KEE NO.1
O, Dibata si mulia
1. O, Dibata si mulia,
si ng’rajai doni e
Kasa kai kin masap gia,
t’rangNdu Bapa la bene
Asum ben kelewet kami,
tah erbage susah p’rang
Bapa si naruhken kami,
kam kap mata wari t’rang
2. Ibas dalin ni Dibata,
Ibas perbahanenNa
Tangkas ukur tangkas kata,
La kap lit pandangenna
Ntaahbeh pagit gia bangku,
Sinik nari aku pe
Kutera pe kerajangku
Tuhan si metehsa
KEE NO.2
I puji kami KAM
1. I puji kami Kam, gelarNdu si mejin
O, Tuhan si ni das, si mekelek mbelin
Si nasa lit kepe i surge ras i doni Man
Dibatanta e ras kita k’rina muji Kam
Si Badia e Kam tetap ‘ngkawali
LiasNdu tangkas min i surge ras i doni
2. Kam lalap man pujin i bas ende-enden
‘rkiteken bujur kap mehuli peraten
Di reh nge pagi Kam ngukumsa pengarahen
Mekuah ateNdu min m’bra ola kesalahen
La kalak kemalun si baNdulah ernalem
Kam penundalenku e maka ateku malem
KEE NO.3
Puji Dibata e
1. Puji
Dibata e raja mbelin si mulia
Kita kerina erjimpuh ertoto ku Ia
Pulunglah min! rende,
Ersurak me kin
K’rina me kam manusia
2. Puji
Dibata e, si ng’rajaisa kerina
E maka kerajang jelma mehuli jadina
Rajanta e, numpak ginemgemNa nge,
Em peraten bagidina
3. Pujin
Dibata si m’resa Man banta nge tuah
ipejoreNa k’rajangta ateNa mekuah
‘di mesera janah ukurta pera
Alu penampatNa luah
4. Puji
Dibata bekas kekelengenNa nusur
Lah min tetap ras megegeh tendinta nge rusur
Ingetlah e ukur dibata kepe
Ku kita enda la ‘rkusur
5. Puji
Dibata tendingku
Peb’linken gelarNa Ibas kuasa
Dibata la lit nge sibarna
Si erkesah, pulung sorana gelah
Puji gelar Tuhan! Amin.
KEE NO.4
Pujilah alu ukur si meriah
1. Pujilah
alu ukur si meriah
Dibata ras gelarNa si badia
Ukurta kerina min ku Ia nge
Peb’linken o, tendingku Dibatanndu
Ola ma inget pemereNa bandu
Si m’resa kapen Dibatanndu e
2. Puji man
baNdu min o pematangku
Salahku nggo isasap ras dosangku
Tandai Kam kami
k’rina si suin
La kap ib’reNdu mate kami enda
Kam nampat asi ate kami ceda
E maka bujur Kamlah
man pujin
3. Kinigeluhen
kita manusia
E desken dukut tah pe rudang gia
Mehuli ningen labo kap bedeh
Di meter angin penggel me tangkena
E minter melus, masap pe jilena
Bekasna ndube pe lanai si ‘teh
4. Tapina
kekelengen Dibatanta
La sambar lalap Ia kap Bapanta
Kinni bujurenNa man ise pe
Man si tetap la lupa padan rasa
Man si la nimbak tapi tek ibassa
E maka kita enda la bene
KEE NO.5
Perkuah ate Tuhan
1. Perkuah
ate Tuhan lalap man pujin
Ras kebenarenNa me kap ku pebelin
Ku ‘teh peratenNdu kin la banci masap
jujurenNu tetap la mobah rasa lalap
e desken langit si ‘nteguh mugur-ugur
bage kepeken Kam tetap Kam ibas bujur
2. Sangapna
kalak si megi pedahNdu e
Dalinna ibas t’rang ukurna la ndele
Atena enggedang meriah iakapna
Tah mesera denggo itehna Kam bapana
La guling ia kap la celus pe nahena
KinibujurenNdu peb’linca seh matena
3. Kam
penudalenku ras pematangku kin
LiasNdu si mbelin meparas man pujin
Perban kam erkeleng ngenehen kami enda
E tahan kami kap aminna gulut gia
‘Di ngampang-ngampang kin ‘diijaga Dibatanta
Kai kebiarenta si nampat kap Bapanta
KEE NO.6
Tuhanta si Dibata Kin
1. Tuhanta
Dibata kin,
si pujilah min Ia
Apai kin ndia si ulin
bage mbelin mulia
La ‘sibar ku asaNa kap,
LiasNa pe enggo tetap
Ku Ialah ernalem
2. Kujapa
kita Tuhan e
Endeher rembak Ia
La dongkel kegelapen pe
idahNa kai pe gia
tah torah ukur langa seh
enggo i tehna la si ‘teh
idahNa seh ku
pusuh
3. O, Tuhan,
Bapa kami e
ukurNdu k’rina bujur
lah ukur kami bujur pe
ajari kami rusur
kam si ngapuli kami e
si m’reken ntabeh ukur pe
iban keleng ateNdu
4. kam kap
o, Bapa, tergelar
si bujur , Si mekuah
di rembak kap ras si benar
e lalap m’ia ‘rtuah
geluhNdu la ‘rkeri-kerin
la kurang kai pe ‘bas Kam kin
pematang tuah kami
5. tah mbiar
m’aku nggo bene
ngenen Kam, si mulia?
Lang! erkiteken Yesus e
Kuakap nggo meriah
‘nde-‘denku reh
riahna kap
Enggo me aku tek tetap
Ibas keleng ateNdu
KEE NO.7
Pujiken Tuhan Dibata
1. Pujiken
Tuhan Dibata,
kataken bujur baNa
MataNa natap kap ku kam,
Dalinndu ibas tanNa
Kini kelengenNa me kap
erbanca maka t’rang gelap
Duana man gunanta
2. Ku Ia
ukurta dage
Kugapa pe si akap
‘Ntah picet, entah sangap
Kam, Bapa si metehsa nge
AturenNdu mehuli me
Kam penalemen kami
KEE NO.8
Kupujilah Dibata
1. Ku
pujilah Dibata si ‘rkuasa
Mehuli ras mbelin bekas kataNa
Si nasa lit gem-gemenNa
2. KataNa
kap si nepa doni enda
kataNa ka si erbanca pagi ceda
nggo lanai lit, nggo me lesap
3. uisNa
terang mehuli perbahanNa
mulia ras tetap kinirajanNa
ukurNa bujur ras senang
4. itehNa
nge ukurta ras totonta
perbahanenta bujur ras la tengka
di mesera sampatNa nge
5. kadeku
pe, e ngaru Tuhan saja
ermengkah kai ateku kempak Raja
pujinku lalap banNa e
KEE NO. 9
Dibata saja man pujin
1. Di bata
saja man pujin,
Ersembah ‘rjimpuh
kita min
Ermengkahlah ateta
Melias m’Ia bujur
ka
La kita
itadingkenNa
‘Di kita mekelesa
Dage teman
ersuraklah!
La ‘sibar
kekelengenNa
IligeniNa kita.
Ibas ende-endenta
e
Nggit kita muji
Bapa ndai
LiasNa ras uliNa
2. Kam Tuhan
Yesus baNdu pe
Ermengkah ate kami
e
Kam idur Bapa nari
Kam pe metunggung dat pujin
Kam si ngajari
kami kin
pedahNdu teptep
war
i tuhan, Raja, kelang-kelang
si maba kami ku
bas t’rang
mehamat kami
ngadap
e pagi k’rina
jelma pe
m’ritaken kuasaNdu
e
Kam si ng’rajaisa
lalap
3. Kesah
Dibata pujilah
AjarenNa kepe
pedah
Man ikutenken
lalap
Ja terbegi soraNa
e
Je me tetap ateta
pe
Je malem pe siakap
. Kesah Dibata pekena
Ukurku maka
saberlah
Lah ola pusuh
nggine
Lah pagi lalap
rembak ras
Tuhanku Bapa si ni
das
Kam si erbanca
jine
KEE NO.10
Si endeken min
1.Si endeken
min,
‘Nde-enden meriah
Man Tuhanta kin,
Kasak kalak e
Rende muji pe
Arus muji Ia
2. Ia
pemere,
‘Bas Dibata nari
Man rajanta e,
Tuah ras geluh
Nusur ku teruh,
Idur Ia nari
3. Kasa kai
terang,
Ngaruh entah tuah
Ban kelang-kelang,
Pemaangna kap
Ukur nggo tetap,
Iban kami luah
4. Jadi Kam
kepe,
Raja ipilih kami
La nai terndele,
Sitik kal pe lang
Di kesahNdu kang,
Ngiani pusuh kami
KEE NO.11
Kam bangsa Doni marilah
1. Kam bangsa doni marilah,
Ersurak kerina
dahilah!
Ku Tuhan tutus
peraten,
Endeken baNa
‘nde-enden
2. Ku rumah
persembahen min
I jem Dibata man
pujin
Soranta, peraten
ras
Peb’linken Tuhan
si ni das
3. Bapanta
erkeleng kepe
Ngenehen kita si
ni je
kelengNa la
‘rkeri-kerin
padanNa labo mobar kin
KEE NO.12
Haleluya la erngadi-ngadi
1.Haleluya
la erngadi-ngadi
Puji sembah pemeteh
Ibas doni ibas
surge jadi
Krina e man Tuhan she
Bapa si erkeleng i
b’re min tuah
Kam o, Anak Bapa
min mekuah
Kesah si badia e,
Rembak ras kami pe
KEE NO.13
Ende-enden kami nangkih
1.Ende-enden
kami nangkih,
Ku Tuhan mejemat
Ras muji Kam la kami latih,
Ban ukur nggo
tepat
Tah ise si ernalem
baNdu
Sorana ‘dengkeh
Kam,
Emaka kasa kai
bangsaNdu
Reh pagi dahi Kam
2. Nai nggo
me aku talu kuakap
Ibahan dosa e
Metangkang m’aku
nusang lalap
Bagidie lanai
Sangapna kalak si ni dilo
Ni ajar Kam Tuhan
Akapna lanai kal
meriso
Di Kamlah man
teman
KEE NO.14
Haleluya Sembahku e
1. Haleluya!
Sembahku e
Man Bapa si mulia
nge
Si nepa doni enda
Gem-genBa kuasa
kap
Ras pemetehNa
si tetap
Ras kita muji
jenda
2. Haleluya!
Sembahku e
Man anak Dibatanta
pe
Si nusur surge
nari
Si nggancih
manusia kap
Kaluhta si nerangi
g’lap
Si sembah genduari
3. Haleluya! Sembahku e
Man kesah si Badia
pe
Si nambar ate,
Man baNa si ngajari kin
Lah jumpa Tuhan me
pagin
Man baNa sembah
rusur
KEE NO.15
Kataken bujur min
1. Kataken
bujur min
Kam k’rina si ni
jenda
Man Dibatandu e
Si ngidah kita
enda
Si ngk’lini kita kap
Ibas AnakNa e
Si m’reken lalap
kin
NgaruhNa pemere
2. Man
baNdu, o Tuhan
Kesahku ras
tendingku
Kupersembahkenlah
Gegehku ras
dagingku
Aloken o, Bapa
Keleng ateku min
Sebab kueteh tetap
E ngena ateNdu kin
KEE NO.16
Ibas kam Tuhan nari
1.Ibas kam
Tuhan nari
Si bangku kerina e
ngaruhNdu genduari
ngaruhNdu pagi pe
‘Di celus me
naheku
Keleng ateNdu kap
Tundalen seh
mateku
Kam saja si tetap
2. ‘Di mindo
me nuate
Leben kap Kam mere
‘Di ukur ndele ate
Pesinik Tuhan pe
Kam lalap
penalemen
‘Di ceda ate kap
La saja penggelemen
Isampat Kam tetap
3. Bagi
ateNdu kapen
Bage ateku min
Lah langkah pe tetapen
Taruhken aku min
Min
erta surge bangku
Si lalap la bene
Lah la gelap
matangku
La gulut ukur pe
4. Ku sembah
Kam nge rusur
Kam si bujurna kap
Tendingku, kesah,
ukur
Ku Kamlah me tetap
La gia kai pe bangku
Lah tanNdu me negu
‘Di pagit me k’rajangku
Ras Tuhan ntebu
KEE NO.17
Dibata mekelek mekuah
1. Dibata
mekelek mekuah
NgaruhNa banta
kurang kin?
Lang! lalap kapen
lit nge tuah
Ula dage des ate
min!
Lang! arus kita
k’rina ‘rsembah
Man Tuhan Dibatanta e
Ateta gel-gel min
ermengkah
Man si la lupa
banta e
2. Kita enda
kai dage gunana
Man Tuhan si mulia
e?
IpekenaNa ukurta
e Tah ise si ngapuli aku
Si ‘rbanca ukur
nggo dedas?
Kepeken Tuhan
Dibatangku
E maka ateku nggo
melas
3. E banci
kin aku la malang
Ngenehen Tuhan sib
age?
TuduhkenNa man
bangku dalan
La banci lang
kuikutken e
PedahNdu min
ncekem ateku
KataNdu siat
tengkel min
Kam kukelengi seh
mateku
Temanku bali aku
kin
4. O, Tuhan,
Kam min kuinget rusur
Kam lalap
sekawalku e
Tepet min aku ku
si bujur
Geluhku k’rina
baNdu nge
Teguhlah aku ‘di
meriah
Apuilah’di mesera
Makana labo aku mbiar
Tah mate pe la
kutera
KEE NO.18
O, Bapa kami si ni das
1. O, Bapa
kami si ni das
Meriah kami kerina
ras
Megi ende-endenNdu
jenda
Mesikel ate kami
reh
Ku jenda lah kami meteh
Ajaren Tuhan kami
enda
Meriah ukur
mekelek
2. Ertuah
kalak me kepe
Di baNdulah
ernalem
Pilihna kap dalinna pinter
K’rajangna gia
mesera
‘Di namapat Kam Ia
kutera
Sangapna me
terakap minter
Riahna la
‘rkeri-kerin
LiasNdu saja man
pujin
3. Kam,
Bapa, matawari kap
Ras ampang-ampang
si tetap
Nerangi ras
‘ngkawali kami
Tah ku tera tah
mate pe
La kap melumang la
bene
KiniulinNdu seh
man kami
‘Di payo lagu kami
kin
Janahna tek
kataNdu kin
KEE NO.19
Jujuren Tuhan bujur me
1.Jujuren
Tuhan bujur me
Mehuli perbahanNa
La mbiar aku pe
bene
Geluku ibas tanNa
Di mesera entah kuga
La picet pe kuakap
Dibata Raja lalap
2. Jujuren
Tuhan bujur me
kataNa banci iarap
DalinNa pinter me
kepe
Meriah me kuakap
‘Di latih tah
lanai ‘rkesah
Penampat
Dibatangku
Terakap minter
bangku
3 Jujuren
Tuhan bujur me
Totonku ibegiNa
Iakap kam adi bage
La kang
isampatina?
La pad ape ukur
ndele
Ma Bapa si
metehsa?
Dibata masangkenca
4. Jujuren
Tuhan bujur me
Em kap penalemenku
La duri saja
bangku e
Lit rudang pe
k’rajangku
Di mesera, megati
ka
Lit si ntebu
singgurna
Dibata njujurisa
5.Jujuren
Tuhan bujur me
Mehuli keranajngku
‘Di picet gia
ukurku e
Ije pe lit idonglu
Adi tetap man
bangku kap
Geluh si rasa
lalap
Enggo senang
kuakap
KEE NO.20
Reh kam min, reh kam min
1. Reh kam
min, reh kam min!
Dahi Tuhan si
Tuhan si mbelin
B’reken baNa ras
pujin
Dahi min,
Dahi min
2. Inget
min, inget min!
Ngaruh Tuhan bandu
kin
pemereNa la
‘rkerin
Inget min, inget
min
Inget min
3. Pindo
min, pindo min!
Pasu-pasu Tuhan
kin
Sangap kam ibas
dahin
Pindo min, pindo
min
Pindo min
KEE NO.21
O, Tuhan si erkuah ate
1. O, Tuhan
si erkuah ate
Man kami si
perdosae
Ipuji kami me
GelarNdu
Perban liasNdu
mbelin e
Dengkehken sora
kami e
Begiken toton kami
pe
2. Ibahan
Kam kap purpursage
Nasapken dosa kami
e
Em kap erbahan
penantangen
Man kami si
tertaban e
Ermengkah ate
baNdu e
O, Tuhan Bapa kami
e
3. Reh ka pe
Kesah si Badia
Isuruh Kam ku kami
ka
Peteguh kiniteken kami
Kami si nggo
ipilih Kam
Perban si e seh
baNdu nge
Pujin ras sembah
kami e
4. Isehken
kami bujur baNdu
O, Tuhan o,
Dibatangku
Labo ateNdu kami
bene
Tapina gelah
terkelin
Petetap ukur kami
e
Aminna masap doni
e
5. Tah
kematen tah kegeluhen
Tah sui ate susah
pe
Labo terbanca kami
sirang
Ras lias ateNdu
Tuhan
Tapina Kam m’re
gegeh e
Menang me tuhu aku
pe
KEE NO.22
Idas deleng Dibata
1. Idas
deleng Dibata
Teruh i laut kepe
Ku japa lawes kita
I je Dibata pe
Di kabang ukur gia
Tah ndauh ndeher e
Teruh i datas Ia
Dibata
japa pe
2. Tetap me
kap mataNa
Ngenehen k’rina
nge
Si ngikut
perkatanNa
isampatiNa e
jujurenNa terakap
ibas si torah kin
asa nggeluh me
lalap
Pujiken Tuhan min
3. Si lit
‘bas awing-awang
Si muit ibas lau
Si njoler ras si
kabang
Si ndeher ras si
ndauh
Tah matawari, bulan
Ras bintang si
teraang
Pujina naring
Tuhan
Ban ate si senang
4. Tek
K’risten japa gia
Dibata me kepe
Di picet je kap Ia
Di susah penampat
pe
Penampat kalak
kurang
Dibata ndeher e
K’rajangta ‘banNa
nahang
Dibata japa pe
KEE NO.23
O, Bapa la terimpit kam
1. O, bapa
la terimpit Kam
Idas i doni e pe
lang
Kam saja si ateku
ngena
La lit si deban si
erbanca
Makana malem
mesera
Tah picet entah
kutera
Kam lalap
pematangku kin
K’rajangku la
‘rkeri-kerin
2.
Endekenlah ku Kam dage
‘Di mbiar aku tah
ndele
Kam si merapas
ikelengi
Sabap sangana
tengah berngi
Nggo itegu Kam aku
kap
Naruhken aku idur
g’lap
Ku dalin mekelek
senang
Kuidah je ayoNdu
t’rang
KEE NO.24
Dibatalah si pekenasa
1. Dibatalah
si penasa
Ia si arap gelah min
Sabab ‘di jadi
mekelesa
Lit kecion ibas
sakin
‘di tek ngenehen
bapa ndai
Kai naring
kebiarta e?
2. E mbiar
pe la lit gunana
‘di jungut-jungut
pe bage
Tah tangis gia
‘ban serana
La kal kepe terakap e
Adina reh pe
percuban
Totonku baNalah
kuban
3.E lit nge
sada dalin ngenca
Ku Tuhanlah
ukurndu e
Adi meling ibas
geluhta
isampatiNa kam
kepe
‘Di kinitekenndu
tetap
Jujuren Tuhan si
gejap
4. Dagina
pegegang atendu
Ukurndu nuhit ku
dahin
Kuga pe malem me
atenndu
Megengenglah,
ertoto min
‘Di tare ku Bapa
‘das
Lit lalap kap
Temanta ras
KEE NO.25
Kam ku kelengi Tuhan si tetap
1. Kam ku
kelengi Tuhan si tetap
Megati ibegi Kam
pertotonku
La leja Kam
ndengkehken pemindonku
Nggit Kam nampati
aku igelap
2. Sangana
aku i kiniseran
E minter ialemi
Kam ateku
Kueakap ntabeh
malem me ateku
La aku ‘rbanca,
tapi Kam Tuhan
3. O, Bapa alu
pedahin kai kin
Kubalas k’rina
pemereNdu bangku?
E kidekah geluhku
‘bas rumahNdu
Kusehken baNdu
‘nde-enden pujin
4.E tutus
min ukurku e ku Kam
Geluhku kuendesken
ibas tanNdu
Kutera pe kuarap
saja baNdu
Penalemenku ras Bapangku Kam
KEE NO.26
O, Tuhanku ajar aku
1. O,
Tuhanku ajar aku
Arah kata ras
kesah
Maka ku eteh
rananNdu
Janah kuikutkenlah
Aku min taruhken
Kam
Arah dalin si
mehuli
Kupimai lalap Kam
E maka aku iapuli
2.
Kekelengen Dibatanta
La ersibar la
‘rkerin
Amin papak gia kita
tuduhkenNa dalin
kin
kalak itarukenNa
adi lembap me
ukurna
ukum iajarkenNa
man si nembah
rusur baNa
3.si
ngikutken Dibatannta
daten kerembakenNa
t’rang ibassa
pedah, kata
padan ipadankenNa
mata ukur nare kap
lah kuidah
Dibatangku
e si naruh si
tetap
si nuduhken dalin
bangku
KEE NO.27
Ajar aku o, Bapangku
1. Ajar aku
o, Bapangku
Ngikut saja
penaruhNdu
Ngarap baNdu si
tetap
Janah rende i
gelap
Janah dengkeh
ajarenNdu
Ras megiken
pedahNdu
Kuteralah dungna
nge
Sinik bagianakNdu
e
2. Ajar aku
o, Bapangku
Picet gia
kerajangku
Ola ateku min
ndele
Tapi tek padanNau
e
Ajar aku nungsang dosa
Rusur aku me
mindosa
O, Dibata si
nggeluh
Ban ukurku min
teguh
KEE NO.28
Bagi belkih kenca luah
1. Bagi
belkih kenca luah
E ndarami lau
mekap
Bage pe tendingku
enda
Ndaram tuah si
tetap
O,Bapangku ndigan kin
Banci aku reh
pagin
Ngadap
ilebe-lebeNdu
Janah ngidah
ayoNdu
2. O,
tendingku ngkai kam ceda
Ngkai makana
endele
Arap bagi mbaru
enda
Puji ka Tuhanndu e
Sabab kekelengenNa
‘Rbanca maka
mesera
Pagi salih jadi tuah
Puji Bapa si
mekuah
3. Tuhan kin
si masangkenca
Em kap
kinitekenndu
Nggit nge aku
mbelaskenca
Ibas ‘nde-endenku
Sanga mbage berngi
pe
Aku muji Tuhan e
Tah kugapa kerajangku
Ku Dibata pertotonku
KEE NO.29
Ola mbiar o tendingku
1. Ola mbiar
o tendingku
Dibatandu Raja kap
Kai pe salih i
doni enda
Tuhan saja si tetap
2. Kita
jelma mbue ukur
Ninta banta mesera
K’rajang kalak
mengga ateta
Kenca dat lanai
ngena
3. Ola mbiar
o, tentingku
Babalah
k’rajangndu e
Ku Dibatalah
kurndu
Lanai ate ndele
KEE NO.30
Ibabo doni la lit kap
1. Ibabo
doni lalit kap
Manbangku ingan si
tetap
Bagi kesilang aku
jenda
Erdalin aku langa she
Iajar Tuhan lah
kuteh
Inganku labo doni
enda
Kesilang gia aku
je
Inganku tuhu surge
e
2. Sung la
teridah langit kap
Sung matawari pe
gelap
Ban itamburu embun
t’rangna
Maun udan mekelek
meder
I lau mbelin menam
geder
Megati pe keri
serana
Melungun sung pe
dalin e
E maka mesera je
3. Aminna mesera
kal je
La kurang ibas
dalin e
Perkuah ate
Dibatanta
I darat gia mesera
I bas iapul Tuhan
ka
Pengapul e la
kurang banta
Meriah ras Tuhanta
e
Si naruh kap ku
surge pe.
KEE NO.31
Adilah Tuhanku
1. Adilah
Tuhan
si metehsa e
Adi Ia kap temanku
‘Di kuinget I ape
La lit kesusahen
Tapi keleng ate
keriahen
2. Adilah
Tuhanku
Si metehsa e
Lanai gia kai pe
bangku
Ngikut aku lalap
pe
Kalak senang gia
Labo leja ‘kurku
kerna Ia
3. Ja me kap
Tuhanku
Je inganku pe
pemereNa je
man bangku
lalap kerajangku e
daten kesengangen
kegelapen jadi
terang kapen
KEE NO.32
I jadah min
1. I jadah
min
Je la lit iluh
mambur
Je la lit kebiaren
tah suin
Je senang ate
rusur
I jadah min, i
jadah min
2. Mehuli
je!
Nggo pulung je
temanta
Si ngoo leben
lanai ersalah je
Je jumpa ras
Tuhanta
Mehuli je!
Mehuli je!
3. Ku jadah
min!
I jenda kegelapen
Merincuh bujur,
mamang ukur kin
Jah tetap ukur
kapen
Ku jadah min!
ku jadah min!
4. Jah Kam
kepe
Pematang kegeluhen
‘Di aku bengket kesenangen
e
Je lanai me iluhen
Ras Kam kepe!
Ras Kam kepe
KEE NO.33
Dibata Nandaisa
1. Dibata
nandaisa
Si tek man baNa e
liasNa nandangisa
senang akapna me
i sampatiNa ia
ibas kiniseran
geluh tah mate gia
la banci lang
senang
geluh tah mate gia
la banci senang
KEE NO.34
Ola mbiar susah ate
1. Ola mbiar
susah ate
Arah picet ku
senang
Labo kita anak
mate
Tapi enggeluh ku
t’rang
Ibas doni
kesusahen
Picet sakit,
mesera
Ibas surge
keriahen
La lit jelma sip
era
‘Di nanami si
mehuli
Kesenangen si
tetap
Ibas surge nggo
iapuli
Lanai tangkis kita
kap
KEE 35
Erta si meherga lalap
1. Erta si
meherha lalap
Em pedah Tuhanta
kap
E ku the la banci
masap
Man pakenku si
tetap
Tentu latih susah
akap
Si mekarus man
pedah
Labo aku ate papak
Kubuniken e gelah
2. Pertotnku
ku Tuhanku
Ia bujur ras tetap
Ia si negu kap
tanku
perkelengNa ku
gejap
‘Di tepat me
ketekenku
‘Di diate kin
pedah
Lit kap lalap
gelemenku
E ukurku’nggo
megah
KEE NO.36
Saberlah Tendingku
1. Saberlah
tendingku,
Tuhanndu reh
K’rina s’ra suina,
baNalah peseh
Atendu ka,
gel-gelah tetap
Kenca kelegoen,
udan reh me kap
Tumpat pe ukur,
petir gelap
Tengah keguguren,
Je Tuhan kap
2. Saberlah
tendingku,
Tuhanndu reh
K’rina s’ra suina,
BaNalah peseh
Ukur nera,
Tuhan je kap ka
Ia si mbelinna
arap dage ka
Kam si tetap kal,
si lalap je K’lini
min o,
Tuhan, tendingku pe
KEE NO.37
Pemena si tersengget
1. Pemena si
tersengget
Dungna kap mehuli
ka
Em perbahan Dibatanta
Bas AnakNa si
ngena
PerukurNa kap ganjangen
La kap lit sin an
pandangen
PerbahanNa pe ulin
Amin la si gejap
kin
2.
PerdalinNa la terambang
SehkenNa seh
dungna pe
Tama guna la
teralang
Tama pujienNa pe
Nggit terluda pe
ukurndu
Nggit pe gulut
perukurndu
Tapi ‘di megenggeng kam
Pulah kap
kiniseran
3. Pemenana
pe ras dungna
Ibas tan Dibata
kap
Susah ukur la
erguna
Tangis pe la
tergejap
Asakai benaken
Bapa
Nggit meriah,
nggit me mara.
Tek lah dungna
k’rina e
Tama kesenangen pe
4. Dage ola
beber ate
Tupung reh si mesera
Piher ukur tetap ate
Lalap nindu: “O,
Bapa!”
Sabab si so
kesenangen
Jadi pagi
kemenangen
Maka ngaku dungna
kam
Pelepas Dibata
‘rban
KEE NO.38
Kam si erceda ate mari
1. Kam si
‘rceda ate mari
I tenah ken Tuhan
kam
Nggit lepas paksa
kari
Adi melawenca kam
To jeralah, robah
min
Banci kam la malem
kin?
Tuhan Yesus ndilo
kam
2. Tah nggo
luka ban dosandu?
Yesus penawarta
kap
Pindo baNa tambar
tuhu
La mejuah-juah kam
Ola mela dahilah
Yesus si melias
kap
Tuhan Yesus ndio
kam
3. Ola
nindulah: “Mbelinca
La tersasap dosa e”
. Dareh Tuhan nasapkenca
Salangsai dahilah
Ban Tuhanta kam
pulah
Tuhan Yesus ndilo
kam
4. Tambah
keriahen surge
Di kam e robah ka
Rende malekat
kerina
“lit ka sada si
jera”
Ola lawan Kesah e
Si ngiahken kam ku je
Tuhan Yesus ndilo
kam
KEE NO.39
Si persilahangken bana
1.Si
persilahangken bana
La i erga ia pe
Mbiar maka
sura-sura
Seh dingen jadi pe
Talu gia sendah
kin
Tantu nge menang
pagin
2. Tapi biak
manusia
Labo lembap me
kepe
Labo ngikut0ngikut
ia
Sabab lit atena me
Peratenna sibage
E ibunuh Tuhan pe
3. Kai gia
kerajangku
Si ngena ateku kin
Tedeh ate ras
ertangku
K’rina k’rajang
Tuhan kin
Babah tan ras ukur
pe
Surge me empuna e
4. ‘Di
ngorati kai erguna
Banta ibas doni e
Man si tek la lit
perluna
Tuhanlah metehsa
Bujur ras mehuli kin
Tuhan nikapkenca
min
5. Kuga gia
kerajangku
Lah terpuji Kam, Bapa!
Labo kai pe gia
bangku
Cukup kenca si
ngena
Kam, tuhan terpuji
e
Aku labo kai kai
pe
KEE NO.40
Ibas surge me senang
1. Ibas
surge me senang
Je meriah je
terang
Je si puji Tuhanta
Je kap jumpa ras temanta
Je me longge ukur
kang
Ibas surge me
senang
2.O, Yesus
taruhkenlah
Kami e ku surgalah!
Dosa, abat si
mbelinna
Tapi Kam me kao
dalinna
Bas isasap Kam
kepe
Dosa, salah kami e
KEE NO.41
Kuga perbahan kami
1. Kuga
perbahan kami
Metunggung ngadap
kam?
O, Raja surge,
doni,
Simadakerajan
Sagani ibas kami,
tending kesahNdu e
Lah payo isipati,
si ngena ateNdu e
2. Nggo
kami, ngenanami
Kuasa ilat e
Reh Kam nebusi
kami
Nantangi kami
pe Idahi Kam si
musil
Mereken kemulian
Lah si medungu
tampil
Ku surga iban kam
3. Gelah man
kami dame
Reh Kam ku doni e
Nadingken kemulianNdu
Ras jadi musil pe
Ibas tanemen nari
‘Bas mara
kek’lesan
Iangkat Kam kap
kami
Kubas kemulian
4. Dagina
ola mbiar
La nggine ukur pe
Tuhanta nimbak k’rina
Ngangkatken kita
pe
Reh Ia kap ku
jenda
AteNa erkeleng
Pelawes imbang k’rina
Si ngupuh kita nge
5. Reh
ngukum Ia gia
Si nimbak lalap
kap
Buen lias ateNa
Man kalak si jera
Oh, rehlah, rehlah
Tuhan
Legi anakNdu min
Ku rumah Bapa
surga
Ijem lit pengadin
6. Kernana
dosanduna
Olanai aru kam
ipelasamNa k’rina
lanai meluat kami
kerehenNa melias
penawar Ia kap
masapken bisa doni
lah dosa k’ri
lesap
7. keleng
ateNdu kapen
si nuruh nusur Kam
nadingken Bapa surga
bengket kemanusian
pujin, pujin man
baNdu
o, Raja kami e
isehken kami runut
seh rasa lalap pe
KEE NO.42
Tuhanta Yesus e
1. Tuhanta
Yesus e i surga
Nikapken ingan
banta kin
Begiken kata Tuhan
banta
Janahna teklah
kita min
kataNa kap
pengapul e
man kalak si tek
baNa e
2. ‘di teman
ibas doni kepe
Ndarami untung
bana kin
‘Di Tuhan Yesus
labo kapen
Tapina ngk’lini
kita nge
KataNa kap
pengapul e
Man kalak si tek
baNa e
3 Iban
kekelengenNa banta
LawesNa ku das
Golgota
ItahankenNa si
mesera
G’lah kita ola
bene ka
KataNa kap
pengapul e
Man kalak si tek
baNa e
4. Perukur
jelma manusia
E mobar-obar rusur
nge
Di Tuhan Yesus
labo kapen
KataNa ras
kelengNa nge
KataNa kap
pengapul e
Man kalak si tek
baNa e
5. O, Yesus
Kam me teman kami
Teguhlah kami
k’rina min
Rajailah gegeh
ukur kami
Babailah seh ku
surga kin
kataNa kap
pengapul e
man kalak si tek
baNa e
KEE NO.43
Nggo talang kap surga
1. Nggo
talang kap surga
Ban kai nge ndia
Iban nggo reh
Yesus
Dilona kam pe
2. Sumpama
kacemba
Garana dosa
Dareh Tuhan Yesus
Si nasapkenca
Dareh Tuhan Yesus
Si nasapkenca
3. Dosanta
babaNa
Ku Golgota e
I je isaienNa
Utangta kepe
I je isaikenNa
Utangta kepe
4. Di ceda
ukurndu
Iban dosa e
Ku Yesus kam
ngendes
IapulNa kam e
Ku Yesus kam
ngendes
IapulNa kam e
5. Dage o,
tendingku
Ku Yesus kam reh
Meriah ukurNa
Ngaloken kam she
Meriah ukurNa
Ngaloken kam seh
KEE NO.44
Endesken min kerina
1. Endesken
min kerina,
kesusahenndu e
Man Dibatanta yahwe,
melias I ape
Tuhan me si
metehsa,
pertibi ras surga
Adi Tuhan ras kita
tetap ukurta
2. Ngarap
aku man baNdu
O, Yahwe Dibata
I je man bangku
tuhu
LiasNdu cukup ka
E la kap lit
gunana
Amin kelsehen kam
Ertoto me dalanna
Gelah terapul kam
3. Dibata si
perkuah
ItehNa k’rina nge
Si bujur ras la
tengka
Ibas ukurta e
Si ngena jujurkeNa
Man banta rusur pe
PedauhNa si la
tengka
Lah kita la bene
4.
Ernalemlah man baNa
Man Dibatanta e!
Tadingken k’rina dosa
Ras ceda ate pe
ipersanNa me
k’rina
keberatenNdu e
pedas isampatiNa
ngangkat susahndu
e
5. B’re min
ipesikapNa
Lagu langkahndu e
Kepentaren ukurNa
Njujurken k’rina e
Tondel kin nge ukurNa
Lako mulahi kam?
Je ipetangkasNa
gegehNa e ku kam
6. Kam me o,
Tuhan kami
Pengadi k’rina min
Si nggit nusahi
kami
Ras si ngulahi kin
Sehlah min kubas
tanNdu
Kerina kami e
Ku surgalah
teguNdu
Min tendi kami e
KEE NO.45
O, Tendingku sipilah
1. O,
tendingku sipilah
Sanga paksa enda
Sabab setan si
ngerah
Nggit me kam
cubaina
Inget e Setan pe
Nggit ngulahi kita
Tengetilah ia La
2. kap
iulangNa kam
Rembang ras nge Ia
Tempa-tempa nande
kap
Ia jamu kita
Tek dage
BaNa pe
IkepkepNa kita
Malem me ateta
3. Tapi keke
me lebe
‘Bas dosandu nari
Adi la kam medak e
Lit ukurmen kari
Tupung e
Nggit me pe
Mesera kal kari
Ban lacenndu nari
4. Jaga ras
ertotolah
Jore min ukurndu
Ola pedekah-dekah
Kari kam medungu
Sikaplah
La ndekah
Aru ate masap
Imbang k’rina
merap
KEE NO.46
Dibata kap la lit gelap
1. Dibata
kap, lalit gelap
T’rang nari ngenca Ia
Di kita kin, si
‘the nge min
Salahta la terkira
2. T’rang
bintang pe
Mehuli nge
Ndauh kap ulin
Dibata
‘Di kita kap
Ibas gelap
Kai nari kin
gunanta?
3. Di tuhu e
Katanta ndai
Kai kin ertina
kita?
Di inget e
Ma nggo bene
Ban ‘rsalah kempak
Ia?
4. Kuja pa
kin
Ukurku min?
Ku Kam Dibata
saja Ban Yesus e
Enggo mesai
Dalinku ndahi Bapa
5.Tek ng’aku
min
Nggit me ‘rdahin
Bage pe kurang kuidah
Tetapkenlah
Ukurku ka
Lah ola aku nilah
KEE NO.47
Yesus kristus maba tuah
1. Yesus
kristus maba tuah
Ku krina doni e
Kita nguda tah
metua
Ota lawesku I ape
Maka kita dat
senang
Ras ukurta jadi
t’rang
2. La kap
kita saja nembah
Man Tuhanta Yesus
e
Tapi rusur tambah
t’remna
Si nggit ngadap
baNa pe
Seh ku tampuk doni
kap
Bengket t’rang ku
gelap
3. Pagi
mulih ka Tuhanta
Ras malekat Ia reh
Tangkas je
kemulianNa
kerajanNa nggo kap she
k’rina imbang ras
teman
‘dahna tupung e
Tuhan
4. Tetep
wari reh deherna
Maka Tuhan Yesus
reh
Tutuslah min
prtotonta:
‘KerajanNdu lampas
seh!
” Ota raskenlah teman
Mabai kalak ku Tuhan!
KEE NO.48
Tuhan Yesus me rajangku
1. Tuhan
Yesus me Rajangku
Si m’re bangku,
Ringan ibas surga
pe
Kai kin jenda
kekurangen
Kesenangen,
bangku ibas ingan
e
2. Sakit,
dosa, kesalahen
Kesusahen
Ipesibar aku e
Banci gulut ukur
ndia?
Gelap gia
Reh terangna me ku
je
3. Tah bene
me pengarapen?
Labo kapen
Jadi reh teguhna
kap
Nggo me lit padan
Tuhanku
Tetap bangku
Nggo padanNa
ersekat
4. Tupung
picet kai kubahan?
La ‘ku tahan
Sangan nguji Tuhan
e
Ma kugengken
kesusahen
‘Di riahken
Surga asang doni
pe?
5. Paksa
percuban reh nguji
e kupuji
Penawarku si tetap
Tah mesera kerajangku
Seh ka bangku
Ngaruh Tuhan cukup
ka
6. Dage
ukur, tendi kapen
Ma tetapen
Rembak ras
Rajangku min
Maka tangkas
peratenku
Seh mateku
GinemgemNa aku kin
KEE NO.49
Bagi perhuma nimai nari
1. Bagi
perhuma nimai nari,
bekas latihna
merdang pe
Bagepe si timai
kap wari,
makana seh sipatta
e
Lah kiniteken ola
masap
Inganta jenda Ia
lah tetap
Lah ingan pagi
siakap
Nggo ndeher kubas
kita kap
2. Ras
K’ristus kita pagi lalap
Lanai kap
kesusahen je
Ku je tetap min
kita ngarap
Si ngarap e
jumpasa pe
La ndauhsa nari
perjumpanta
Ukurta min dage
tetap
Tetap ban lias ni
Tuhanta
Bekas dahin
Golgota kap
3. Di tek
kin, ‘rguna mamang rusur?
Ma kata Tuhan si
tetap?
Nggo gia ukur
kalak ‘rkusur
Labo bage ukurNa
kap
Sabab la ‘sibar
kuasaNa
Si nasa lit
gelemNa nge
Kai pe ateNa
ibahanNa
Sentudu ras kuasa pe
4. Ajaren
pengarapen enda
Netapkrn ate rusur
nge
Ncukupi kekurangen
jenda
Pelonge perukuren
pe
Ngajari nggenken
ibas susah
Nggehi ibas
pengujin
Sabab di rapit
lalap dosa
Pengarapenta namat
min
5. E
pengarapen kap kap man banta
Temanta tare min
ku das
Man tare min ku
das
Man si ernalem man Tuhanta
KiniseranNa la
‘rbekas
O, kesenangen la ersibar
O, kesriahen si tetap
Jah lanai inget
dalin lalar
Jah jumpa ras
Dibata kap
KEE NO.50
O, seninangku mari
1. O,
seninangku mari
Tekari ben mekap
Lah di gelapen
kari
Ateta me tetap
Ota! Dalinkenlah
Lanai bo kap
ndauhsa
Siidah kari Bapa
Ibas rumahNa ‘jah
2. La lit
erkadiola
Si milih dalin e
Tah pakpak pe
m’bra ola
La lit pe si bene
‘Di njulus gia pe
Tetapken
peratenndu
Pernehen ku
lebenndu
Ma pintum surga e?
3. Tah latih
gia kita
Ban
bongkak-bangkik je
Tah luka pe
Ibahan duri pe
Lain dalin kap la
lit
Si ikutlah Tuhanta
Ban Ia me Temanta
Bene pe lanai nggit
4. Usurilah
senina
Si naruh kapen je
Ja keharun banta
IgegehiNa pe
T’rang adah
nehenlah
Ma siang ayo Bapa?
Nggo ukur jadi
sapa
Sidahi Bapa jah
5.
Dalinkenlah gundari
Lanai ndauhsa kap
‘Dehetna reh tiap
wari
Ku ingan si tetap
‘Di sidalanen kin
Je sisampat-sampatken
Je kesenangen daten
I surga pe pagin
6. Lanai
ndekah serana
Megenggeng kita
min
Nggit ndeher me
jangkana
Si jumpa pengadin
Je benget surga pe
Je jumpa ras temanta Je
ngadap man Tuhanta
Je lalap kita
Tidak ada komentar:
Posting Komentar