KEE NO. 301 - 350

KEE NO. 301

“ NGGO SIKAP KAMI K’RINA “

1) Nggo sikap kami k’rina, ndehkehken kataNdu

KesahNdu si Badia, nampati anakNdu

PedahNdu kp gegehku bagepe tendingku

Penampat bas geluhku, ndat kepentarenNdu

2) Pengasup kami k’rina ndengkehken kataNdu

Lah tutus megikenca ajar ras pedahNdu

Kula tendingku ngada ku kam o Tuhanku

kataNdu kap o Bapa pematang geluhku

3) AjariNdu o Bapa si nehken kataNdu

Gelah ukur ras kata sentudu pedahNdu

Pelikas pe kerina arah serayanNdu

Gelah min kami k’rina dat gegeh si mbaru

KEE NO. 302

“ NGINGET PERKUAH DIBATA SI MBELIN “

1) Nginget perkuah Dibata si mbelin

Si isehkenNa man banta k’rina kin

Ibas kerina dampar kegeluhen

I doni s idem alu keguluten

Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

2) Sabab bage me arusna kita kin

Ersembah man Dibatanta si mejin

Si nggo m’reken man banta manusia

Keg’luhen si mehuli ras badia

Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

3) Marilah k’rina si puji Dibata

Janah sipeteruk k ape ukurta

Alu bage si dat sura-suraNa

Kai si mehuli ras ngena ateNa

Endeskenlah kulanta man Dibata

Kerinana si lit ibas geluhta

Selaku persembahenta si nggeluh

Em persembahen si ngena ateNa

KEE NO. 303

“ O YESUS, KAM TERANG GELUHKU “

1) O Yesus, kam terang geluhku

Kam me singkelini tendingku

La kap lit si man kebiarenku

O Yesus Kam me kap bentengku

Emakana la lit gentarku

Amin lit sijahat nderpa aku

O, Bapa dengkeh pemindonku

La kap sada sura-surangku

Atan min aku ibas RumahNdu

Sedekah geluhku

2) O, Yesus Kam terang geluhku

Kam me si engkawali aku

Ibas paksa lit kesusahenku

O, Yesus ajari min aku

Gelah nggeluh ngikut p’ratenNdu

Arah dalan salang babai aku

O, Bapa dengkeh pemindonku

La kap sada sura-surangku

Atan min aku ibas RumahNdu

Sedekah geluhku

3) O, Yesus Kam saja ku sembah

Sabab Kam Kap si mada kuasa

Ibas surge bage pe i doni

O Yesus surak m’riah aku

Kudesken me persembahenku

Pengataken bujur bas RumahNdu

O, Bapa dengkeh pemindonku

La kap sada sura-surangku

Atan min aku ibas RumahNdu

Sedekah geluhku

KEE NO. 304

“ O TUHANKU O DIBATANGKU “

1) O, Tuhanku o, dibatangku

Rusur aku nimbak pedahNdu

Nggo meluat krina geluhku

Labo dame banna pusuhku

2) O, Tuhanku o, dibatangku

Kutungkungken ukurku baNdu

Ras mekuah ateNdu aku

Sasapkenlah salah dosangku

3) O, Tuhanku o, dibatangku

Kuikutken pedah-pedahNdu

Ras pembarken kinirajaNdu

Janah tetap jadi saksiNdu

4) O, Tuhanku o, dibatangku

Sehken kami bujur man bandu

Mbelin tuhu kekelengenNdu

Ermulia tetap gelarNdu

5) O, Tuhanku o, dibatangku

Kam kap lalap penalemenku

Ras kupuji tetap gelarNa

I bas gedang-gedang geluhku

KEE NO. 305

“ O TUHAN KAM ME PENAMPAT “

1) O, Tuhan kam me penampat Ibas geluhku

O, Tuhan kam me cicionku Bas aru ateku

Angina meter udan meder Kam me kubungku

O, Tuhan Kam me ikutenku Se gedang geluhku

2) Enterem imbang-imbangku bas pertibi e

Si atena nirangku ras Kam kap Tuhanku

Kawali min, cikeplah min, lah la ku bene

O, Tuhanku Kam me pengarapen segedang geluhku

KEE NO. 306

“ O KAM TINEPA DIBATA “

1) O Kam tinepa Dibata

Si mada kuasa pujilah

Haleluya, Haleluya

Matawari ersinalsal

Krina teridah merandal

Rasa lalap puji Tuhan

Haleluya, Haleluya, Haleluya

2) Cahar warina si salang

Sora perkas la teralang

Haleluya, Haleluya

Erkire embun meganjang

Lembus angina silumang

Rasa lalap puji Tuhan

Haleluya, Haleluya, Haleluya

3) Maler me lau meciho

Mahan muas jadi mburo

Haleluya, Haleluya

Api gurlah la teralang

Sekelewat jadi terang

Rasa lalap puji Tuhan

Haleluya, Haleluya, Haleluya

4) Mari sipuji Tuhanta

Mbelin kepe kuasaNa

Haleluya, Haleluya

Mulia kapen gelarNa

T’ridah arah tinepaNa

Rasa lalap puji Tuhan

Haleluya, Haleluya, Haleluya

KEE NO.307

“ O TUHANKU KAM KAP PERMAKANKU “

1) O Tuhanku Kam kap permakanku

Emakala kekurangen aku

Ku mbal-bal m’ratah aku babaNdu

I pesenang-senangNdu geluhku

Permakanku si njayam geluhku

Malem ateku senang tuhu

KelengNdu tetap maler man bangku

Kam me Tuhanku, Permakanku

2) IteguNdu kempak lau si maler

IbahanNdu ateku nggo malem

E maka tedeh ate tendingku

Kempak keg’luhen si sikapkenNdu

Permakanku si njayam geluhku

Malem ateku senang tuhu

KelengNdu tetap maler man bangku

Kam me Tuhanku, Permakanku

3) Amin aku bas kelbung si gelap

Arapenku man Tuhan e tetap

La nai mbiar ndalani geluh e

Sabab Tuhan e temanku jine

Permakanku si njayam geluhku

Malem ateku senang tuhu

KelengNdu tetap maler man bangku

Kam me Tuhanku, Permakanku

KEE NO. 308

“ PUJI TUHAN HALELUYA “

1) Puji Tuhan haleluya

Wari enda wari Dibata

Pulung kita k’rina jenda

Rende nembah muji gelarNa

Haleluya, Haleluya

Puji gelarNa

Haleluya, Haleluya

Puji gelarNa

2) Asa Kristen japa gia

Puji Tuhan si perkeleng e

Ia si nangtangi kita

I bas kuasa si gelap e

Haleluya, Haleluya

Puji gelarNa

Haleluya, Haleluya

Puji gelarNa

3) Dage mari kita k’rina

Ralep-alep muji gelarNa

Ia si ndarami kita

Si mbabai kita ku surge

Haleluya, Haleluya

Puji gelarNa

Haleluya, Haleluya

Puji gelarNa

4) Nggo sasapken dosanta

Katakenlah bujur man baNa

Adi ia penggurunta

IbahanNa malem ate

Haleluya, Haleluya

Puji gelarNa

Haleluya, Haleluya

Puji gelarNa

5) Ola nai dua ukurta

Ikutkenlah Tuhan Yesus e

Sipesikaplah pusuhta

Dame nari si k’rajangta

Haleluya, Haleluya

Puji gelarNa

Haleluya, Haleluya

Puji gelarNa

KEE NO. 309

“ PENGASUP KAMI O TUHAN “

1) Pengasup kami o Tuhan

Gelah pedahNdu banci idalanken

Em kap tending kami bas kegeluhen

KataNdu si man gelemen

Gelah tangkas kata ras perbahanen

Ban kami tetap bas kebujuren

SurgaNdu kap perayaken

2) Temani kami o, Tuhan

Bengket ku doni si dem keguluten

SampatiNdu kami lako naluken

Dosa si man sirangken

E maka ola kal kami tadingken

I bas kami ndalani kegeluhen

G’lah dat kami kemenangen

3) Kawali kami o, Tuhan

Alu gegeh ras kuasaNdu si mbelin

Olangilah kami idur si setan

Si atena encedaken

DameNdu gelah tetap kuarapken

Ban kelengNdu ngenca kap kami atan

Bengket ku bas kesangapen

KEE NO. 310

 “PUJILAH MIN DIBATA “

1) Pujilah min Dibata

Puji gelarNa si badia

I bas Kristus nggo si idah

Dibata jine siperkuah

Langit ras doni rendelah

Mungkuk erjimpuh nembahlah

Pasu-pasuNa kap mbelin

Keleng ateNa la erkerin

2) O, doni k’rina, suraklah

Tuhan Dibata pujilah

Rikut kulcapi ras gendang

Sampur meriah la teralang

KEE NO. 311

“ PUJILAH TENDINGKU “

1) Pujilah tendingku, puji Tuhan

Segedang-gedang geluhku

Ateku ersembah rasa lalap

Ban keleng ateNdu tetap

I jujuriNdu geluhku

Dage ku puji Kam Tuhan

Haleluya !Haleluya !

2) Ola ernalem ku doni enda

Sia-sia me jadina

Di dolat doni kentisik ngenca

Masap nge pagi krinana

Kula manusia masap

Dibata saja si tetap

Haleluya !Haleluya !

3) Kam me kap o, Tuhan Penampatku

Malem kal ateku banNdu

IbegikenNdu kap pertotonku

Sebab setia Kam tuhu

Kam kap si nepa k’rinana

Kam me tetap si njayamsa

Haleluya !Haleluya !

4) Pusuh si getem e iapuli

Si kelehen ibesuri

Kalak si pentang pe erpengidah

Kalak tertaban pe pulah

Bage me lias ateNdu

Terpujilah kuasaNdu

Haleluya !Haleluya !

KEE NO. 312

“ PERMAKAN K’RINA BIRI-BIRINGKU “

1) Permakan k’rina biri-biriNgku

Bagem pedah Tuhan man banta k’rina

Emaka serayan i tangkuhkenNa

Gelah bas nehken pedahNa la leja-leja

Keleng kal tuhu ate Tuhan rarasenNa

Kerina serayanNa pe ikawaliNa

Kita kerina pe ikut numpak-numpaksa

2) Jagailah dirindu ras rarasanNa

Bage pe k’rina kalak si ‘ndeskenNa

Enggo itebusNa alu darehNa

Keleng ateNa kap si ngkelini geluhta

Keleng kal tuhu ate Tuhan rarasenNa

Kerina serayanNa pe ikawaliNa

Kita kerina pe ikut numpak-numpaksa

KEE NO. 313

“ PULUNG M’RIAH KAL KAMI KERINA “

1) Pulung m’riah kal kami kerina

Jumpa i bas rumah si Badia

Reh min Kam o, Bapa si Mulia

G’lah kerina Badia jadina

Sal-Sali pusuh kami

Layasi ukur kami

Pengarapen reh teguhna

Kiniteken reh paguhna

2) Wari ras berngi nggo ibentasi

Keleng ateNdu tetap nemani

I bas mberat Kam lalap nampati

I bas susah Kam si ngelayasi

Sal-Sali pusuh kami

Layasi ukur kami

Pengarapen reh teguhna

Kiniteken reh paguhna

KEE NO. 314

“ REHLAH MIN KESAH BADIA “

1) Rehlah min Kesah Badia

Demi pusuhkami enda

Bahan ukur kami salang

ngaloken Kata Dibata

Gelah kami k’rina enda

Dame mriah ras badia

2) Di KesahNdu nggo ngiani

K’rina kap nggo ilayasi

Kiniteken tetap paguh

Tendi kami pe terasuh

G’luhken kami si mehuli

G’larndu pe tetap terpuji

KEE NO. 315 “ SIMPAR TUHU PEMERENDU “

1. Simpar tuhu pemereNdu

JujurkenNdu kap man bangku

Ermengkah kal ukurku

La ‘ku lupa lias ateNdu

Reff :

AlokenNdu o, Tuhanku

Persembahen anakNdu

Usekenlah pasu-pasu

Peteguhi perpulungenNdu

2. Benih si isuan kami

E pe kap i bas Kam nari

kuasaNdu mahanca turah

kuasaNdu mahanca erbuh

Reff :

3. BreNdu kami kepentaren

H’lah nirangken kepapaken

Ajar kami kebujuren

Maka pinter ka perukuren

Reff :

4. M’lala denga man sampaten

Nterem denga man apulen

B’reNdu kami kengasupen

‘Lah kami sikeleng-kelengen

Reff :

5. Si tading bas kami enda

BanNdulah erlipat ganda

Kami k’rina reh ngasupna

Ndahiken dahin si mulia

Reff :

KEE NO. 316

“ SEH KAL SIMPARNA PEMERENDU “

1. Seh kal simparna pemereNdu, o Tuhan

Mejuah-juah kerina ibas jabu

La lit si magin, pinakit la ertahan

Ngataken bujur pusuh kami man baNdu

2. Nggo kap mbuah bage page si nisuan

Janah pe merih bage manuk niasuh

Ajari kami ersembah baNdu, Tuhan

Lah malem ate ras dame i bas pusuh

3. Di kiniteken erbuah bas perlagu

Bas engkelengi min ola kita medu

Bas si mehuli lalap min kiita mbaru

Tuhan Dibata tetap si masu-masu

KEE NO. 317

“ SIPUJI TUHAN ARAH GELUHTA “

1. Sipuji Tuhan arah geluhta

Si inget tetap ngaruhna banta

Ban k’leng ateNa

Nebusi kita terkelin kita si tek man Bana

2. Segedang g’luhta inget Dibata

Bas k’rina paksa ngaraplah baNa

Tetap ukurta rembak ras Ia

Erban si r’guna ula erleja

3. Reh pendungina wari-warinta

Lit kap paksana reh me Tuhannta

Ipepulungna kerina jelma

Kita si s’tia malem ateta

KEE NO. 318

 “ SENDAH WARI PASKAH “

1. Sendah Wari Paskah meriah ukurta

Yesus enggo keke tangkas kuasaNa

Sendah Wari Paskah malem kal ukurta

Yesus kap enggo keke naluken si gelap

Reff :

Surak Haleluya Surak Haleluya

Ban Yesus nggo menang

Kita pemenang

2. Sendah wari Paskah kuasa Tuhan t’ridah

Yesus pengarapen Ia penalemen

Kita nggi terkelin lias ateNa mbelin

Si Iblis enggo talu dat gegeh si mbaru

Reff :

3. Wari Paskah enda, pulung kita jenda

Talu kuasa gelap kita enggo sangap

Tetap kap ukurta, segedang umurta

Yesus me kap temanta, meriah ukurta

Reff :

KEE NO. 319

“ SADA SORANTA MUJI DIBATANTA “

1. Sada soranta muji Dibatanta

Ia jine si njayam keg’luhenta

Lalap ia ‘ngkelengi tinepaNa

Maler me kap tetap pasu-pasuNa

2. Sada soranta muji Dibatanta

S’lamat kita ban perkuah ateNa

AlokenNa kita jadi anakNa

Maler me kap tetap pasu-pasuNa

3. Sada soranta muji Dibatanta

Lit perbeben b’rekenNa dalan pulah

G’lah min kita enda jadi erbuah

Maler me kap tetap pasu-pasuNa

4. Sada soranta muji Dibatanta

Kesah Tuhan nemani bas ersaksi

Pengasupna kita e ngelayasi

Maler me kap tetap pasu-pasuNa

KEE NO. 320

“ SUSAH ENTAH SENANG GIA “

1. Susah entah senang gia ibas geluh enda

Amin kita bas perbeben Ernalem man baNa

Nggeluh bas Tuhan malem ateta

Sibegiken pedahNa

Pindo gegeh ras pasu-pasuNa

ibrekenNa man banta

2. Aminna latih mesera gegeh ib’rekenNa

Tetap ernalem man baNa kidekah geluhta

Mejingketlah ndahiken dahinNa

G’lah meriah ukurta

Sangap kalak si rembak ras Ia

Terpujilah gelarNa

KEE NO. 321

“ SISEMBAHLAH MIN “

1. Sisembahlah min Tuhan simbelin

Endekenlah min endenden pujin

Tuhan Dibatanta ingan cicio

Sembahlah Ia ola kita menggo

2. Sipembarkenlah kinimbisanNa

Sinalsal terang e me pakenNa

Megang soraNa bagi lenggur kepe

Kalisung-sung e pe ibentasiNa

3. Seh kal ulina penjayamenNdu

Terang ras gelap e nuduhkenca

Udan ras lego k’rina ndatkenca

Kuasa kekelengenNa mbelin tuhu

KEE NO. 322

“SIPEMBARKEN B’RITA SI MERIAH “

1. Sipembarken b’rita si meriah

Sitertaban banci pulah

Sipentang jadi erpengidah

Rakatlah min ersembah

Rakatlah min ersembah

Perban lias ate

Tuhanku gegeh dosa enggo talu

Kuasa Kristus tangkas t’ridah

Rasa lalap pujilah

2. Sipembarken b’rita si meriah

Kuasa iblis talukenlah

Si metangkang min jadi robah

Ngasamken kuasa pedah

Ngasamken kuasa pedah

3. Sipembarken b’rita si meriah

Dibatanta si perkuah

Ib’reNa kita dalan pulah

Man baNalah ersembah

Man baNalah ersembah

Reff :

4. Sipembarken b’rita si meriah

B’linkenlah kiniulinNa

Geluh rasa lalap baginta

Tetap pujiken Ia

Tetap pujiken Ia

Reff :

KEE NO. 323

“ SURA-SURA DAGING LAWANLAH “

1) Sura-sura daging lawanlah tetap

Je ‘di la kam talu tambah gegehNdu

Sura-sra jahat simbaklah tetap

Ngaraplah man Yesus

Tentu kam menang

Reff :

Pindo gegeh man Tuhan

Gelah kam lalap paguh

Ib’reNa kita menang

Menehang ras senang

2) Tadingken si jahat, olangilah dosa

UkurNdu meciho la ercinengga

Pake kebenaren nggeluh bas terang

Ngaraplah man Yesus

Tentu kam menang

Reff :

3) Geluh si mulia ib’re Dibata

Man kalak si s’tia kinitekenna

Gelah Ia kam celus. Lit kap si natang

Ngaraplah man Yesus

Tentu kam menang

Reff :

KEE NO. 324

“ TUHAN KAP PENALEMENKU “

1) Tuhan kap penalemenku

Ia si njayam geluhku

Ia kap pe sekawalku

La nggo kekurangen aku

Reff :

Tuhan si mada sinasa

Tuhan saja si pehaga

Muliakenlah gelarNa

Mari puji sembah Ia

2) Kune jumpa si mesera

Kiniteken lab opera

Tetap aku sampatiNa

K’leng ateNa la erleka

Reff :

3) Nggo terkelin jine aku

Arah perkuah ateNdu

PeratenNdu kudalanken

G’luhku e kupersembahken

Reff :

KEE NO. 325

“TUHAN I TENGAH-TENGAHTA “

1) Tuhan i tengah-tengahta

M’reken pasu-pasuNa

Maler desken lau si mbelin

Lanai lit si terulin

Reff :

Usekenlah min KesahNdu

Temani geluh kami

Gegeh kami p’limbarui

K’rina jadi mehuli

2) Tuhan i tengah-tengahta

Reh riahna ukurta

Reh tenengna pertendinta

Reh damena pusuhta

Reff :

3) Reh tetapna me ukurta

Nehken sura-suraNa

Di ernalem la kap lupa

Ermulia Tuhanta

Reff :

KEE NO. 326

“ TUHAN, KELENGINDULAH “

1) Reff :

Tuhan kekelengindulah

Kristus, sampatiNdulah

Yesus, k’linilah kami

Pertibi enda seh kal rontangna

Dosa me si ncedai manusia

M’da nggel mesera eme peng’lakoNa

2) Reff :

La erp’ngarapen nterem kal tuhu

M’lihe ras musil ise nampatisa

‘Nterem mesera ise ngingetsa?

3) Reff :

Bayak namura nterem kal tuhu

Tapi mekatep serap ras temanna

Mbue si mate teridah medersa

4) Reff :

Mbue senjata munuh gunana

I jah i jenda seb’lang doni enda

Kai nge dagena erti geluh enda

5) Reff :

Yesus Tuhanku Juru S’lamatku

Dosa nggo masap i kayu silangNdu

Bas kekekeNdu atankeNdu aku

6) Reff :

Bahanlah kami jadi pendame

Guna pembarken KemulianNdu e

Tegulah kami ku bas k’rajanNdu

KEE NO. 327

“ TUHAN DIBATA SI NEMANI “

1) Tuhan Dibata si nemani

Seh jumpa ka kita pagi

Ia tetap singkawali

Tuhan Dibata si nemani

Reff :

Seh jumpa kita jumpa ka

Dibata si pejumpa kita

Seh jumpa kita jump aka

Dibata si pejumpa kita

2) Tuhan Dibata si nemani

Kabengna cilinggemenndu

PedahNa pangan tendindu

Tuhan Dibata si nemani

Reff :

3) Tuhan Dibata si nemani

Ibas ndele tah pe susah

Ia m’reken dalan pulah

Tuhan Dibata si nemani

Reff :

4) Tuhan Dibata si nemani

Kata Tuhan gelemenndu

Kematen pe banNa talu

Tuhan Dibata si nemani

Reff :

KEE NO. 328

“ TERUH KAYU SILANGNDU “

1) Teruh kayu silangNdu

Ku endesken geluhku

Lau sumbul kegluhen

Maler kap man bangku

Reff :

SilangNdu silangNdu

E kumuliaken

Seh ku surge ne pagin

Geluhku terkelin

2) Teruh kayu silangNdu

Tergejap kelengNdu

Desken bintang si terang

Si erbanca senang

Reff :

3) Teruh kayu silangNdu

LiasNdu kuinget

I bas dalin geluhku

KelengNdu tersinget

Reff :

4) Teruh kayu silangNdu

Tetap ‘ku ernalem

Seh ‘ku Surga me aku

Ateku pe malem

Reff :

KEE NO. 329

“TUHAN YESUS PENAMPATKU “

1) Tuhan Yesus Penampatku

Ia penalemenku

Kuikutken me dalanNdu

Kam me kegeluhen

Reff :

Teneng tetap tendingku

Paguh kinitekenku

Lanai lit kebiarenku

Tan Tuhan ku me negu

2) Tuhan Yesus Penampatku

Kam me kapen gegehku

layasiNdu kap ukurku

La teralang uliNdu

Reff :

3) Tuhan Yesus Penampatku

Nimbak praten dagingku

Suari berngi Kam kulebuh

Pengarapenku nteguh

Reff :

4) Tuhan Yesus Penampatku

Seh kedungen geluhku

Lah pusuhku tetap mambar

B’lin liasNdu ku palar

Reff :

KEE NO. 330

 “ TUHAN, KAM ME SI PERMAKAN “

1) Tuhan, Kam me si Permakan

Kami biri-biriNdu

Kami tetap kap nggejapken

B’linna keleng ateNdu

Tuhan Jesus, Juru S’lamat

Kami si k’rajangenNdu

Tuhan Jesus Jurus S’lamat

Kami si k’rajangenNdu

2) Kam Pengawal si setia

Kam sekawal geluhku

Kam pedauhken k’rina dosa

Ndilo Kalak si lalar

Tuhan Jesus Juru S’lamat

Ngendesken kami man Bandu

Tuhan Jesus Jurus S’lamat

Ngendesken kami man Bandu

3) PadanNdu ngaloken kami

Gia m’luat erdosa

Perdosa iurasiNdu

Dingen ipulahiNdu

Tuhan Jesus Juru S’lamat

Kam me Raja Penampat

Tuhan Jesus Juru S’lamat

Kam me Raja Penampat

KEE NO. 331

“ TEGU AKU ANAKNDU “

1) Tegu aku anakNdu

Bas perdalan geluhku

Di aku paksa labuh

Ambatilah musuhku

Reff :

Tegu aku

Ibas perdalanenku

Kam me ngenca kulebuh

cikepNdu tanku nteguh

2) Kam bentengku si paguh

Gia musuhku ngupuh

Amin mar ape nderpa

La aku bera-bera

Reff :

3) Seh de paksa sipatku

Tuhan tetap temanku

Lalap malem ateku

Kam ngenca penampatku

Reff :

KEE NO. 332

“ TOTONTA BEGIKENNA “

1) Totonta begikenNa

Keleng ateNa kita

Ertoto isuruhNa

Em si ngena ateNa

2) Mbelin kal kuasaNa

Ras perkuah ateNa

Sipindo si erguna

Lah terpuji gelarNa

3) Mberat itindih dosa

Kam min si nampatisa

Melikas ban darehNdu

Tuhu terkelin aku

4) Useken min dameNdu

Kuasai lah geluhku

Kam me ulu geluhku

Tuhan kap Penebusku

5) Iban keleng ateNdu

Sikap tetap jingkangku

Gelah seh ku rumahNdu

Kam tetap penatahku

6) Peteguhi tendingki

JanggaiNdu pe kulangku

Nggeluh tah mate aku

K’rinalah man gunaNdu

Krinalah man gunaNdu

KEE NO. 333 “ TUHAN E TUHU MELIAS “

1) Tuhan e tuhu melias

Perkuah Ia rbanca kita mejuah-juah

Ia me si erbanca ukur si m’riah

Yesus e si njadiken kita ‘rbuah

2) Yesus e teman nggeluh suari-berngi

KuasaNa labo kapen tersibari

BiakNa bali me kap nderbih gundari

Yesus e si nampati ras ngkawali

3) Ersaksi kita kerina o, teman

Turiken kebenaren kata Tuhan

Terkelin kerina si nggit ernalem

Tuhu kal kita jumpa ate malem

4) Kita enda k’rina teman Dibata

KataNa sipakeken bas geluhta

Kita enda k’rina t’rang doni enda

Kita enda erguna man temanta

5) Sitegu k’rina temanta si kote

Sibaba ku Tuhan ukurna jore

Darami biri-biri la bas karang

Taruhken ku rarasen jumpa senang

6) Apulilah teman si ‘rceda ate

Terapuli pusuhna si getten ndube

Si tatang-tatangen bas geluh enda

Megegeh jadina kita kerina

7) DameNa ijujurkenNa man banta

Malemkal ateta jine ibanNa

Simpar kal pasu-pasu b’reNa banta

Tuhan e ulu k’rina si erguna

KEE NO. 334

“ TUHAN KAP SI EMPUNA GELUHTA “

1. Tuhan kap si empuna geluhta

Gegehta Ia si merekenca

Kiniteken peras pemetehta

E pe ia si njujurkenca

Ia kap erbanca kita sangap

Tetaplah man Ia kita ngarap

Di reh susah breNa serpang pulah

Tendi kula mejuah-juah

2. Dage tetaplah bulat ukurta

Geluhta pe lalap min erguna

Lagu langkah pe la sia-sia

Gelar Tuhanlah ermulia

Adi jumpa kita si mesera

Pengarapen ula kal min pera

Kune riah ukur kita jumpa

Nehken bujur ula kal lupa

KEE NO. 335

“ TUHANKU SI NGATURKENCA “

1. Tuhanku si ngaturkenca

Tuhanku si ngajarisa

Tuhanku jadi gurungku

Ibas kerina geluhku

2. La lit ngasup la gegehku

Ndalani wari-waringku

Tundalenku kap Dibata

Si perkuah ras erkuasa

3. Kune lit percuban ngupuh

Minter Tuhan si kulebuh

Lah aku ipegegehi

Si jahat pe kusilahi

4. Mbue gia perbebenku

Kempat Tuhan aku ngadu

Keleng kap atena aku

dengkehkenNa pertotonku

KEE NO. 336

“ TUHAN SI NEMANI GELUHKU “

1. Tuhan si nemani geluhku

Bas paksa susah tah senang pe

Enggo tetap kal mejingkangku

Perban Yesus penampatku pe

2. Tuhan si nemani geluhku

Bas paksa sakit tah sehat pe

Keleng ateNa mbelin tuhu

Pasu-pasuna tangkas jine

3. Tuhan si nemani geluhku

Bas paksa tangis tah m’riah pe

Saber ras megenggeng me aku

Pusuhku nggo malem ras dame

KEE NO. 337

“ TUHAN YESUS KAP DALANNA “

1. Tuhan Yesus kap dalanNa

Ku bas Surga rumah Bapa

La lit si deban sekatan Ia

Si mabai kita ku bas kemulianNa

Gelah tetap kita ras Ia

2. Tuhan Yesus kap gurunta

Si ngajari kita k’rina

Alu kuasa bage pe KesahNa

IbabaiNa ku bas kebenarenNa

Gelah rembak kita ras Ia

3. Tetaplah kinitekenta

Seh ku bas ujung geluhta

Mbelin me kapen perulihenta

Ndatken rudang kegeluhen mulia

Mulia kapen rasa lalap

KEE NO. 338

“ ULU TUAH KAM KUSEMBAH “

1. Kam kusembah, ulu tuah, ajar aku megelah

Lah nurihi pujin kami, lalap la ‘rngadi-ngadi

Lias ras keleng ateNdu jujurkenNdu man bangku

Nteguh paguh la terundu kuasa ras muliaNdu

2. Tetap aku daramiNdu ban tedehNdu man bangku

Suari berngi ijagaiNdu, mbelin kal ke- k’lengenNdu

Di reh susah ndumpang aku erlebuh aku banNdu

Minter nusur penampatNdu erban teneng tendingku

3. Pasu-pasu surge nari kugejap tiap wari

Kepentaren berekenNdu nehken sura-suraNdu

PakekenNdu lah min aku jadi persuruhenNdu

Jenda aku, suruh aku nehken kekelengenNdu

KEE NO. 339

“ WARI ENDA WARI BADIA “

1. Wari enda wari Badia

Wari meriah jumpa ras Dibata

Gia melalanduu be dahinta

Nembah man baNa ula kita lupa

Reff :

Wari-warinta Tuhan empuna

Geluhta pe Ia kap si njayamsa

Geluhta pe Ia kap si njayamsa

2. Melala gia dahin ertima

Tedeh ateta jumpa ras Dibata

Si rnalem baNa isampatiNa

Malem nanamna di rembak ras Ia

Reff :

3. Latih susah lit tapi wari

Tuhan perkuah sikap ngelayasi

K’rina si nasa I empuna

Si ‘ndesken baNa ukur ras geluhta

Reff :

KEE NO. 340

“ YESUS, KAM TUHANKU “

1. Yesus, Kam Tuhanku

Kristus Penebusku

La tersipat i k’leng ateNdu

I persembahkenNdu

Dareh ras kesahNdu

Em lako nebusi dosangku

2. Amin Kam mulia

Dingen erkuasa

Tapi meteruk kal ukurNdu

Kam iuru-uru

E pe igengkenNdu

La sitik pe isubukiNdu

3. Yesus Kam Gurungku

AjariNdu aku

‘Lah ngasup ‘ngkelengi imbangku

Kam me usihenku

Kam me penampatku

‘Lah ngasup mersan persilangku

KEE NO. 341

“ YESUS TUHANKU, KAM ULU GELUHKU “

1. Yesus Tuhanku Kam ulu geluhku

Yesus Tuhanku Kam ulu geluhku

Mambur darehNdu si murih i dosangku

BrekenNdu bangku g’luh si tuhu-tuhu

Geluh simbaru simpar pasu-pasu

Geluh simbaru simpar pasu-pasu

2. Gelah geluhku damai ras badia

Gelah geluhku damai ras badia

Kesah Tuhan si ringan njagaisa

‘Di mara nderpa mberat ras mesera

Ukur la pera, saber la kutera

Uku la pera, saber la kuture

3. Kerajaan Surga ras kebenarenNa

Kerajaan Surga ras kebenarenNa

Tetap erpala me aku ndaramisa

Ukur si jahat tetap kuolangi

Erta doni enda la kal kumorahi

Erta doni enda la kal kumorahi

KEE NO. 342

“ YESUS LAPE-LAPE TENDINGKU “

1. Yesus lape-lape tendingku

Ia njagai kita

Mberat pe si man tangkelenta

Ia njagai kita

Reff :

Tuhan njagai kita

Paksa senang tah mesera

I a njagai kita Tuhan njagai kita

2. I bas melala perbebenta

Ia njagai kita

Dalan gelap arah lebenta

Ia njagai kita

Reff :

3. Adina reh kenca percuban

Tuhan njagai kita

Amin gia taneh meturben

Tuhan njagai kita

Reff :

4. Ia me si njayam geluhta

Tuhan njagai kita

Pertotonta ibegikenNa

Ia njagai kita

Reff :

5. Anem sidauhen inganta

Tuhan njagai kita

Ernalem tetap man Dibata

Tuhan njagai kita

Reff :

KEE NO. 343

PASU-PASU BAS TUHAN NARI

1. Pasu pasu bas Tuhan nari

Gejapken kami tep-tep wari

Bas paksa paksa geluh kami

Kam me kap tetap singkawali

Pasu-pasu bas Tuhan nari

Jadi pergegeh tendi kami

Guna ndalani wari-wari

Si rehna bas kam Tuhan nari

Pasu-pasu dage O Tuhan

Persembahen kami anak-Ndu

Labo kapen enda metunggung

Persembahen si nggopepulung

AjariNdu pe kami gelah min

Tetap ngasup mbere man Tuhan

2. Buaten lit kami O Bapa

Gejapken kami kamEmpuna

Tanda ukur kami meriah

Endesken kami banNdu Bapa

Persembahenenda O Bapa

Ndesken bunga ncole merimna

Persembahen ateNdu ngena

Bage lah akap Ndu O Bapa

Pasu-pasu dage O Tuhan

Persembahen kami anak-Ndu

Labo kapen enda metunggung

Persembahen si nggo pepulung

AjariNdu pe kami gelah min

Tetap ngasup mbere man Tuhan

3. Aloken min dage O Tuhan

Persembahen kami anak-Ndu

Labo ban beluh kami Tuhan

Lako mere kuadepen-Ndu

Pakeken min dage O Tuhan

Persembahen kami anak-Ndu

Gunapebelangken kata-Ndu

Nandangikrinatinepa-Ndu

Pasu-pasu dage O Tuhan

Persembahen kami anak-Ndu

Labo kapen enda metunggung

Persembahen si nggo pepulung

AjariNdu pe kami gelah min

Tetap ngasup mbere man Tuhan

KEE NO. 344

Kam O Yesus juruslamat

1. Kam O Yesus juruslamat

Sampat kami geNduari

Pulah ibas dosa nari

Si naban kami e

Tergejab latihna

Nggeluh ibas dosa

Lanai kami ngasup

'Rdalan ibas gelap

Ku kam juruselamat

Ku pindo penampat

Gelah kami pulah

Ibas dalin mberat

2. Kam O Yesus si perkuah

SampatNdu kami gelah

Bas ndarami dalan pulah

Sampat kami gelah

KEE NO. 345

Nggo Kami Sikap Ndengkeh KataNdu

1. Nggo kami sikap ndengkeh kataNdu

Tuhan ng’ranalah

nggo kami sikap megi kataNdu

Tuhan ng’ranalah

Sehken kataNdu man kami min

arah kemahenNdu

sehken pedahNdu man kami kin

arah kemahenNdu

2. Merincuh kami ndengkeh kataNdu,

Tuhan ng’ranalah.

Man tendang kami bas kegeluhen

Tuhan ng’ranalah

Sehken kataNdu man kami min

arah kemahenNdu

sehken pedahNdu man kami kin

arah kemahenNdu

3. Kam si pepanken kataNdu jine

Tuhan sampatlah

Kesah Badia ngajari kami

Megi kataNdu

Sehken kataNdu man kami min

arah kemahenNdu

sehken pedahNdu man kami kin

arah kemahenNdu

KEE NO. 346

Endeskenlah Kegeluhenta

1. Endesekenlah kegeluhenta,

Man Tuhan e si perkeleng kap.

Endeskenlah aru ateta,

Man Yesus e si melias kap

Tuhanta e pengapul si tuhu

baban mberat jadi menahang

Pakekenlah kata Pedah Tuhan

ukur serbut jadi menahang.

2. Tuhan Yesus arapenta min

Ingan malem kelsehenta kin

Ertotolah man Tuhanta min

Pusuh ceda banci t’rapul kin

Tuhanta e pengapul si tuhu

baban mberat jadi menahang

Pakekenlah kata Pedah Tuhan

ukur serbut jadi menahang.

3. Ernalemlah man Tuhanta e

I bas kita ‘rceda ate e

persanNa kap gulut ukur e

Angkatna pe kesusahen e.

Tuhanta e pengapul si tuhu

baban mberat jadi menahang

Pakekenlah kata Pedah Tuhan

ukur serbut jadi menahang.

KEE NO. 347

Pulahi Aku O Tuhan

1. Pulahi aku o Tuhan

I bas kalak si perguak

Kalak penipu perbual,

Erbahan aku pe ‘mberat

Pulahi aku o Tuhan

tupung ibas kiniseran

Aloi min aku o Tuhan

erlebuh aku man banNdu

2. Pulahi aku O Tuhan,

I bas kalak si penipu

Kelini min geluhku e,

Bahanlah tetap ukurku

Pulahi aku o Tuhan

tupung ibas kiniseran

Aloi min aku o Tuhan

erlebuh aku man banNdu

3. Pulahi aku o Tuhan

‘bas siding si ilat nari

 Jaga kawali min aku

Pedauh bas percuban nari

Pulahi aku o Tuhan

tupung ibas kiniseran

Aloi min aku o Tuhan

erlebuh aku man banNdu

KEE NO. 348

Ersembah Perlu I Bas Doni Enda

1. Ersembah perlu ibas doni enda

E desken bingke bas kegeluhenta

Ersembah em pedah kata Dibata

Pehaga Tuhan bas kegeluhenta

2. Isuruh Tuhan ‘lah ersembah

Peturah penggejapen si meriah

Kita diloNa ‘lah tutus min gelah

Ngajuk kerina teman reh ersembah

3. Ersembah kita bas perpulungenta

Pehaga Tuhan si mada geluhta

Ersembah labo pesenang ukurta

Si sembah Tuhan ‘mpehaga gelarNa

4. Ota si sembah Tuhan Dibatanta

 Jadilah curmin ncidahken kataNa

Ola lupaken reh pulung kerina

Ola pesemal nadingken gereja

5. Gereja eme kula ni Tuhanta

Ola cedaken bas lagu langkahta

Adi kin ia ncedai gereja

KEE NO. 349

Mekuah ateNdu Tuhan

1. Mekuah ateNdu Tuhan

O Yesus Anak Daud

Begiken serko pusuhku

Sampatilah aku

Kelengilah aku o Tuhan

Alemi dosangku

Lanai lit dalanku atan

Kelengilah aku.

2. Pertotonku nunut banNdu

Lalap rasa lalap Begi sorangku erlebuh

Man banNdu o Tuhan

Ajarilah aku Tuhan

Meteruk ukur kin O Tuhan Yesus Anak Daud

Kelengi min aku

3. Pegegeh aku o Tuhan

‘lah nimbak dosa e

Temani aku o Tuhan

I bas perbebenku

B’re Kesah si Badia e

Netapken pusuhku

Cirawis bas perkuahNdu

KEE NO. 350

KELENGI KEBENAREN

1. Kelengi kebenaren

Pedauhlah si jahat

Pakeken kata Tuhan

Tahan rasa lalap

Nggeluh alu bujur

Meteruk ukur kin

Dalanken kebenaren

Maka ukur teneng

Erjaga-jagalah

Reh me wari Tuhan

Ersikap sikaplah

Pake kata Tuhan

2. Darami si mehuli

Pedauh min si ilat

Megermet bas Ke g’luhen

Make pedah Tuhan

Lakokenlah si adil

Ibas kegeluhen

Bage me pedah Tuhan

Tetap si dalanken

Erjaga-jagalah

Reh me wari Tuhan

Ersikap sikaplah

Pake kata Tuhan