min rasa Kam

 Gelah ikutna Yesus Penebusna

 Si bujur man sukuten Guru, Raja

 Ibas gegehNa talu dosa kap

4. GelarNdu man pujin, Kam o, Dibata

 O, Bapa, Anak ras Kesah ersada

Kami enda dingen anak kami pe

 Mehagalah ngenen Kam si mulia

 Ermengkah ate kami manusia

 La ‘rngadi-ngadi pujin kami e

KEE NO.155

Kam idilo Tuhan, To!

1. Kam idilo Tuhan to

 Beritaken kematenNa

 Kam kerina si enggo

 Iperidi ‘rsada jenda

 B’reken pusuh peraten

 Sabap Ia kekeken

2. buatlah, pan roti e

Inemlah  gelah ertuah

Tuhan yesus ibere

Bunuh kalak  lah kam luah

Ban matena  kam nggeluh

Em kap padan  si nteguh

3.Kasa  kalak o, Tuhan

 Si ngaloken tuah enda

 Nuhit lalap min ku Kam

 Payo min laguna jenda

Bujur lembap me gelah

 Olanai kal min ngerah

4. Kalak si medu-medu

 La meparas iakapna

 Sampatlah tegu-tegu

 Maka jumpa ka sangapna

 Si ni dauh-dauh nari pe

Ialoken Kam kepe

5. Seh i surga nangkihlah

 ‘Nde-endenta si meriah

 Kalak si benar je ka

 Ras malekat si mulia

 Muji kekelengenNa

 Si nggo icidahkenNa

KEE NO.156

Pelongge Kam k’rajangku min

1. Pelongge Kam k’rajangku min,

 Kam si mbelin

 Ban ateta ceda

Tek aku ban kesahNdu e

 PedahNdu e,

 si m’re Kam enda

 Teranglah kebenarenNdu

 AjarenNdu,

 Iangka kami

 Lah alu ukur si tetap

 MateNdu kap,

 Iinget kami

KEE NO.157

Wari, Bulan, Tahun masap

1. Wari, bulan, tahun masap

 Bagi awih lawes me kap

 Kai kin jenda rasa lalap

 La lit kai pe si tetap

 Tapak nahe idalinta

 Labo tahan endekah

 Sendah jadi si enggona

 Pagi jadi sendah ka

2. Nini si arah lebenta

 Lanai nari ia je

 Sitik nari kita enda

 Itangisi kalak pe

 Sitik nari kita enda

Kenca mate sada inganta

 Ras nininta lebe

 Di kuidah Kam Dibata

 Kai kin manusia e?

3. Tapi masap k’rina gia

 Pemindonku la ku je

Kam Dibata si badia

 Minter m’aku ngaku e

 Entah kai si kerajangku

 Ntah kadena mobah kin

 Ibas Kam o, Dibatangku

 Lit pengapul la ‘rkerin

4. Dage masap gia tahun

 La kuakap kutera

Lit sikelku si la sahun

 Labo kai pe ntah kuga

 Salih k’rina gia jenda

 Si mesui pe gejap

 Perdalinen kempak surga

 Kupinterken me tetap

KEE NO.158

Nggo gia mentas tahun e

1. Nggo gia mentas tahun e

 Tambah ka tahun enda

 O, Tuhan b’relah bangku e

 Kuidah ka ambahna

 ‘Di mentas gia wari kap

 Kuteh Dibata me tetap

2.Tambahi Kam gegehku min

 Kam Tuhan si mekuah

La gia nuhit aku kin

 Nggit aku min erbuah

 Megati ceda ukurku kap

 Ban aku lalap la tetap

3. ‘Di idah Kam langkahku e

 Oh, nembeh Kam Tuhanku

 Nggit niNdu : “Tabah kayu e

 Si la erguna baNgku”

 E tuhu la erguna kap

 Ban labo aku me tetap

4. Ban Kam ngkakui aku kin

 Emaka sai utangku

 Kam Yesus ajar aku min

 Ngendesken kerajangku

 Ras ibas tahun baru kap

 Sampati jingkangku tetap

5. Sampati aku o, Tuhan

 Bas kai pe aku jumpa

 Jujurken Kam lah si kuban

 Pedauhlah min kelesa

 Padanku maka aku kap

 Ibas gegehNdu me tetap

KEE NO.159

Erjimpuh ras kita kerina

1. Erjimpuh ras kita kerina

 Si sembah Bapanta e

 Tuhanta si nggo mubuh kita

 Si pegeluh tendinta e

 Kepeken Tuhan rasa lalap

 La ikiraiNa tahun kap

 Lit tahunreh, lit si nggo masap

 Si njujurkenca e tetap

2.Tetap kekelengenNdu empak kami

 La robah peratenNdu kin

 Kam si njujurken dalin kami

 Nggit nampat kami bas dahin

 Adina itempa kami

 NgaruhNdu, pemerenNdu e

 Nggo tuhu la metunggung kami

 Kai kin nge ndia kami e?

3. Terbeligai bintang gia

NgaruhNdu e kuakap lang

 ‘di dosa kami reh Buena

 ‘Di Kam ngaruhNdu ambah kang

 O, Tuhan la meparas aku

 Ngaloken tuah sibage

 Keleng ateNdu kata aku

 Kupuji seh mateku pe

4. Mengisngis pemindonku baNdu

 Ibas gelar Tuhanku e

 Bapa, ‘di banci sampat aku

 Ibas tahun si mbaru pe

 Taruhken aku adi lalar

 Pejorelah ukurku min

 PedahNdu sajalah kupalar

 KelengNdu nari man pujin

KEE NO.160

Teman-temanku si ni jenda

1. Teman-temanku si ni jenda

 Meriah kita rende ras

 Ban mengket rumah gereja enda

 Ras muji Tuhan si nidas

 Enggo me tangkas kal teridah

 Bekas dahinta ras raron

 Ateta mekelek meriah

 Ngenehen rumah pertoton

2. Pujin sehken man Dibatanta

 I rumah pertotonta e

 PedahNa ikataken banta

 B’ritaNa si mehuli me

 O, kita k’rina si ni jenda

 Ukurta min ku je tetap

 Berita si mehuli enda

 Pelawes dosa si gelap

KEE NO.161

Ja sikeleng-kelengen manusia

1. Ja si keleng-kelengen manusia

 I jem kap Tuhan je pe pemerenNa

 Geluh si la ‘rkeri-kerin

 Geluh, geluh si la ‘rkeri-kerin

KEE NO.162

Perkuah ate Tuhan Yesus Kristus

1. Perkuah ate Tuhan Yesus Kristus

 Kekelengen Bapa

 Ras rembaken Kesah si Badia

 Ras kita k’rina, kita k’rina Amin

KEE NO.163

Badia, badia

1. Badia, badia Tuhan si erkuasa

 Dem me doni enda salu kemualianNa

 Badia, badia, Tuhan bala surga

 Kam me kap Bapa si ermulia

2. Badia, badia! Bapa si perkuah

 Reh kerina kami alokenNdu gelah

 Badia, badia! Tuhan maba tuah

Reh kami enda baNdu ersembah

3. Badia, badia! GelarNdu terpuji

 Lampas ‘rpagi-pagi Kam ipuji kami

 Badia, badia! Seh kal me liasna

 Kam o, Dibata si telu sada

4. Badia, badia! Tuhan si ni surga

 Kam si njadikenca, k’rina si lit enda

 Badia, badia! Rende bala surga

Terpuji Ia Raja nu surga

5. Badia, badia! Tetap perkelengNa

 Nehken pendiloNa man jelma perdosa

 Badia, badia! Tuhan penebusta

Sembahlah Ia, Yesus Tuhanta

KEE NO.164

Batu mamak si nteguh

1. Batu mamak si nteguh

 Kam kubunku si paguh

 K’rina gia musuhku

 La tergejap man baNdu

Tuhan Yesu kulebuh

 KawaliNdulah aku

2. Labo perban gegehku

 Labo ban ulina ka

 Tapi ban perkuahNdu

 Ndilo aku lah jera

 Maka dosa itebus

 Arah Yesus Penebus

3. AlemiNdu min dage

 K’rina dosa kami e

 B’re min pusuh kami pe

 Tetaplah bas dame e

Kam Tuhan Penebusku

 Mbelin kekelengenNdu

4. Yesus kap gelemenku

 La erleka ras aku

 Kam me pengarapenku

 Ibas kegeluhenku

 Tuhan tetap min gelah

 Bas Kam aku la pulah

KEE NO.165

Bas Ia ngenca lit kepe

1. Bas Ia ngenca lit kepe

 Keklengen si mbelin

Yesus tersilang seh mate

 Lah aku terkelin

 Tetap ukurku tek aku baNa

Keleng ateNa mbelin kuasaNa

 Ia njagasa geluhku k’rina

 Malemna dir as Ia

2. Man baNa ernalem dage

 Begiken kataNa

 Di meriah tah gulutpe

 Tetap temaniNa

Tetap ukurku tek aku baNa

Keleng ateNa mbelin kuasaNa

 Ia njagasa geluhku k’rina

 Malemna diras Ia

3. Megegeh kal mehuli ka

 Sinalsal terangNa

 La gelap saja t’rangiNa

 Ku pusuh seh Ia

Tetap ukurku tek aku baNa

Keleng ateNa mbelin kuasaNa

 Ia njagasa geluhku k’rina

 Malemna dir as Ia

4. Bas k’rina paksa-paksa pe

 Erkuasa kataNa

 Penampat kap man bangku e

 Em kata Dibata

Tetap ukurku tek aku baNa

Keleng ateNa mbelin kuasaNa

 Ia njagasa geluhku k’rina

 Malemna dir as Ia

KEE NO.166

Nggo mambur Dareh Tuhan e

1. Nggo mambur dareh Tuhan e

 I uruk golgota

 kerina e igengkenNa

 Lah masap dosanta

 Lah masap dosanta

 Lah masap dosanta

 Kerina e igengkenNa

 Lah masap dosanta

2. Si jahat pe ibaba ka

 Tersilang ras Ia

 ‘Di aku pe bage me ka

 Lah ialemiNa

 Lah ialemiNa

Lah ialemiNa

 Di aku pe bage me ka

 Lah ialemiNa

3. DarehNdu e si badia

 Em si nasapkenca

 Dosangku e melala

 Melikas ibanNa

 Melikas ibanNa

 Melikas ibanNa

Dosangku e melala

 Melikas ibanNa

4. Mesera pe bas geluhku

 Tetap perjingkangku

 SilangNdu e gelemenku

 Lah aku terkelin

 Lah aku terkelin

 Lah aku terkelin

 SilangNdu e gelemenku

 Lah aku terkelin

KEE NO.167

Kuidah kayu silangNdu

1. Kuidah kayu silangndu

 Je mate Kam si mulia

Kugejap k’rina dosangku

 Ije me Kam nasapkenca

2. Iluhku mambur ngidahsa

 Ngenen ku uruk Golgota

 Tengkuluk duri si tetap

 Nambahi kinis’ranNa kap

3. Kuidah dareh lukaNa

 Bas k’rina kula Tuhanku

 Kerina e igengkenNa

 Makana masap dosangku

4. La lit dalanna ‘ku pulah

 ‘Di la kin ibas silangNa

 Geluhku ‘banNa meherga

 ‘Ban darehNa murihisa

KEE NO.168

Tegu aku o Tuhanku

1. Tegu aku o, Tuhhanku

 Ibas dalan mesera

 La lit ngasup ras gegehku

 B;re min tanNdu negusa

 Roti surga, roti surga

 Tetap b’reken man bangku

 Tetap b’reken man bangku

2. Lau si nggeluh b’re min gelah

 Maka aku megegeh

 Tah kai jadi bas geluhku

 Kamlah arah lebengku

 O, Tuhanku, O, Tuhanku

 Kam me kap sekawalku

 Kam me kap sekawalku

3. Aru ate bas geluhku

 Kam me si nampatisa

Lalap Kam me negu aku

 Gelah seh pe ku surga

 Kam penampat, Kam penampat

 Lalap seh rasa lalap

Lalap seh rasa lalap

KEE NO.169

Rembak ras Kam Tuhan

1. Rembak ras Kma Tuhan

 Rembak ras Kam

 Bas paksa kinis’ran

 Ku dahi Kam

 Bas paksa kegogon

Ras ate ceda kin

 Rembak ras kam

2. Mesera dalin e

 Medalit kap

 Musuh ngerimrim pe

 Kuasa gelap

 Kulebuh gelarNdu

 Nemani geluhku

Rembak ras kam Tuhan

Rembak ras Kam

3. Mambur iluh gia

 Ras latih pe

La bagi ukurta

 Bas geluh e

Kam Tuhanku ngenca

 Banci ngapulisa

 Rembak ras kam Tuhan

 Rembak ras Kam

4. Paksa kegelapen

Kam kap terang

 Ibas kiniseran

 Ras Kam senang

NinNdu man bangku kap

 “Ernalemlah tetap”.

 Rembak ras kam Tuhan

 Rembak ras Kam

5. Seh pagi paksana

Aku ngadap

 Tading me kerina

 Lat lit tetap

 Kupindo man baNdu

Temanilah aku

 Rembak ras kam Tuhan

 Rembak ras Kam

KEE NO.170

Endesken min kerina

1. Endesken min kerina

 KesusahenNdu e

 Man Dibata Yahwe

 Melias ia pe

Tuhan me si metehsa

 Pertibi ras surga

 Adi Tuhan ras kita

Tetap me ukurta

2. Ngarap aku man baNdu

O, Yahwe Dibata

 I je bangku tuhu

LiasNdu cukup ka

E la kap lit gunana

 Amin kelsehen kam

 Ertoto me dalanna

 Gelah terapul kam

3. Dibata si perkuah

 ItehNa k’rina nge

Si bujur ras la tengka

 Ibas ukurta e

 Si ngena jujurkenNa

 Man banta rusur pe

 PedauhNa si la tengka

 Lah kita la bene

4. Ernalemlah man baNa

 Man Dibatanta e!

 Tadingken k’rina dosa

 Ras ceda ate pe

 IpersanNa me k’rina

 Keberatenndu e

 Pedas isampatiNa,

 Ngangkat susahndu e

5. B’re min ipesikapNa

 Lagu langkahndu e

 Kepentaren ukurNa

 Njujurken k’rina e

 Tondel kin nge ukurNa

Lako mulahi kam?

 Je ipetangkaskenNa

 GegehNa e ku kam.

6. Kam me o, Tuhan kami

 Pengadi k’rina min

 Si nggit nuhsahi kami

 Ras si ngulahi kin

 Sehlah kubas tanNdu

 Kerina kami e

 Ku surgalah teguNdu

 Min tendi kami e

KEE NO.171

Gelar Tuhan Yesus Kristus

1. Gelar Tuhan Yesus Kristus

 Lit seh si rasa lalap

 Gelar Yesus maba dame

 Keriahen si tetap

pemasuNa lit me

 Man krina manusia

 IdiloNa kita k’rina

Kubas kesenangen e

2. Gelar Yesus erkuasa

 Man kerina tinepana

 Ise gia mindo baNa

Tentu isampatiNa

pemasuNa lit me

 Man krina manusia

 IdiloNa kita k’rina

Kubas kesenangen e

3. Gelar Yesus ersinalsal

 Man si tek tergejap kal

Gelar Yesus maba terang

 Nuduh dalin si senang

pemasuNa lit me

 Man krina manusia

 IdiloNa kita k’rina

Kubas kesenangen e

4. Gelar Yesus seh ergana

 Si masapken dosanta

 Ise tek man Tuhan Yesus

 Ia jumpa Penebus

pemasuNa lit me

 Man krina manusia

 IdiloNa kita k’rina

Kubas kesenangen e

5. Gelar Yesus ermulia

 Man banta si tek baNa

 Gelar Yesus maba dame

 Ola kal lupaken e

pemasuNa lit me

 Man krina manusia

 IdiloNa kita k’rina

Kubas kesenangen e

KEE NO.172

Bas paksa berngi melenget

1. Bas paksa berngi melenget

 Betlehem tunduh kam

 La kin idahNdu reh terang

 Isalsalina kam

 Nggo seh kap ku tengahndu

 Penampat Dibata

Penebus dosa manusia

 Alokenlah Ia

2. tuhu kitiksa kam gia

Betlehem efrata

I je me nina dibata

Tubuh  penebusta

Tentera bala surga

Rende me kerina

Terpujilah kam I yesus

Tuhanku penebus

3. dage rehlah min o tuhan

Aloken aku min

Dosangku masap gelah ban

Lah aku terkelin

Gelah aku tersampat

Bas dalin mesera

Di ras kam minter kugejap

Geluhku meherga

4. keleng atena nggo nusur

Man banta kerina,

Kusehken man bana bujur 

Mbelin pemerena

Bas berngi tubuh ia

Gelap mesuni  ka

Pusuhta kap daramenna

Alokenlah ia

KEE NO.173

O, Tuhan mari

1. O, Tuhan mari wari enggo ben

 Gelap me wari Kam kuban teman

 La lit nampati di la Kam Tuhan

 Mari gundari mari gundari Tuhan

2. Bas doni enda la lit si tetap

 Erta melala, k’rina kap lesap

 ‘Di erta surga tahan me tetap

Mari gundari, marilah Tuhan

3. Kam kesikelku katawari pe

 Kam gelemenku bas percuban e

 Kam dalinku Kam kap ngenca e

 Mari gundari, marilah Tuhan

4. Lit gia musuh si ngguluti e

Tah naktak iluh ban serana pe

Tapina dungna masap me kepe

 Mari gundari, marilah tuhan

5. La aku mbiar ibas dalin e

Ban itemani Yesus i lebe

 ‘Di aru ate minter kap bene

 Mari gundari, marilah Tuhan

KEE NO.174

Yahwe me kap permakanku

1. Yahwe me kap permakanku

 Tendingku nggo menang

 ItaruhkenNa geluhku

Lanai pe si kurang

2.Di dalan kelbung  ras gelap

La mbiar aku pe

Teguna anku me tetap

Lah aku bene

3.Melehe, latih muas pe

leben itehNa e

 Tah ukur susah tas ndele

 Ras Ia kap tembe

4. IaturNa man-man bangku

Calungku sampur pe

 Melias me Ia tuhu

 Man bangku me kepe

5.Sedekah umur geluhku

 LiasNdu tergejap

 Ingan tetap seh sidikku

Bas Kam rasa lalap

KEE NO.175

Bage pedah Tuhan

1. Bage pedah Tuhan:

 “Kekelengen”

 Ersada ukur tetaplah

 Sisampat-sampaten

2.Tuhu mehuli ka

 Di tutus ateta

 Mejingkat ndahi dahinNa

 Bage isuruhNa

3.Di tetap me kepe

 Kinitekenta e

 Meriah tuhu di bage

 Ngaloken dame me

4. Bas senang tah susah

Pujilah gelarNa

 Ras ibas toto pindolah

 Tentu isampatiNa

5. ‘Di ingan sirang pe

 Tah lawes ku ja pa pe

 Ras Kristus tetap me kepe

 Lit persadanta pe

KEE NO.176

Ibas toto kubelasken

1. Ibas toto kubelasken

 Seh man baNdu Tuhanku

 Ajar akulah ngaloken

 Si mehuli akapNdu

 Pertotonku bagi Yesus

 Sanga bas kinis’ranNa

 Labo peraten ku Bapa

 PeratenNdu jadilah

2. Kai pe saja si mehuli

 Inas perbahanenNdu

Bahan aku la nimbaki

 Ngaloken bas geluhku

 Rehlah dage Kam o, Bapa

 Tegu aku la pulah

 Labo peraten ku Bapa

 PeratenNdu jadilah

3. Malem ate bas geluhku

 Iban kekelengenNdu

 Ibas susah isampatiNdu

 Kam kap penalemenku

 Kuakuken bagi Yesus

 Sanga bas kinis’ranNa

Labo peraten ku Bapa

 PeratenNdu jadilah

KEE NO.177

Kekelengen ni Dibata

1. Kekelengen ni Dibata,

 Kekelengen badia

 Nusur kap ku doni enda

Nemani manusia

 Yesus Kam si perkuah

 Bengket i pusuh kami

 AjariNdu kami gelah

 Lah gelarNdu terpuji

2. Usekenlah min kesahNdu

 Sanga m’riah tah susah

 Cidahken kekelengenNdu

 Man gelemen kami lah

 Yesus Kam arapen kami

 KekelengenNdu tetap

 Maka Kam lah temani kami

 Lalap seh rasa lalap

3. Dibata si erkuasa

 B’re man kami gegehNdu

 Enggo pulung kami k’rina

 Pasu-pasu anakNdu

Yesus Kam Permakan kami

Tegu kami k’rina min

 Mesera pe dalan kami

 ‘Di ras Kam kap terkelin

KEE NO.178

Pujilah min

1. Pujilah min dibatanta,

 pujilah min Dibatanta,

 Dame ni surga

 nusur ku doni

 ngena ate

 ngena ate

 man manusia

 man manusia

 Pujilahmin

 Pujilahmin

 Dibatanta,

 Dibatanta

Sini datas

 Dame ni surga,

 nusur ku doni

 ngena ate man manusia

 Amin,

 amin,

 amin

KEE NO.179

‘Di nggo reh ben wari

1. ‘Di nggo reh ben wari

 Pesahken ka

Bage teptep wari

Puji Dibata

2.Tuhan si kawalta

 Ibas berngi pe

 Endesken man baNa

 Kula tendi pe

3. Tuhan si ngkawali

Sanga tunduh pe

 Medak ‘rpagi-pagi

 Daging bugis pe

4. Mbincar matawari

 Puji Tuhanta

 Dahinta si dahi

 Tutus ateta

KEE NO.180

Yesus Kristus e kap Raja

1. Yesus Kristus e kap Raja

 Si ni angkat Dibatanta

 Ngerajai si nasa lit

 Ngerajai si nasa lit

2. Yesus Kristus surga nar

i IsuruhNa reh ku doni

 Jadi Kahurl banta e

 Jadi Kahurl banta e

3. Yesus pekena geluhta

 Maka sitandai dosanta

 Mbelin penampatNa pe

 Mbelin penampatNa pe

4. Dage ralep-alep kita

 K’rina si nggo

 tek man baNa

 Puji Tuhan Dibata

 Puji Tuhan Dibata

5. Dibata sada ngenca

 Tuhan Yesus kap tempasNa

 Terpujilah gelarNa

 Terpujilah gelarNa

KEE NO.181

 Segedang-gedang geluhku

1. Segedang-gedang geluhku

 Itemani penebus

 Labo kai pe si kurang

 Adi tanNa negu t’rus

Dame surga lit ‘bas aku

 IusekenNa bangku

 Kegeluhen jadi senang

 Kai pe la lit si kurang

 Kegeluhen jadi senang

 Kai pe la lit si kurang

2. Segedang-gedang geluhku

 Kubentasi k’rina e

 ‘Di si mberat reh man bangku

 Ia penahangisa

Labo pediatNa ndabuh

 Minter kal iangkatNa

 Lalap i jagaiNa aku

 Iban keleng ateNa

 Lalap i jagaiNa aku

 Iban keleng ateNa

3. Segedang-gedang geluhku

 Ia si nemanisa

 Labo lit kebiarenku

Ban si mbelin kuasaNa

 Talu me k’rina musuhku

 Ia si ngakawalisa

 Keriahen lit bas aku

 Ia si merekenca

 Keriahen lit bas aku

 Ia si merekenca

4. Segedang-gedang geluhku

 Ia si ngkawalisa

 Amin kai per eh man bangku

 Aku ijagaiNa

 IteguNa tetap tanku

 Ibas keleng ateNa

 Segedang-gedang geluhku

 Kuikutken me Ia

 Segedang-gedang geluhku

 Kuikutken me Ia

KEE NO.182

O Tuhan kam tetap

1. O, Tuhan Kam tetap

 Tedehku man baNdu

 Arap lalap Kam

Nemani geluhku

 O, Tuhan rasa lalap

 Geluhku temani

 Ola tadingken aku

Ras Kam tetap

2. O, Tuhan Kam tetap

 Ajarilah aku

Lah kai pe si kuban

 Mehuli man baNdu

 O, Tuhan rasa lalap

 Geluhku temani

 Ola tadingken aku

Ras Kam tetap

3. O, Tuhan kam tetap

 Ras aku rembaklah

 KataNdulah Tuhan

 E kuikutkenlah

O, Tuhan rasa lalap

 Geluhku temani

 Ola tadingken aku

Ras Kam tetap

4.O, Tuhan kam tetap

 Pegegeh aku min

 Lah k’rina percuban

 Talu gelah kuban

 O, Tuhan rasa lalap

 Geluhku temani

 Ola tadingken aku

Ras Kam tetap

5. O, Tuhan kam tetap

 Ngajari aku min

 Bage ateNdu kin

 Em ngena ateku min

 O, Tuhan rasa lalap

 Geluhku temani

 Ola tadingken aku

Ras Kam tetap

KEE NO.183

Kekeken ngikut Yesus

1. Kekeken ngikut Yesus ,

 nen kayu silangNa

 Angkatken panji Raja

 ikutlah ras Ia

 Arap kenlah gegehNa,

 ‘di berkat erperang

 Ban Yesus me temanta,

 tentu kita menang

2. Kekeken ngikut Yesus,

 begi pendiloNa

 Ras alu ate tutus,

 pujilah gelarNa

 Musuh man lawenta,

 kuasa si gelap

 La lit kebiarenta,

 ras Ia menang kap

3. Kekeken ngikut Yesus,

 mbelin kuasaNa

 Bas kurang kal gegehta,

 je isampatiNa

 Ola penalem saja,

 gegehta la serta

 Ertotolah man baNa,

 pindo penampatNa

4. Kekeken ngikut Yesus,

 lah malem ateta

 Ayaki si mehuli,

 si ngena ateNa

Dahinta sigegehi,

 ipasu-pasuNa

 Ban Ia si nampati,

 meriah ukurta

KEE NO.184

Yesus Tuhanku njaminisa

1. Yesus Tuhanku njaminisa

 Krina dosangku tebusiNa

Geluh si mbaru jujurkenNa

 M’riah ukurku ngalokenca

 Tuhanku Yesus Kam me tetap

 Pengendesenku rasa lalap

 Temani aku o, penampat

Tuhaku Yesus Jurus’lamat

2. Ngendes man baNa sikap tuhu

 Keleng ateNa negu-negu

 Mindo man baNa ola medu

 Maka ib’rena pasu-pasu

 Tuhanku Yesus Kam me tetap

 Pengendesenku rasa lalap

 Temani aku o, penampat

Tuhaku Yesus Jurus’lamat

3. Malem me ate di ras Ia

 La kai pe kurang ib’rekenNa

 KataNa jine seh gegehna

 Petetap ukur bas geluhta

KEE NO.185

Dibata Bapanta

1. Dibata Bapanta ringan i surga

 Si njaga geluhta i pertibi e

 Ernalem man baNa, ibas geluhta

 Ikutken kataNa suari berngi pe

2. Ibas k’rina paksa kegeluhen e

Pemere Dibata cukup banta pe

 Kuga dage ninta man Dibatanta

 Sipindo man baNa ola erleka

3. Di erdua ukur man Tuhanta e

 Dungna banci kita sirang rasSa pe

 Pebulat ukurta ernalem baNa

 I je daten cio cilinggementa

4. Beritaken dage kiniulinNa

 Rikut pe kelengNa banta kerina

 Gelah min kerina daten liasNa

 Dame bas pusuhta em peratenNa

5. Ula min pejangjang ukutrta dage

 Tetaplah ngenehen ku silangNa e

 Kiniseran Tuhan mata dame pe

 E lah min si inget katawari pe

KEE NO.186

Ibas gelar ni Dibata

1. Ibas gelar ni Dibata

M’riah ukur k’rina lah

 Cukup kai pe bas Bapanta

 ‘Di bage erm’riahlah

Pindolah bas totonta

 PemerenNa araplah

 Ban Dibata Penampat

 Kalak Kristen meriahlah

2. Tuhan Yesu kap Rajanta

 Si nemani geluh e

 Keriahen reh man banta

 Si pedauh ukur ndele

Ngarak-ngarak pe Ia

 Ibas perdalinenta

 Si mehulu jujurkenNa

Sialoken pemereNa

3. Kita kap kalak perdosa

 Rukur gulut lalap pe

 ‘Di begikenlah kataNa

 Minter k’rina e bene

 Perobahi ukurta

 Pakelah pedahNa e

 Ban lah Yesus man temanta

 Maka kita nggeluh dame

KEE NO.187

Gegeh kuasa kesah si Badia

1. Gegeh kuasa kesah si Badia

 I b’re Tuhan bangku tiap jam

 Kata wari pe i temaniNa

 IidahNa kai pe si kuban

 Perdalanku pe ikawaliNa

 Setan iblis ipelawesNa

 Kuasa doni la ergegeh bangku

 Tuhan saja man ikutenku

2. Adi dua, telu kalak gia

 Tutus pulung ibas gelarNa

 Reh me Ia ku tengah-tengahna

 Sabab e nggo ipadankenNa

 O, Tuhan kupindo Kamlah saja

 Nemani geluhku tiap jam

 Amin tah kentisik saja gia

 La ateku areleka ras Kam

3. Tiap wari Tuhan kap ras aku

 PemereNa nge geluhku e

 IangkatNa adi guling aku

 TalukenNa iblis jahat e

 Malem kal ateku temaniNa

’keleng ate dem kap bas Ia

Tah ndekah tas kentisik pe gia

 La ateku sirang ras Ia

KEE NO.188

O Dibata Kam temanku

1. O Dibata Kam temanku

 Lalap geluhku e

 ApuliNdu kap pusuhku

 SampatiNdu aku pe

Tetap kel ukurku e

 Kam Dibata temanku

 Sedekah geluhku e

2. O, Dibata Kam temanku

 Ban kelengNdu e tetap

 Adi gulut pe ukurku

LayasiNdu aku kap

 Tetap kel ukurku e

 Kam Dibata temanku

 Sedekah geluhku e

3. O, Dibata Kam temanku

 KawaliNdu geluhku

Tah ku ja perdalanku

 Lalap itemaniNdu

 Tetap kel ukurku e

 Kam Dibata temanku

 Sedekah geluhku e

4. O, Dibata kam temanku

 Tentu aku la bene

 Lalap iteguNdu tanku

 Gelah ola celus pe

Tetap kel ukurku e

 Kam Dibata temanku

 Sedekah geluhku e

KEE NO.189

Kam o Yesus Tuhan kami

1.  Kam o, Yesus Tuhan kami

Tatap kami k’rina min

 Pulung k’rina m’riah kami

 Pasu-pasu gelah min

 Pegegehi tiap wari

 Alokenlah kami min

2. Kam o, Yesus tegu kami

 Maka ola lit bene

 Gelah tetap ukur kami

 Ngikutken dalinNdu e

 Di ras Kam o,

 Tuhan kami Bene me ukur ndele

3. Kam o, Yesus dalan kami

 Gelah kami terkelin

 Kam kap saja arap kami

 Seh lah peratenNdu min

 AlokenNdu toton kami

Tutus kami bas dahin

4. Kam o, Yesus guru kami

 Ajar min gelah

 Lah ertoto tiap wari

 Tetap kami tutuslah

 Kam dage ikutken kami

 Make Kata ras Pedah

KEE NO.190

Ola kal lupaken

1. aku Ola kal lupaken aku,

 o, Yesus Tuhan

 Amin mbue kal dosangku

 Masap k’rina ban

 Yesus, yesus,

 sampat akulah

 Bas Kam saja aku pulah

 Kep-kep aku lah

2. O, Tuhan bere KesahNdu

 Ku pusuhku e

 PengapulNdu e man bangku

 Ringan min i je

 Yesus, yesus,

 sampat akulah

 Bas Kam saja aku pulah

 Kep-kep aku lah

3. Aku jimpuh i lebe Bandu

Ban  tek aku pe

 ‘Di ras Kam la ku talu

Ban gegehNdu e

 Yesus, yesus,

 sampat akulah

 Bas Kam saja aku pulah

 Kep-kep aku lah

4. Adi aku ibas Tuhan

 Ukurku senang

 Gelah aku tetap tahan

 Aku pe menang

 Yesus, yesus,

 sampat akulah

 Bas Kam saja aku pulah

 Kep-kep aku lah

5. Ibas kegeluhen doni

 Tuhan si tetap

 Amin kai pe gia jadi

 Kam temanku kap

 Yesus, yesus,

 sampat akulah

 Bas Kam saja aku pulah

 Kep-kep aku lah

KEE NO.191

Iban kelengNdu e

1. Iban kelengNdu e

 Iban liasNdu e

 La aku bene

 Aku idilo Kam

 Bas lias ateNdu

 Ku surga e

2. Bujur ningkami ka

 Man baNdu o, Bapa

 Si mulia

Si mere dalan e

 Arah anakNdu e

 Kusurga e

3. Bahanlah min tetap

 Kam kukelengi kap

 Rasa lalap

 Senang geluhku e

 ‘Di tanNdu negu pe

 Ku surga e

4. Tergejap me

 tuhu Penegu-neguNdu

 Senang aku Mejuah-juah me

 Ras isi jabu pe LiasNdu nge

KEE NO.192

Meriah kita ras kerina

1. Meriah ras kita kerina

 Sipuji Dibatanta

 Perban lias ateNa e

 IsehkenNa banta pe

 Nggo pulung kita k’rina pe

 Ibas ingan enda

Ibas ingan enda

2. Dage gegehi bantalah

 Muji Tuhan perkuah

 Ibas keleng ateNa nge

 Seh banta keriahen e

Gundari subuk ras pagin

 Tuhu meriah min

Tuhu meriah min

3 Dage la hula lupa min

 Pehaga Dibatanta

 Alu perbahanenta kin

 Kelengilah pe temanta

 Ibas kegeluhenta e

 I babo doni e

 I babo doni e

KEE NO.193

‘Bas si nasa tinepana

1. ‘Bas si nasa tinepaNa

 Tetap k’rina rende t’rus

 ‘Nde-enden pujin badia

 Muji gelar Penebus

 Gloria

 Muliaken Tuhan!

 Gloria

 Muliaken Tuhan!

2. ‘Bas ingan si meganjangnas

 Bala Tuhan si surga

 Rende m’riah ia k’rina

 Man Tuhan penebusta

Gloria

 Muliaken Tuhan!

 Gloria

 Muliaken Tuhan!

3. K’rina ginemgem Dibata

 Pehaga si Tubuh e

 Surga doni rende ia

 K’rina alokenNa pe Gloria

 Muliaken Tuhan!

 Gloria

 Muliaken Tuhan!

KEE NO.194

Senang adi ras Yesus

1. Senang adi ras Yesus

 Malem ateta pe

 Si dahilah penebus

 Je dat kita dame e

 Begiken pendiloNa

 Marilah kam kerina

 Si latih bas geluhna

 Maka kam senang ka

2. Senang adi ras Yesus

 Malem ateta pe

 Alu ukur si tutus

Si ikutkenlah dage

 Tah kai pe si terjadi

Lit me kap sinampati

 Araplah I adage Tetaplah ukur e

3. Mari sidahi Yesus

 Berkatlah ras ku je

Ukurta tetap njulus

 Ndahi kesenangen e

Enggo me isikapken

 Banta kap ingan e

Je ingan si muliana

 Otalah ras ku je

KEE NO.195

Ise nge ndia si banci nampatisa

1. Ise nge ndia si banci nampatisa

 Latih i doni ukur gulut mesera

Mari dahi Ia kam si latih ras beraten

 Adi ras Yesus bene me kiniseran

2. Ku ja nge ndia perdalanen geluhku

 La kap ku jumpa ingan cio cilinggem

 Yesus nge kap permakan si tuhu-tuhu

Man baNa saja ngenca kita ernalem

3. Melala kal jumpa aku keguluten

 Ise kin ndia banci si mulahisa

 Ibas Tuhan Yesus ngenca lau kegeluhen

Si banci pesenangken ukurta k’rina

4. Erbage-bage bangku reh kebiaren

 Si kin atena aku italukenna

 Yesus me kap terang si naluken kegelapen

 Lanai kap mbiar aku bas geluh enda

KEE NO.196

Pujilah Dibata

1. Bapa Pujilah Dibata Bapa

Pujilah man AnakNa

 Pujilah Kesah Badia

Dibata telu sada

 Haleluya, haleluya!

 Dibata telu sada

2. Pujilah man Raja surga

Tuhan si sembah kita

 Pujilah man Raja G’reja

 Bangsa doni kerina

 Haleluya, haleluya!

 Bangsa doni kerina

3. Puji Raja kekelengen

 Si nebusi dosanta

BaNalha si persembahken

 K’rina kegeluhenta

 Haleluya, haleluya!

 K’rina kegeluhenta

4. Puji alu ukur tutus

 Bulat dage ukurta

Tuhan si jadi Penebus

 K’rina anak Dibata

 Haleluya, haleluya!

 K’rina anak Dibata

KEE NO.197

Kesah Tuhan nusurlah

1. Kesah Tuhan nusurlah

Kubas perpulungenNdu

 Ukurna petetaplah

 Ernalem saja baNdu

 IdiloNa perdosa

 Nina kap man bana

 “Kam si latih ras mberat,

 Aku bandu Penampat”

2. Kesah Tuhan erdilo

Ibas dalin mesera

 Adi aku terpanto

 Bas dalin geluh enda

 Lalap kap daramiNa

 Aku ilebuhiNa

 “Kam si latih ras mberat,

 Aku bandu Penampat”

3. Kesah Tuhan bengketlah

 Kubas pusuh kami e

 La lit gegeh la kesah

 Ngasup Kam nampati pe

 Tangkas sorapendilo

 Tangkas kapen erdilo

 “Kam si latih ras mberat,

4.  Aku bandu Penampat”

 Kesah Tuhan erkuasa

 La tersipati kita

 Arah e pe Dibata

 Nemani geluh enda

 Mari oge pustaka

Je ngerana Dibata:

“Kam si latih ras mberat,

 Aku bandu Penampat”

KEE NO.198

O Tuhan tuduhken bangku

1. O Tuhan tuduhken bangku

 Apai dalan geluhku

 Sinalsal kekelengenNdu

 Jadi min ikutkenku

 Rehlah min kesah Badia

 Bengekti kami k’rina

 ‘Di kuja perdalan gia

 Kam Tuhan ngkawalisa

2. Mbue si erlebuh bangku

 Maka aku min nilah

 Tapi nggo tetap ukurku

 Kam me kuikutkenlah

 Ibas paksa aku kote

 Pegehi aku min

 KataNdu gelah kupake

 Maka aku terkelin

3. O, Tuhan mekatep tuhu

 Celus aku, gulung pe

 Je minter dudurken tanNdu

 Gelah aku la bene

 Yesus gelarNdu kulebuh

 Sampat aku o, Tuhan

 Ibas tanNdu aku nggeluh

 Jadilah bage min ban

4.  Tah suari berngi gia

 Amin japa kami pe

 Tentu me idahNdu k’rina

 Kai si bahan kami e

AjariNdu kami enda

 Pasu-pasu gelah min

 Malem ate kami k’rina

 Man baNdu tama pujin

KEE NO.199

Senang gundari geluhku

1. Senang gundari geluhku

Ban Tuhan negu langkahku

 Ku japa pe perdalanku

 Tetap tanNa gelemenku

Tuhan nemani geluhku

 CikepNa tanku meteguh

 Dibata pengendesen ku

 Ibas tanNa aku nggeluh

2.  Tah paksa berngi si gelap

 Tah paksa g’luhku la sikap

 Man baNa ernalem

 KataNa lalap kugelem

Tuhan nemani geluhku

CikepNa tanku meteguh

Dibata pengendesen ku

Ibas tanNa aku nggeluh

3.   Pengajuk erta doni e

Ngerintak aku lah bene

 Tapina megenggeng aku

 La sambar kinitekenku

Tuhan nemani geluhku

 CikepNa tanku meteguh

 Dibata pengendesen ku

 Ibas tanNa aku nggeluh

4.  La kusumpahi geluhku

 Aminna kurang bas aku

 Ernalem ras ngarap baNa

 B’rekenNa me erta surga

Tuhan nemani geluhku

CikepNa tanku meteguh

Dibata pengendesen ku

Ibas tanNa aku nggeluh

5. ‘Di mate tah nggeluh gia

Kam Tuhan me netapkenca

 La lit ngasup ngolangisa

 ‘Di akapNdu nggo paksana

Tuhan nemani geluhku

CikepNa tanku meteguh

Dibata pengendesen ku

Ibas tanNa aku nggeluh

KEE NO.200

O Tuhanku babai min dalanku

1. O, Tuhan babai min dalanku

‘bas doni Labuh ras la kesah gegehku

SoraNdu terbegi man bangku nemani

Lalap Kam me kuban temanku

2. O, Tuhan sampatlah Geluhku gundari

Ola Kam erleka ras aku Kawali geluhku

Suari ras berngi

Lalap Kam  me kuban temanku

3. O, Tuhan bengketi

Pusuhku min gelah

Maka kualoken kataNdu

PedahNdu lalap min

Kugelem la pulah lalap

Kam me kuban temanku